¹ 1.ኢየሱስኻ ነስ ጋበ ደምቢ፡ኒታለይቱትሲ ነዋ ይኹሎም፡ ² 2. “ልጛ ኳራ ደምቢ ፋጅኻ አከት አርእድኑዅ።አዳሚንድዅረስ ሰቀልስሮ ደኲስኖ ኡድኖሉ ግን፡”። ³ 3.እንሲን አርአው አቅሽትዲ፡በህሊን ከወውዲ፡ቀያፋ ይስታዅ አቅሸታ በሄርድ ልጝሊ ዲባ ዓገልንዅ። ⁴ 4.ኢየሱስቲ ምልሲነ ሻኽኖ ኩድኖሉኻ ኰድጚኒዅ። ⁵ 5.እና ወራት ኒጛ ከዋነበክል ሐንቀልቀልና ጉጊን በዓል ግርገድ አኽጊን የመምኑዅ። ⁶ 6.ኢየሱስ ቢታንያትል ስምዖን በርሰቱዅድ ልጝሊ ዋንቱኻ፡ ⁷ 7.ላእዅና ኒአረኻ ካላእ ዕጥር ኒቂራ አቅትራሲክ ምልምል ግባተትልድ አድሮ እንትሮ፡ምድሊ ዓገልሶ ዋንቱ ኒ አኾርሊ ቋስቲሉ። ⁸ 8.ኒታለይቱት ኒስ ተካ ጋርሲ ቋልነሰና ቀጠብኖ፡ ⁹ 9. “አበዲ ውሪ ሰበብድ ግን ነስተካ ዕጥር ግምሽትል ድዳኹን፡አረኻ ገሪውድ ክስቶ ድቡራንድ እውስትርድ ሻው አኽለማ?” ይኑዅ። ¹⁰ 10.ኢየሱስኻ ናለፈካ ሃመትሲ አለለዮ “እንትን እና እዅነት ትክያወራት እስረ ዋንትሩ ውሪዅ ግን ነሃብዲነ ሃለትደናዅንላ? ¹¹ 11.ድቡራን ዲማ እንተዲ ግን፡አንኻ ዲማዳይም እንተዲ እልሊ። ¹² 12.እና ዕጥር ንኪ ይአኾርሊ ብቊስረው አመሪ ይኤርብል ብቊሲቶ ፈርደው ግን። ¹³ 13.እምንድክ ይየኩም እና ወንጌል ብሽራት ገእያ አካንሊክ ንር ስጙ ጉሮግን የኩንኩም”። ¹⁴ 14.ላዅ ይሁዳ አስቐሮታዊራ ይስታዅ፡እን ሽካ ለጛትልድ በህሊን፡አቅሸተውል ፈሮ፡ ¹⁵ 15. “እንታ ናንተል ደኩሶ እውየኩም ውራ ኡትነለ” ይኹሎም።ናዋ ሰዀረጝን ቅርሽ ዓርበንዅሉ። ¹⁶ 16.እንሲን አንበታዃ ምልሰ ሸኺስሮሉ ደልማ ወክት አትቋመቱ እርግዅ። ¹⁷ 17.ኢየሱስቲ ኒታለይቱት ኒል ስኩር ይንዅ እማ “ፋጅኸስ አዊል ቊቶ ጀረብራዅን” ይንዅሉ። ¹⁸ 18. ንኻ “ፈራ ድገትል፡አተይድኖ፡ፍላን ይስታዅ፡ግርወስ፡መምህር ገድም ይወክት ስኲርዅ እማ፡ይታለይቱዲ፡ፋጅኸስ፡ኲዲ ደኲሲያ ግን፡የኲካየሉ” ይዅሎም። ¹⁹ 19. ኒታለይቱትኻ፡እን ኢየሱስ ያዅድሰነሎም፡ፈርኖ፡ፋጀኸስ፡ደለምድንዅሉ። ²⁰ 20.ኩንጝ አኾሰና ኒሽካ ለጛ ታለይቱዲ፡ሙነትሊ ዓገልስዅ። ²¹ 21.ቊኑኻ “እምንድክ፡የኩም፡እንተልድ ላዅ፡ከየንዶለግን”፡ይዅሎም። ²² 22.ናዋ፡ኒ-ኰርሲክ፡በኻኻርኑዅ። “እማ፡አኽሪዎይ አደራ”፡ዩኑኻ ላዅላኹድ ወንቀርኑዅሉ። ²³ 23.ንኻ “እን ናንሲ ግባርሊ ይዲ ገምዳዅ ግን እን ከየናዅለ፡ ²⁴ 24.አዳሚንድዅራ እን ኒድ ከተብሳዅድሰና ፈረኲ፡እንኲዅ፡ዳአም፡እን አዳሚንድዅረስ፡ደኲሶ እዋዅ አጀዋ፡እዃርስጋዅ፡አከን ኪድርድሉ”፡ይዅሎም። ²⁵ 25.ይሁዳ እን ካይንኻ “መምህር አንቶክ አኽሪ” ይዅሉ የሱስኻ “እንቲ ኲላውድ ይረኲ፡እንዅሩኲ”፡ ይዅሉ። ²⁶ ኢየሱስ ቅዱስ ቊርባንሲ እሲዅ(ሰርዕዅ) 26.ቊኑኻ ኢየሱስ ሳንስዓስ አድዅ እማ፡ገውሮ፡ሸረፎ፡ኒታለይቱትሲ “እህና-ቋ ኒን ይስኻ፡ግን” ዩንሲክ፡እውዅሎም። ^{27 28} 27-28.እንዳሀበ ይኸ ዋንጨስ አዶኻ፡ሐመዶ ደንቢ “እህና፡ናውክ ጀኣ፡ነን ገሪውድ ናዓገብ ብሕል መታን፡ፍዳ ቡቊተው ይብር ግን” ዩንሲክ ኣውዅሎም። ²⁹ 29. “እምንድክ ይየኩም ሲመር ጃርዅል፡ሐዲስድ እንተዲ አኾ ጅእሪሲክ፡ንደምብክ፡ሚድ ጀአሊ” ይዅሎም። ³⁰ 30.ማእኮት ሳብርዅሲ ሐለይኖኻ፡አካን ዋኻቱኲል አኽራሲክ ፈርኑዅ። ኢየሱስ በጥሮስ በረየትሉ ተንብህዅ ³¹ 31.ኢየሱስ “አን ንኪር ቂርሊ፡ኣንተድ፡እንቋራ አኺየኩም ግን።ኒንኻ፡እን-ክቱብ “ምቃቀስ ጠዐንብያ ግን በግኻ፡እንጊትል ገለብቶ ግን”፡ ያዅሲ አልብዳ። ³² 32.ደአም ክሪልድ ጐሰና ገሊለትል በደርድየኩም ግን” ይዅሎም። ³³ 33.በጥሮስ “ናውክ ኩድ፡ዓንቀፍሰንጝር፡አን ኩልድ ሲረሊ” ይዅሉ።ኢየሱሳ፡ “እምንድክ የካ ንኪርቂርሊ፡ዳርዋ ኳየጊ፡ሰዃ ዶል በረይቶለ ግን የኲንካ። ³⁴ 34.በጥሮሳ “አን ንኪ ኲዲ ክርዲ ግን ግራ ኒዀርሲክ በረየሊካ” ዩንሲክ ጀመርዅ።እንታለይቶት፡እንደጝር፡እንደዋ ይንዅ። ኢየሱስ ጌተሰማኒትል ³⁵ 35.ንድ ደምቢ ኢየሱስ ኒታለይቱትዲ ጌተሰማኒ ይስታኹል ፈሩዅ እማ ኒታለይቱትሲ “እንጨደት ፈሮ ጸሎት እሲሪሲክ ነት ግጃ” ይኹሎም። ³⁶ 36.ኒዲ ቤጥሮስዲ ለጛ ሻን ዘብዴዎስቊርዲት አዶኻ ቊርቊርትሮ ተርሲዅ። ³⁷ 37. “ይፍዅት ክሪልአኽታሲክ ሃመትሊ ቱሮ ህምበቲ እማ ነት ይዲ አኽድኖ ተርሃ” ይኹሎም። ³⁸ 38.ናልድ ስርገዮ ብሶትድ ብሪል ክብሪኻ “ዎ አበ፡ገረስታዅ አከን እና ዋንጫ ኒን ይልድ ደኲኒ፡ደአም ኲምራድ አኽኒ ግን ግራ ዩዅ አኽጊኒ” ዩ ሺዊዅ። ³⁹ 39.ኒታለይቱትሊ ወንተሮሰናኻ ገንጅኖ ዲዊኒኹሉ እማ ቤጥሮስቲ “ነሃብዲነ ላዶን ይዲ ተርህነስማ ቂልስ-ድንኹን?” ⁴⁰ 40.ሸርሊ ቱግድኒን ተርሃኽር ሺዋኽር፡ስኻ ሐያም ግን፡ፊዅት ደአም ዲማ ደለምሮ ህንብረሪ ግን”፡ይኹሎም። ⁴¹ 41.ኮዶ ወንተሮ ናልድ ስርግዮ “ዎ አበ፡እና ዋንጫኒን አን ጅእጊሉ ደኲሮ ገረስተጋዅአከን ኲምራድ አኽኒ” ዩ ሺዊዅ። ⁴² 42. ሐዲስድ ናል ወንተሮሰና ናዕልል ጅምዅድ ሽጙቶ ገንጅኖ ዳዊኒኹሉ። ⁴³ 43.ባሮሎምኻ ኒእማኒሰና ሲዀርወንትሮ እን እማና ያዅ ጸሎትሲ ድሙዅ። ⁴⁴ 44.ንድ ደምቢ ወንትሮ ኒታለይቱትሲ “ገድም ገንጃ ፊዃ እናሐን አዳሚንዱዅራ ዓገብውድ ናንትተል ሻክስታ ወክት ገእዩዅ። ⁴⁵ 45.ጓ ፈርንን እን-ካይን እናሐን-ኒ እንተረኲ እንኩዅ” ይኹሎም። ኢየሱስቲ ሻኽነትሉ ⁴⁶ 46.ናኸ ጋቡኻ ይሁዳ እን ሽካ ለጛትልድ ላዅ፡ኒዲ አስያፍዲ፡ግንፍፍዲ ሙዅሮው ከው ከላእ አቅሸታ በህሊንድ እንሻቅሰው እንትንዅ። ⁴⁷ 47.እንካይን “እን አን ሰለማዅ ንግን ፈጠንድኖSሻኻ” ዮ ኰድጘሎም እርጉዅ። ⁴⁸ 48.ንርድ ንርድኻ ኢየሱስትል ስኲርዩዅ እማ “ሰላም መምህር” ዩንሲክ ሰለሙኹሉ። ⁴⁹ 49. ኢየሱስኻ “ድዊ ይማዱ እንቲ ንድመታማ ኲእንትና” ይኹሉ።እንሲን ሻኽኖ እንሸውንኹሉ። ⁵⁰ 50. እንሲን እን እየሱስዲ ድየውልድ ላዅ ሴፍሲ ልጝልድ ፍዶ ላገንጂና አቅሽሽታዅሲ እንቁወስ ጨረሙኹሉ። ⁵¹ 51. ኢየሱስኻ “ህምቢ ሴፍሲ ኒልጝል ወንተሲሉ፡ሴፍድ ድሂሳዅ፡ሴፍድ ግን ኒድድና። ⁵² 52.እንቲ አርእቶ አን ጀረበዶክ ይኽርሲ ገደዪሰውለ ሺዊሪድሉ፡ንኻ ሽካለጛ ሰራዊትልድ በጃኸው ንርድንርድ ፈስርድለ። ⁵³ 53. ላገፍዳ ኒሰና አከ-ገን እን ክቱብ ኒስ ዩሰጛዅ አዋኸ ተመምርድ ሻዅ? ⁵⁴ 54.እንሲን ኢየሱስ እንከውሲ “ስዋኒሰናማ አስያፍዲ ግምፍፍዲሲ ሻኽትኖለ እንትድንዅን?ውራ እንታ ነበክል አኾ ዲማ ክንሱኩም ሻኽግድኒለ? ⁵⁵ 55.ኒን ኒውክ እን ክቱብ ነብያተው አቅትሮር መታን አኻዅ ግን”፡ይኹሎም።እንሲን ኒታለይቱት ባርኖሉ-እግርኑዅ። ኢየሱስ ዲቢ ጃብል ⁵⁶ 56.እን ኢየሱስቲ ሻኸው ቀያፋ በሄር አቅሽታኹድ ልጝሊ አድንኹሉ።ኒልኻ ከታበንዲ በህሊን ከወውዲ ዲቢትኖ ዲዊኒኹሉ። ⁵⁷ 57.ቤጥሮስ እንዳራ ስርግዮ ቅብልድ ሮሻን በሄር አቅሽታኹል አኽራሲክ ተለይኹሉ፡ ⁵⁸ 58.ቃዕረትሊ ትዎኻ ውራ ሃበነትሉ አትቋመትሮ ገንሺንዲ ሕበርሰ ከፍዩዅ። ⁵⁹ 59.ኒላ አቅሸታ በህሊንዲ ናውክ ዲብኢቶ እርገውዲ ኢየሱስር አወይሲ ብንድ ሰምዐው ጀረቡኒ እርግኑዅ።ገሪው ብንድ ሸረው ስኲርኑዅ፡ደአም ላሪ ድኳ ከታ አርኒ። ⁶⁰ 60.ደንቢረድ ለጛ እንትንዅ እማ “እና ግርዋ ኒን እና ቤት ጸሎት ጃርዅሲ አን ሰዃ ኳሪል ሐንፈሶ ገበርየሉ ገረሰኩን ዩንሲክ ዋስንኹንሉ” ዩኑንሲክ ሳምዕኑዅ። ⁶¹ 61.እንሲን አቅሸታ በሄር ጉዅ እማ “ውራ አበዲ እንቲ ናውክ ናሃቢነ ሸከዩኑካ ላሪ ወንተሰለማ” ይኹኑ።ኢየሱስኻ ሰቈቡዅ። ⁶² 62.እንሲን እን አቅሸታ በሄር ከርተፍዩዅ እማ” እንደ አበዲ እንቲ ክርስቶስ ጃርዅራ አክረን ኲዓይብ ጃርድ ድዊቶና” ይኹሉ። ⁶³ 63.ኢየሱስኻ “ውራ እንቲ ኩላውድ ደረኲ እንኲላማ?ንድ ደምቢ አዳሚንዱዅረስ ጃር ላውል ጠፍሖ ብኳና ዓስተሩዅሊአኾ፡እንተሩንሲክ ቋልትኖሉ ግን” ዩንሲክ ወንተስኹሉ። ⁶⁴ 64.እንሲን እን አቅሸታ በሄር ነዱበትድ ኒታኲንሲ ሔቅሰ፡ “ይኸ ውሪ ሰሚዕ ጀረብዳኹንና፡ውራ ጃርሲ ጀኻኹሲ እንተ ላውድ ዋስዶነኲ እልድኒማ? ⁶⁵ 65.ናጛ ውራ ይደናኽር” ይኹሎም።ናዋ “ኒን ክራ ወጀበኩሉ” ይንዅ። ⁶⁶ 66. እንሲን ኒገሸል ጥፍ ይንኹሉ፡በርጊዕንኹሉኽር። ⁶⁷ 67.ናበልጛ “ክርስቶስ አክረን እንደ ኤርኢ አውኒ ግን እና ኲትጠዓምባዅ?” ዩኑ ቃሺ ገጨብንኹሉ። ቤጥሮስር ከየና ⁶⁸ 68.ቤጥሮስ ቃዕረትሊ ከፍዮ ዋኑ ላገንጂና ኒልእንትቲሉ እማ፡ “እንቲ ኢየሱስ ገሊላሩዅዲ እርግሩዅ” ይቲሉ። ⁶⁹ 69.ንኻ ናድካ ጃብል “እና እንቲ ይራዅሲ ኤርእሊሉ” ዩበረዩዅ። ⁷⁰ 70. ኒልድ ጐ ጭምድሊ አኽታሲክ ፈሩኻ ኤሪሪ ገንጂና ሃደፍ ይቲሉ እማ እንኒል እርጋ ከውድ “ኒጝር ኢየሱስ ናዝሬትሩዅዲ እርጉዅ” ይቲሎም። ⁷¹ 71.ንኻ ሐዲስድ “እን ግርወስ ኤርእሊሉ” ዩንሲክ ሸሩዅ። ⁷² 72.ላዶን ግጅናሰኻ እን ኒል ጠጠው ዮ እርገውልድ ቤጥሮስትል ስኲርይኖ “እንትኽር ናልድ አኽረት ኲላንቅድ ኤለለይስረኲ” ይንኹሉ። ⁷³ 73. ላዶን ግጅናሰኻ እን ኒል ጠጠው ዮ እርገውልድ ጴጥሮስትል ስኲርይኖ “እንትኽር ናልድ አኽረት ኲላንቅድ ኤለለይስረኲ” ይንኹሉ። ⁷⁴ 74. ንኻ እን ግርወስ ኤርእገትሉ፡ሸርዶኽር፡እሺትጚሮኽር ተርሲኲ።ንርድ ንርድኻ ዲርዋ ኳዪዅ። ⁷⁵ 75. እንሲን ቤጥሮስ “ዲርዋ ኳየጊ ሲዅን በረይቶለ ግን”፡ዮሉእርጋ ኢየሱስር ጋበት እልብዱዅ እማ ኒልድ ከደን ፌ፡አቅትራሲክ ስሪዅ።