¹ Yaa ijoollee, ani akka isin cubbuu hin hojjenneefin waantota kana isiniif barreessaa jira. Garuu namni tokko yoo cubbuu hojjete. Abbaa biraa falmaa qabna, Yesuus Kiristoosiin, isa qajeelaa. ² Inni cubbuu keenyaaf aarsaa isa araarsaadha. Nu’i qofaafis miti, guutummaa addunyaafis malee. ³ Nuti akka isa beekuukaadhaaf dhufne beekna, yoo abboommoota isaa eegne. ⁴ Inni “Waaqayyoon beeka” jedhaa abboommota isaa immoo hin eegne sobaadha; dhugaanis keessa hin jiru. ⁵ garuu inni dubbii isaa eegu, dhugaadhumatti jaallii Waaqayyoo isa keessatti jabaateera. Kanaanis isa keessa akka jiruu ni hubanna. ⁶ Namni Waaqayyoo keessatti qabamee jiraachuu barbaadu akkuma inni adeemetti adeemuutu irra jira. ⁷ Yaa jaallatamo, ani abboommii haaraa isiniif barreessaa hin jiru, garuu isuma durii isin jalabaa kaasee beektaniidha. Abboommiin inni haaraan sagalee isa isin dhageessaniidha. ⁸ Haa ta’u malee, abboommii haaraa isiniif barreessan jira, isa Kiristoos keessatti, isin keessattis dhugaa ta’e, sababiin isaa dukkanichi darbaa jira, ifichi inni dhugaan immoo ifaa jira. ⁹ namni ificha keessan keessan jira jechaa, obboleessa isaa jibbu, amma iyyuu dukkanicha keessa jira. ¹⁰ Nanmi obboleessa isaa jaallatu ificha keessatti hafa, isa keesa gufachuun hin jiru. ¹¹ garuu namni obboleessa isaa jibbu dukkana keessa jira, dukkana keessas ni adeema; inni eessa akka adeemaa jiru hin beeku sababiin isaa dukkanichi ija isaa jaamseera. ¹² Isiniifan barreessa, yoo illoolle, sababii maqaa isaatiin cubbuun keessa isiniif dhiifameera. ¹³ Isiniifin barreessa, abbootii, sababii isin jalqaba irraa kaaftanii isa beektaniif. ¹⁴ Isinnifin barreessa, yaa dargaggootaa, sababii isin isa hamaa sana mootaniif. Isiniifin barreessa, ijoollotaa, isin abbaa waan beektaniif. ¹⁵ biyya lafaa yookaan waantota biyya lafaa keessa jiru hin haallatinaa. Namni yoo biyya lafaa haallatee, jaalalli Waaqayyoo keessa jin jiru. ¹⁶ Waanta biyya lafaa keessa jiru hundumaaf, hawwi foonii, hawwii ijaa fi of-tuulummaan jireenyaa abbaa biraa miti, biyya lafaa biraati malee. ¹⁷ biyya lafaa fi hawwiin isaa darbaa jiru. Garuu namni fedha Waaqayyoo hojjetu immoo bara baraan jiraata. ¹⁸ Yaa ijoolle, yeroo isa dhumaati. Akkuma dhageessan inni mormituu Kiristoos ta’e dhufaa jira. Amma warri mormitoota Kiristoos ta’an dhufaniiru. Kanaanis akka inni yeroo isa dhumaa ta’e hubanna. ¹⁹ isaan nu biraa adeemaniiru. Garuu ni biraa miti. Utuu nu biraati ta’ee numa silaa numa bira ture turani. Garuu isaan yeroo sokkan, akka ni biraa hin ta’in argisiisaniiru. ²⁰ Isin garuu isa qulqulluu biraa dibata qabdu, hunumati keessanis beektu. ²¹ waan isin dhugicha hin beekneefin isinii barreessa miti, garuu waan isin beektaniif, sobnis dhugicha bira waan hin jirreef. ²² inni sobduun eenyuudha, inni akka Yesuus, Kiristoosiin ta’e ganu? Namni sun mormituu Kiristoosi, inni abbaa fi ilma ni gana. ²³ Namni kam iyyuu ilma kan ganu abbaa of keessaa hin qabu. Kan ilma dhugaa ba’u immoo abbaa qaba. ²⁴ Isiniif, inni isin jalqabaa kaasee dhageessan isin keessatti haa afu. Isinis ilma keessatti, abbaa keessattis. ²⁵ Kun kakuu isa inni nuuf kenneedha, jireenya bara baraa. ²⁶ Ani Waan kana waa'ee warra isin gowwomsuu barbaadaniifin isiniif barreesseera. ²⁷ Isin garuu ibatni isin fudhattan isin keessa ni jiraata; namni kan biraan isin barsiisuun hin barbaachisu, dibatichi akka waan hundumaa isn dhugaadha malee soba miti. Akkuma inni isin barsiise isa keessa jiraadhaa. ²⁸ Amma, yaa ijoolle, yeroo inni mul'atu ija jabina qabaannee dhufaatii isaa duratti akka hin qaanofneef isa keessa turaa. ²⁹ Yoo akka inni qajeelaa ta’e beektan, namni waan sirrii hojjatu hundi isa irraa akka dhalate ni beektu.