¹ 1.ብራ ክሶሰና ናኰርክ፡ በህሊን አቅሸተውዲ ከወውዲ፡ኢየሱስቲ ኩዳኖሉ፡ ላት አኽሮ ኰድጚኒዅ። ² 2.እንሸውኖሉኻ፡ጲላጦሲ፡እንሲምድ ደኲስኖ ኡንዅሉ። ³ 3.ይሁዳ እን ደኲሶ እዋዅሉ፡ክራ፡ፈረድሳዅሲ ቋሎአና፡ጥዒሶ፡እን ሰኾረጝን ቅርሽ አቅሸታ በህሊንዲ፡ከው ሀህሊንዲትል አዶ እንቶ “አን ኪቲዅን ውረድ ብር ናስሐን ብቊሰ ህንባኽር ግን” ይኹሎም።` ⁴ 4.ናዋ “ኲላውድ አርእሩዅ ይን ውሪ ፈሮና”ይንዅሉ፡ ⁵ 5.ንኻ እን ሰኾረጝን ቅርሺ ቤት ጸሎትሊ ማሎ፡ፈሮ ገመር እሰ፡ክሩዅ። ⁶ 6.እን አቅሸታ በህሊጛ፡እን ሰኾረጝን ቅርሺ አድኖ፡ “ነን ብር አራኻ ግን፡እንድባ ሰደቀትዅል እን ኲርኖሎም ወጀበለና ይኖ፡ ⁷ 7.ኰድጚነ፡ጋሽድ አርብ አካ ብራ ጅቢኒዅሉ። ⁸ 8.ንድ ግን እን ብራ ናን አኽታሲክ ብር ብራ ይስታዅ። ⁹ 9.ናንኻ እን ነቢይ ኤርሚያስ “እስራኤልድቊር እን ሰኾረጝን ቅርሽ፡አረኸድ ክስታዅአድኖ ሺብኖ፡ ¹⁰ 10.ደረቋ ብሪ አደረድ ኡንዅሉ፡ዮ እርጋዅ ናኸ ተመምዅ። ¹¹ 11. ኢየሱስ፡እንሲም ጃብል ደውይዅ፡እንሲምኻ “እን አይሁድ ንጉስ እንቲማ” ዮ ወንቀርዅሉ።ኢየሱሳ “ወራ ኲላውድ እንቲ ይረኲ እንኲላማ”። ¹² 12.አቅሸታ በህሊንዲ፡ከው በህሊንዲ፡ገሪዉድ ሸከዩኑሉ ላሪ ድኳ ወንተስላ። ¹³ 13.ጲላጦስኻ “ውራ እንቲ ናው ሸከዩንካ ላሪማ ወንተሰላ?” ይዅሉ። ¹⁴ 14.ኒ-ደአም፡እንሲም ፈከርስራሲክ ወንተስለሉ። ¹⁵ 15.እን እንሸውሰውልድ፡ጲላጦስ በዓልድ በዐልላዅ ናው ፍሪርናዅሲክ እንክሮሎም ክኒ ሳጘኩሎም። ¹⁶ 16.እን ወክት እንዲላ፡ላግርዋ በርባን ይስታዅ ኒ-ገሪ ምቊልንናርድ፡አርእስታዅ መሕቡስሊ እንሸውሳዅ ሳጘኲ። ^{17 18} 17-18. ጲላጦስ ኢየሱስቲ ተነክነድ ሻኺስነትሉ፡አርኡ እርግነዲን፡እን ከው እንኩልኲልሶ ህንበውሲ፡ “እና ለጛ ነልድ፡አዊስ እንክየኩም፡ጀረብደናዅን በርባንቲማ፡ኣማ እና ክርስቶስ ይስታዅ ኢየሱስቲ” ይዅሎም። ¹⁹ 19. ኒቂጦራ፡ፍርድዅል ከፍዮ ዋንቱኻ? ኒ-እዅና፡ “አን ንኪ ነባኺሲ፡እና፡ግርዋ ሐላልዅሪ ሰበትድ ሳደድሶ ገንጅጊ ኪዅን እማ እና ወራት ኒኹል ኲናንሰኢ ገምድግ” ይሮ እንሻቅቲሉ። ²⁰ 20.አቅሸታ በህሊንዲ ከው በህሊንድኻ በርባንቲ እንክሮሎም።ኢየሱስትኻ ሰቀልዶሎም፡ከውሲ አጃሲሲኒኹሎም። ²¹ 21.እንሲን እንሲም “ለጘርትልድክ፡አዊስ እንክየልኲም እንከልደናዅን” ይዅሎም። ²² 22.ናዋ “በርባንትዋ” ይንዅሉ።ጲላጦሳ፡ “እና ክርስቶስ ይስታዅሲኻ ውራ፡ሀቢየሉ”፡ይዅሎም። ²³ 23.ናውኻ ናኾርክ “ሰቀሊሉ ይኑ፡ጨርሕንዅ።ጲላጦስኻ “ኒደአም ውራ ምቊላ እሰ፡ይዅሎም።ናው ደአም “ሰቀልስኒ” ዩኑንሲክ ኮዲነክ ረገስ ትንዅ። ²⁴ 24.ጲላጦስ ድልቅልቅ አኽጋዅ ላሪ እሲሮ አከገት፡አትዋየንዶ፡ከዋ ነበክል፡ “ኣን እና ብር ሻትኩልድላጭሕ ግን እንታ ላውድ አር እድንዅ” ዩንሲክ ናንትትሲ እን ቃርዅ። ²⁵ 25.እን ከዋ ናኾርክ “ኒብር ይነዲ ይናቊርዲር አኾርሊ፡አኸኒ” ይንዅ። ²⁶ 26.እንሲን፡በርባንቲ እንኩዅሎም፡ኢየሱስትኻ፡ቀለጢሶ፡ሰቀልድኖ፡ናናንትልተ ላምስዅሎም። ²⁷ 27. ንደንቢ እንዓስከር ሲሙ፡ኢየሱስቲ ዲባ ፍርዅል፡አድንዅሉ፡ናትክ ዓስከርሲ ሽጘሎም፡እንኩልኩልንኲሉ(ከለብንዅሉ)። ²⁸ 28.ኒ-ሰረንሲ ካይስኖሉኻ፡ታዊና ሰራዅ ሰስንዅሉ። ²⁹ 29.እክክምሲ ላት እንሸሸውኖኻ፡ሻሽስና አኾርሊ ገምድንዅሉ።ኒናን ላውልኻ ሽንክረስ ሻኺስንኹሉ።እማ፡ኒጃብል እብርክ ይነክ፡ “ኦ አይሁድ ንጉስ ወርካማ”፡ ይነክ፡ቅበሲ ዋዕቡኑሉ እርግንዅ። ³⁰ 30.ኒዳግል ጡፍ ይንኹሉ፡እንሽንክረስ ኒልድ ባሪስኖኻ አኾርሲ ጠዓምብኑኹሉ። ³¹ 31.ና ሃቢነ ማዕቢነሉ ደምቢ፡እን ታዊና ሰራዅሲ ህይኖሉ ኒታኲንሲ ሰስንኹሉ እማ ሰቀልድኖሉ።አድኖ ፈርንኹሉ። ³² 32.ፈሩኑኻ ግርዋ ስምዖን ይስታዅቀሬኔሩዅ ደርብል ሃደፍ ዮሎም መስቀልሲ ሒልድ ሙቅሲስንኹሉ። ³³ 33.ጐልጐታ ማዕነት ናሽሽ አኾር የና አከንሊ ገእይኖ ሰና፡ ³⁴ 34.ሚድ መንሸው አሙዲ ሕበሪነ ጅእሮ ኡንኹሉ፡ንኻ ታሞ ጉሽኹሎም። ³⁵ 35.ሰቀልኖሰነሉ፡ኒሰረንሲ ቅሻ እሲነ በንስጚነኹሎም። ³⁶ 36.ኒል አኽኖኻ ተከውኑሉ እርግንዅ። ³⁷ 37.ኒከተስ ድዋዃ “ኒን ኢየሱስ አይሁድ ንጉስ ግን” ያዅ ከተብኖ ኒኤወይሲ እሲኒኹሉ። ³⁸ 38.ኒድኻ ለጛ ስኳን ላውዲ ሸንገብዲሲ ሰቀልኑዅ። ³⁹ 39.እን ደርብድ ደኰውኻ ናአዀትሲ ነክነኪነክ ጀኹኑሉ እርግኑዅ። ⁴⁰ 40. “እንቲ ቤት ጸሎትሲ ሐንፈስሮ ሰዃ ኳሪል ገበርዳኽር፡እንደ ኲሹት ደኤንዲ እምንድክ ጃርኹራ አክረን እንጫ ጣልይሮ ህምብራዅልድ ገሚ”፡ ዩኑሉ እርግኑዅ። ^{41 42} 42.ኒሰና ይዅ አቅሸታ በህሊንዲ ከታበንዲ ፡ከዋ በህሊንዲ ሐበርሲነ አንደዋ ዩኑሉ አርግኑዅ ። ⁴³ 43. “ኤሪውሲደኤንዱ ሰጘላማ ውራ ናን ኒሹት ደኤንዳጋዅ?እንደ እስራኤልዲ ንጉስ አከንናን ቋልኖ ኒድ እምኖ እንጫ ሰቀልሶሉ ህንባዅልድ ገምን። ⁴⁴ 44.ውራ ጃርድ እምኖ ጃርኹራ ግን ዩ እርግለማ፡እንደ ናን ጃር አንከላኹሉ ርከን ደኤንድንሉ ይነካ ቅበሲ ጃኹኑሉ እርግንዅ። ⁴⁵ 45.እን ኒዲ ሰቀልሶ እርገውሲ እንደዋ ይንክ ጃኹኑሉ እርግኑዅ። ⁴⁶ 46.ግርግ ገፍልድ ተርሰ፡ሰዓት ሰዃ ኲርጚዅል አኸ ትሲክ እርድ ኒውክ ጨልመቱዅ። ⁴⁷ 47.ሰዓት ሰዃ አቅቶሰናኻ ኢየሱስ ደሃይሲ ክብሰ፡ “ኤሎሄ፡ኤሎሄ ላማ ሰበቅታኒ” ዩንሲክ ጨርሑዅ (ገዓሩዅ)፡ኒንኻ “ዎ ይኽር ጃር፡ዎይኽርጃር ውሪዅይቱ ባርድኹንለ” ይና ግን። ⁴⁸ 48.ላውኒል እርገውልድ፡ኒስ ዋስነሰና “ኒን ኤልያስቲ ሽጘኲ እንኩዅ” ይስትጚኒዅ፡ ⁴⁹ 49.ናልድ ላዅ ጋጙ ፈሮ መንሸው ጅእስተው ቀጢንሊ እሰ ሽንክሪል እንሸዎ ጅእስኹሉ። ⁵⁰ 50.ላው “እንደ ባሪ ኤልያስ እንቶ ደኤንዳኹሉ አከን ቋልኖ” ይኑዅ። ⁵¹ 51. ኢየሱስ ኮዶ ደገሶ ደሄይሲ ክብሰ ዓዕዮ ደምቢ ኒፍዅትሲ እውዅ። ⁵² 52.እንሲን ከራር ቤት ጸሎቱዅ እዋዅልድ ስቋኹል አኽታሲ ለጛትል ሔቅ ዩዅ፡ብራ ውልእዅ፡ሸሽሽ በጥትጚሪዅ፡ ⁵³ 53.አርፍፍ ብስቱዅ፡እን ሻትካን ክሮ እርገው ገሪው ናበድጛትዲ ጉኑዅ። ⁵⁴ 54.ኒ ጉኒ ደምቢ፡አርፍፈልድ፡ፍኖ፡እንደገጊትል፡አተይኖ፡ገሪውድ ቋልስትኑኽ። ⁵⁵ 55.እን ሊኽ አደራ፡እን ኒዲ አኽኖ ኢየሱስር አርብሲ ተከው እርገውዲ፡ብሪ ውልእነዲ፡ድልቅልቅዲት፡ወራታት አኸውዲት ቋልኖሰና፡ገሪዅ ጉኢትንዅ፡ኒ-ን እምንድክ ጃር ዅራ ግን፡ዩኑ ታንቲኒዅ። ⁵⁶ 56.ኒልኻ፡እኲን ኢየሱስቲ፡ዓወኑሰጘው ገሊለትልድ ተርሲነ እንሻቅሰው ሺራዅል፡አትቋመቱኑ፡እርግንዅ።ናልድኻ ማርያም መግደላዊዲ፡ማርያም ያዕቆብዲ፡ዮሴፍር ገነዲ ዘብዴዎስቊርድ ገነዲ እርግንዅ። ⁵⁷ 57.ኩንጝ አኾሰና፡ላግርዋ ዮሴፍ ይስታዅ ገሪ ገድ ሻዅ አርማተርዅ እንቱዅ። ⁵⁸ 58.ኒን ትብታንድ ኢየሱስር ታላይቱራ ሰጛዅ ግን፡እማ ጲላጦስትል ፈሮ ኢየሱስር በድንሲ ሺዊኹሉ፡ጲላጦሳ እወሉ ዮ እንሻቁዅ። ⁵⁹ 59.ዮሴፍኻ እን በድንሲ ደበላንድ ትብሎሉ ኒሹሺ ዮ ሽሺል ግኽደ እርጋ ጐቅሊ ቱስኹሉ። ⁶⁰ 60.እን ጎቅ አብስኻ ክርጛ ከላእኮትድ አበዶሉ ፈሩዅ። ⁶¹ 61.ኒቅብልኻ ማርያም መግደላዊትዲ፡እን ላሪ ማርያምዲ አርብሲ ቋሉኑ እርግኑዅ። ⁶² 62.ኒክሰረት በዓል ደለምኒ ግርጋ አኽነዲን አቅሽታ በህሊንዲ፡ፈሪሳንዲ እንኲል ኲልስኖ ጲላጦስትል እንትኑዅ። ⁶³ 63. “ዎ ይና አደራ እን ምለንታ ይና ነበክል ዋኑ አን ክሮሰና ሰዃ ኳሪ ደምቢ ጉያግን ዮ እርገት ናን አልብድንኹን። ⁶⁴ 64.እማ አውኒ አርእኹን ኒታለይቱት ቂር እንትኖ በድጝሲ ስውኖ ከውሲ ጉዅ ይኖ ከቲሰግኒን፡ሰዃ ኳራ አኽራሲክ ኤርብሲ ተከወውእሲ ውረድ ጃበሪ ምለኒልድ ድምበሪ ምለና ጃብጊን” ይንኹሉ። ⁶⁵ 65.ጲላጦስ “ተከወው እንተው ህምበነኩኩም፡ፈረድኖ እንታ አምርሰነክ (ምራድሰነክ) ተከዋ” ይኹሎም። ⁶⁶ 66.ናዋ ፈርኖ እን ክርጛ ጐቅሲ አበዶ ህምባኹድ አወይሲ አርእስትሮር መታን ሽሮት እሲነ ተከወው እሲኒዅሉ።