¹ Raajootni sobduun gara namootaa ni dhufu, barsiisonti sobduunis gara keessan ni dhufu. Isaan dhoksaadhaan warra gantoota warra diiganis of duukaa ni fidu, gooftaa isa isaaniin fide ni ganu, Isaan saffisaan ofii isaanii irratti diigumsa fidaa jirau. ² Baay’een gowwomsaa isaanii kan duukaa bu’u, daandiin dhugaas maqaa balleessu. ³ Of-tuulummaan isaanii dubbii sobaatiin isin saamu. Ceephoon isaanii yeroo dheeraadhaa kaasee dhufaa jira, diiguun isaaniis hin dhaabanne. ⁴ Utuu Waaqayyi ergamoota warra cubbuu hojjetan adda hin bafne ta’ee, boolla dukkanaa keessatti funyoo sibiilaatiin hidhamanii guyyaa firdiif akka kaa’ama godhe malee, isaan hin qusanne. ⁵ Inni utuu addunuyaa isa durii adda hin baafne ta’ee, Hohiin dhoksee kaa’eera ta’ee, isa qajeelummaa himu, warra turban kan biraa wajjin, yeroo bishaan badiisaa addunyaa warra hin amennee irratti fide, ⁶ Inni utuu magaalota Sodoomii fi Gamooraa daaraatti jijjiire, akka fakkeenya warra Waaqayyoon hin sodaannee ifatee balleessee ta’ee, ⁷ Looxiin isa qajeelaa oolche ta’ee, isa amala miiraa namootaa warra seera hin beekneen hacuucame, ⁸ Nama qajeelaadhaaf, inni guyyaa guyyaatti isaan gidduu jiraachaa ture, hojii isaanii isa seera maleessa argee, dhaga’ees lubbuu isa qajeelaam dhiphate, ⁹ Waaqayyo yoo waantota kana godheera ta’e, namoota Waaqayyoon sodaatan rakkina keessaa akkamitti akka oolchu beeka, akka warra qajeelota hin ta’in hidhu, akka isaan guyyaa girdiitti adabamaniif. ¹⁰ Kun keessumaa dhugaadha, warra fedha foonoo isa hamaa hordofanii fi warra aboo qaban warra tuffataniif. Ija jabeeyyii fi fedha ofii, isaan yeroo warra ulfina qabeeyyii arbsan hin raafamani. ¹¹ Ergamootni jabinaa fi humna guddaa qabu, garuu faallaa isaanii firdii arrabsoo gara Waaqayyootti hin fidani. ¹² Namoonni kun garuu akka bineensota warra yaaduu hin dandeenyeetti, isaan qabuu fi balleessuufis dhalatani. Isaan maal akka arrabsan hin beekani, balleessuu keessas ni badu, ¹³ Gatii jallina isaaniis jallinni irratti ni raawwatama, isaan guyyaa guutuu jireenya keessa ba’aa jiraachuudhaan kajeellaa isaanii isa hamaa raawwachuutti ni gammadu, kajeellaa isaanii isa hamaatti jireenya keessa ba’aa jiraachaa, yeroo isaanii wajjin nyaatan, isaan xurii fi mudaa isaanitti ni ta’u. ¹⁴ Iji isaanii ejjaan guutuudha, isaan cubbuu hin quufani, isaan lubbuu ishee tasgabbii hin qabne gara hojii jallinaatti ni sossobu. Garaa isaaniif sassatatti leenjisaniiru. Isaan ijoollee abaaramaniidha. ¹⁵ Isan daandii isa sirrii dhiisanii isa dogoggaraa irra bu’aniiru. Daandii Bala’aam ilma Be’oor hordofanii, isa warra qajeelota hin ta’im irraa kaffaltii fudhachuu jaallate. ¹⁶ Garuu irra daddarbaadhuma ofii isaatiif ifatame, harreen hin dubbanne sagalee naman dubbatee, maraatummaa raajichaa dhaabsise. ¹⁷ Namoonni kun bishaan burqituu malee fi hurrii qilleensaan oofamuudha. Dukkanni guddaan isaaniif qophaa’eera. ¹⁸ Haasaan isaanii kan akkasumaaniiti. Fedhii fooniitiin, miiraan, isaan namoota warra, warra dogoggran jalaa baqachuu barbaadan ni sossobu. ¹⁹ Bilisummaas waadaa galuuf, garuu isaanumti ofiin isaaniis garboota malaamaltummaati. Namni waanuma isa irratti moo’uuf garbicha ta’a. ²⁰ Gooftaa keenyaa fi fayyisaa keenya Yesuus Kiristosoon beekuudhaan, xuraa’ummaa biyya lafaa duraa, baqatanii erga ba’anii, deeii’anii ittiin qabamanii yoo moo’aman, akki isaa itti jiran inni booddee isa duraa irra ni hamaata. ²¹ Karaa qajeelummaa erga beekanii booddee, abboommii qulqulluu isa isaaniif kenname irraa gara-galuu irra, takkaadhuma utuu hin beekun hafaniiru utuu ta’ee, isaaniif ni wayya ture. ²² Fakkeenyi kun isaaniif dhugaadha, " Sareen deebisee dig-diguma isaa nyaata, booyyeenis dhiqatee dhoqqeetti deebi’a.”