¹ Abbaan jaalala akkamii nuuf kenne, akka nuti ijoollee Waaqayyoo jedhamnee waamamnuuf, kun eenyu akka nuti taaneedha. Kana irraan kan ka’e, biyyi lafaa nun beeku, isa waan hin beekneef. ² Yaa jaallatamo, amma nuti ijoollee Waaqayyooti, maal ta’uu akka jiruu immoo amma iyyuu hin mul’anne. Nuti beekna, yeroo Kiristoos mul’atu, akka isaa akka taanu, akkuma inni jiruttis isa ni argina. ³ Namni hundumtuu isa keessatti abdii qaba, akkuma inni qulqulluu ta’e, innis of qulqulleessa. ⁴ Namni cubbuu hojjetu hundumtuu hojii seera maleessummaa hojjeta, cubbuun seela maleessummaa waan ta’eef. ⁵ Akka Yesuus cubbuu keessan isin irraa fuudhuuf mul’ate ni beektu; isa keessa cubbuun hin jiru. ⁶ Namni isa keessa taa’ee cubbuu hojjechuu itti fufu hin jiru. Namni cubbuu hojjechuu itti fufu isa hin argine, yookaan isa hin beekne. ⁷ Yaa ijoolle, eenyu illee isin hin gowwomsin. Namni qajeelummaa hojjetu qajeelaadha, akkuma Yesuus qajeelaa ta’e. ⁸ Namni cubbuu hojjetu hundumtuu seexana biraati; inni jalqabuma cubbuu hojjeteera. Kanaafis ilmi Waaqayyoo mul’ate, hojii seexanaa diiguudhaaf. ⁹ Namni Waaqayyoottii dhalate itti fufee cubbuu hin hojjetu; sanyiin Waaqayyoo isa keessa waan jiruuf. Inni waan Waaqayyoottii dhalteef itti fufee cubbuu hin hojjetu. ¹⁰ kana keessatti ijoolleen Waaqayyoo fi ijoolleen seexanaa mil’ataniiru; namni waan Waaqayyoo biraa qajeelaa ta’e hin hojjenne, namni obboleessa isaa hin jaallannes akkasuma. ¹¹ kun ergaa isa isin jalqaba dhageessan waan ta’eef, walii keenya jaallachuutu nurra jira. ¹² Akka Qaa’en ta’uun nurra hin jiru, isa isa hamaa biraa biraa ta’ee obboleessa isaa ajjeese. Inni maaliif isa ajjeese? Waan ofii isaaf hamaa hojjetuu fi obboleessi isaa immoo qajeelaa ta’eef. ¹³ Hin dinqifatinaa, yaa obboloota ko, yoo biyyi lafaa isin jibbe. ¹⁴ Nuti jireenya keessaa gara jireenyaatti akka darbine beekna; kanaaf obboloota jaallanna. Namni hin haallanne du’a keessatti hafa. ¹⁵ Nami obboleessa isaa hin haallanne ajjeessaadha. Akka nama ajjeesu keessa jireenyi hin jirre beektu. Namni nama ajjeese kam iyyuu jireenya bara baraa isa keessa jiraatu akka hin qabne ni beektu. ¹⁶ Kanaanis beekna, Yesuus lubbuu isaa waan nuuf kenneef. Nutis akkasuma lubbuu keenya obboloota keenyaaf kennuutu nurra jira. ¹⁷ Garuu, namni meeshaa biyya lafaa qabu, obboleessa isaa isa rakkate arga, garaa gara laafina isaas isa irraa cufa, akkamitti jaalalli Waaqayyoo isa keessatti hafa? ¹⁸ Yaa ijoollee ko, afaaniin yookaan arrabaan utuu hin ta’in, garuu immoo hojiidhaa fi dhugaadhaan haa jaallannu. ¹⁹ Kanaanis akka dhugaa biraa taane ni hubanna, isa durattis garaa keenya ni mirkaneessina. ²⁰ Yoo garaan keenya nu ceepha’e, Waaqayyo garaa keenyaan oli, inni waan hundumaa beeka. ²¹ Yaa jaallatamo, yoo garaan keenya nun ceepha’u ta’e, nuti Waaqayyootti ija jabina qabna. ²² Waan isa gaafannu isa biraa ni arganna, sababiin isaa abboommota isaa ni eegna, waan isa dduratti gaarii ta’e ni hojjenna. ²³ Kun abboommiidha, akka nuti maqaa ilma isaa Yesuus Kiristoositti amannuu fi walii keenyaas jallannuuf; akkuma inni abboommii kana nuuf kenne. ²⁴ Namni abboommii Waaqayyoo eegu, isa keessatti ni hafa, Waaqayyos isa keessatti. Kanaanis akka inni nu keessatti hafu ni beekna. Isa inni hafuuraan nuuf kenne.