¹ Yaa jaallatamo, hafuura hundumaa hin amaninaa. Qooda isaa Waaqayyoo biraa ta’uu isaanii qoraa; raajonni sobduun hedduun gara biyya lafaa dhufaniiru. ² Kanaan hafuura Waaqayyoo ni beektu-hafuurrii inni akka Yesuus Kiristoos fooniin dhufe dhufaa ba’u Waaqayyo biraati. ³ hafuurri inni Yesuusiin dhugaa hin baane immoo Waaqayyoo biraa miti. Kun hafuura mormitoota Kiristoosi, inni isin dhageessan dhufaa jira, ammas immoo biyya lafaa keessa jira. ⁴ Isin Waaqayyoo biraati, yaa ijoolle, isin isaaniin mootaniittu, sababiin isaa inni isinii wajjin jiru isa biyya lafaa keessa jiru irra ni caala. ⁵ Isaan biyya lafaa keessati, kanaaf waanti isaan jedhan biyya lafaa biraati, biyyi lafaas isaaniin dhageeffata. ⁶ Nuti Waaqayyoo biraati, namni Waaqayyoo biraa ta’e hundumtuu nu dhaggeeffata. Kan Waaqayyoo biraa hin ta’in nun dhaggeeffatu. Kanaanis hafuura dhugaa fi hafura ogoggraa beekna. ⁷ Yaa haallatamo, walii keenya haa jaallannu, jaalalli Waaqayyoo biraati, namni jaallatu hundumtuu Waaqayyoo irraa dhalate, Waaqayyoonis beeka. ⁸ Namni hin jaallanne Waaqayyoon hin beeku, Waaqayyo jaalala waan ta’eef. ⁹ Kanaaf jedhees jaalalli Waaqayoo gidduu keenyatti mul’ate, Waaqayyos kanaaf isa tokkicha ilma isaa gara biyya lafaatti erge, akka nuti isa irraan kan ka’e jiraannuuf. ¹⁰ Jaalala kana keessatti, nutu Waaqayyoon jaallate miti, garuu immoo isatu nu jaallate, akkasuma akka ilmi isaa cubbuu keenyaaf aarsaa araaraa ta’uuf erge. ¹¹ Yaa jaallatamo, erga Waaqayyo akkas nu haallatee, nutis walii keenya jaallachuutu nurra jira. ¹² Namni Waaqayyoont akkaa argee beeku hin jiru; yoo walii keenya jaallanne, Waaqayyo nu keessatti hafa, jaalalli isaa guutuu nu godheera. ¹³ kanaanis isa keessatti hafuu keenya ni beekna, innis nu keessatti, hafuura isaa irraas waan nuuf kenneef. ¹⁴ Akkasuma, nuti akka abbaan ilmi isaa fayyisaa biyya lafaa ta’uuf erge dhugaa baaneerra. ¹⁵ Namni akka Yesuus ilma Waaqayyoo ta’e dhugaa ba’u, isa keessatti hafa, Waaqayyoo keessatti. ¹⁶ Akkasuma, jaalala isa Waaqayyo nuuf qabu beeknee amaneerras. Waaqayyo jaalala, namni jaalala kana keessa jiraatu Waaqayyo keessa jiraata. Waaqayyos isa keessa ni jiraata. ¹⁷ Sababii kanaaf, jaalalli kun nu gidduutti guutuu ta’e, akka nuti guyyaa firdiitti ija jabina qabaannuuf, sababni isaas akkuma inni jiru nutis addunyaa kana irrattis akkasuma. ¹⁸ Jaalala keessa sodaan hin jiru, qooda isaa, jaalalli guutuun sodaa baasee gata, sababiin isaa sodaan adabbii wajjin hojjeta. Garuu, namni sodaatu, jaalala keessatti guutuu hin taane. ¹⁹ 19 Nuti ni jaallanna, sababiin isaa ²⁰ Yoo namni tokko, “Waaqayyoon nan jaalladha” jechaa obboleessa isaa jibbe, inni sobaadha. Namni obboleessa isaa is argu hin jaallanne, Waaqayyoon jaallachuu hin danda’u, isa hin argin. ²¹ Akkasuma, kun abboommii isa nuti isa biraa fudhanneedha, namni Waaqayyoon jaallatu, obboleessa ofii isaatiis jaallachuutu irra jira.