ኣንኰር ፊዃ (ፊዃ-5) ¹ ከው ገሪውኻ ጃር፡ጋበት ዋስድኖ እኺርኺርሲ፡ትንክቡኑ ካክሪትንዅሉ፡ኒኻ ጌንሳሬጥር ዓይግ ሸልሊ አንጦጠሎ እርጉዅ። ² እን ዓይግ ሸሊኻ ለጛ ታንኰት ቋሉዅ እን ዓሳ ሻከዋ ገምኖ ና ሰቀሊትሲ እጝቃሱኑ እርግኑዅ። ³ እን ታንኳትልድ እን ስምኦንትሪትል ዓረጉዅ፡ብሪልድ ብንሲ ስርግሲሮሉኻ ሺዊኹሉ።ንርትል አኾኻ እን እክሲ ክንሲሮሎም ተርሲዅ። ⁴ ድጞሰናኻ ስምኦንቲ “አካን ሺራዅል ስኩሲላ እማ ዓሳ ሻክትኖ ሰቀሊትሲ ማላ” ይኹሉ። ⁵ ስምኦንኻ “መምህር ቂር ሺራዅሲክ ጀረብኒኹን ላሪ ሻኸናዃ ሻኽኒ ደአም እን ይረሰና ሰቅሎትሲ ማልዲ” ይኹሉ። ⁶ እንዳ ሃበሰናኻ ሰቀሊትናው ከተብስራሲክ ገሪ ዓሳ ሻዅኑዅ። ⁷ እን ናጨር ታንኰት ሊጘሪትል እርገውስኻ ካቢድኖሎም ሽጝኑዅ ናዋ እንትኖ እን ለጛ ታንኰትሲ ሸመምስሮ ከለላዅ ከብቲራሲክሎም ዓሰድ እንታኽንኹሎም። ⁸ ስምኦን ቤጥሮሳ ኒስ ተካ ወራትሲ ቋለሰና “ዎያደራ አን ግርዋ ሐራሙዅ ግን እንቲ ይልድ ስርግዪ” ዩንሲክ ኢየሱስር ጃብል ገሽድ ሐርበጡዅ። ሰልፋ ኢየሱስር ታለይቶት ⁹ ኒዲ እን ኒዲ እርገውዲ ናውክ ዘብዴዎስቁር ያዕቆብዲ ዮሓንስዲ እን ዓሲ ብጅኽድ ፈከርስኑዅ። ¹⁰ ኢየሱሳ ስምዖንቲ አረጊ ጓቊትግ ንድደምቢ ከውሻኸቶ ግን ይዅሉ። ¹¹ ናዋ ናታንዃትሲ ብሪል ፍድኖ ኒትክ ባርኖ ተለይንዅሉ። ¹² ኢየሱስ ላድገትል ዋኑ ግርዋ ላዅ ኒገሮብ ኒውክ በርሰትድ ላኻንቶ ህምባዅ ኒል እርጉዅ።ኒ ኢየሱስር ጃብል ገሽድ ሐርበጦ “ዎ ያደራ እንቲ ጀረብረን ላጭሕድቶለ ገረስረኲ”ይዅሉ። ¹³ ኢየሱሳ ኒ ናንሲ ኒል አኽራሲክ ጠለቆ ተመድኹሉ እማ የዋ “ይምራድ ግን ላጭሒ” ይኹሉ።እንሲጛ ኒበርሰት ባርኹሉ። ¹⁴ “ላዅድ ድወግ እን ሙሴ ማዃዃዅድ ሰና ፈርዶ ቃሺረድ ቋልስቲ ላጭሕረት ናድ ሳምዕ አኽሮካ ሰደቀትዅል ኩፍዳ ገምዲ ላዅዳ ድወግ” ይኹሉ። ¹⁵ ኒ ወሬኻ ኒልክ ዋስስቱዅ፡ከዋ ዋስድኖሉኽር፡ናሹዅዲልድኽር እቢስሮሎም፡ኒል እንኩልኩልስነዅ። ¹⁶ ኒኻ ጭልዊታ አካንሊ ጸለይሮ ዕጭጭ ዮ እርጉዅ። ¹⁷ ላዶን መሃርዱ ናድካ ደገጊትልድ ገሊለትልድኽር ያሁዳትድኽር ኢየሩሳሌምትልድ አከጝር እንተው ያኸ ፈሪሳንዲ ከታበንዲ ኒል እርግኑዅ።እን ኒ-ኒድ እቢስሮ ገረሳዅ ጃር ሒል ኒዲ አርጉዅ። ¹⁸ ግርው ላዋ ዓራትሊ ምኹርኖ ግርዋ ኒገሮብ ዓቀልሶ ህምባዅ ናቅስንኹሉ ኒ ጃብላ ገምድድኖሉ ጀረቢንዅ ¹⁹ ደአም ከዋ ብጅኽድ ልጝል ኒድ ትወናዅ ብኑዅ እንሲን ንሕስሊ ዓረግኖ ሖሽ ብድኖኻ ኒዓራትዲክ ትካ ኢየሱስር ጃብሊ ገምድንኹሉ። ²⁰ ን እምነትሲ ቋሎኻ ፈከርሶ “እንቲ ግርዋ ኩዓገብ ብሕል ይስትኹካ” ይኹሉ። ²¹ ከታበንዲ ፈሪሳንዲኻ “ኒን አውቲ ግን ናሃበ ጃኻዅ፡ጃር ንኻ አውኒ ህምባኹን ዓገብሲ ባርዶ ገረሳዅ” ይስትጚኒዅ። ²² ኢየሱሳ ናሃመትሲ ፈጠነዲን “ውሪዅ እንታ ጐስኩድ ሙቑል ሃመትደናኹን። ²³ ኩዓገብ ባርስቱኹካ፡ይናማ ስዳዋዅን ወሪ ጉ ኩዓራት ምኹርዶ ፈሪ ይና። ²⁴ እማ አዳሚንዅራ ቢሪል ዓገብሲ ባርዶ ሒልክመት ፈሄምትኖዮ እን ምግዱርሲ ጉ ኩዓራት ጉድሮ ኩልጝሊ ወንተሪ የሉ ዮ እን ምግዱርሲ እንደዋ ይዅሉ። ²⁵ ኒኻ ንርድ ንርድ ናጃብል ጐ ኒዓራት ሙኹሮ ጃርሲ ሐመዱ ኒ ልጝሊ ወንተሩዅ። ²⁶ ናውካ ፈከርስኖ ጃርሲ ጀንጀኑኑ ንኪ አምር አኻ ወራት ቋልንኹን ይንዅ። ²⁷ ኒልድ ፈሰናኻ ግርዋ ሊዊ ይስታዅ ወራኮታት ፍዲሰውድ አደራ እንወርኮታትኹል ጀጋሕዮ ቋሉዅ፡ “ጒና ይነዲኻ” ይኹሉ። ²⁸ ኒኻ ኒትክ ባሮ ጔ ኒዲ ፈሩዅ ²⁹ ሌዊኻ ኒልጝሊ ምድበሄርኮት ደለምድዅሉ፡ናዲኻ ገሪው ወርኮታት ከለብረውዲ ኤሪውዲ ዓገልስኑዅ። ³⁰ ፈሪሳንዲ ከታበንዲኻ “አበዲ ውሪ መታን ግን ወርኮ ታትዲኽር፡ዓገቡድኽር ቊደናዅጝር፡ጅእ ደናዅጝር” ዩኑኻ ኒታለይቶት ኣወይሲ ጉድዕድዕ ይኑዅ። ³¹ ኢየሱሳ “ትልለንተስ ጀረብደው ሽዅሽተው ግን፡ግራ ሽርው አኽኒ ³² አን፡እንቶ ህምባዅ ከቲል ህምበውሲ ጀረቢያ ግን፡ ግራ ሻትካንሲ አኽሊ” ዮ ወንተስዅሎም። ³³ ናዋ “ዮሓንስር፡ታለይቶት ዲማ ሹመነኩር ጸለየነኩር እንፈሪሳኑኽር ኒሰና ሃበነኲ እና ኩታለይቶት ድአም ቋነኩር ጅኤነኩር” ይንኹሉ። ³⁴ ኢየሱስ ክልብርሰ “ማስ መርዓዊራ ናዲ ዋኑ ሹምድኖ፡ወጀባዅመሎም? ተካኹንኩም ³⁵ ደአም መርዓዊራ ናልድ፡አስታ ግርጋ እንትሮ ግን እንሲን ሹምድኖ ግን” ይኹሎም። ³⁶ ድግምድኻ ነዋ ዮ ጂጝስቲዅሎም፡ “ታዊና ጭራምስ ኤዶ በሎ ህምባዅል ሸፈጣዅ፡እላ፡አከገጛ እን ሓዲስ እን ባልይሊ ተከብና፡ሽካርደለሉ። ³⁷ ኒሰና ኮዶ ሚድ ሓዳይስ ሓርፍፍ፡ድክንሊ እንኩራዅ ላዅ እላ፡ርከገጛ እን ሚድ ሓዳይስ እን ሓርፍፍ ድክንሲ፡ሔቅሰ ብቊተኲ።እን ሓርፍፍ ስኽር ማነየኩሎም። ³⁸ እን ሚድ ሓዳይስል እንኩርና ጀረብደኲ። ³⁹ ሚድ ገሪዅ፡እንኩርሰውሲ ጀኣዅ ሚድ፡ገዳይም ታሚተዅ የኲ፡ሚድ ብልኲገውሲ ጀኣዅር ፈንፈንተኩሎም” ይኹሎም።