ሰጀር ፊዃ (ፊዃ-4) ኢየሱስ አው ከደንሊ ¹ ኢየሱስ መንፈስ ሻትክ እንተኾሉ፡ዮርዳኖስትልድ ወንተሩዅ መንፈሳ አው ከደንሊ አድዅሉ። ² ሸጣንድ ሹርሱኻ አርብያ ኳራ፡ዲዊዅ፡እን ግርጋት እንደላ፡ላሪ ቁላ።ናት ድጞ ሰነኻ ካኣርቱዅ። ³ እንሲን፡ዲያብሎስ ኒል ስኲሮ “እንቲ ጃርዅራ አክረን እነደ እና ክርጘስ ሳንስዒል፡በደሊሉ፡ይዅሉ። ⁴ ኢየሱሳ “አዳም ሳንስዓድ ካያ አኻላ ኒመናብረት ያዅ፡ክቱብ ህምበኲ ይዅሉ። ⁵ ኮዶኻ ድያብሎስ ክብያ አካንሊ ፍዱዅሉ እማ ምርከሰና እርድሊ፡ህምባ ሲመርሲ ቋሊሱዅሉ። ⁶ እና እንቲ ቋልዳ ሕክም ኒሳቡርዲክ ይድ እውስቶለ ህምባዅ፡አን-ጀረባዅዲካ እውየሉ ግን። ⁷ እማ እንቲ፡ናን ይጃብል፡ብሶትድ ለብረንለ፡ኒስ ኒትክ ኩድ እውሪካ ይኹሉ። ⁸ ኢየሱሳ ኩአደራ ጃርሊ ካያ ፍግም ዪ ያዅ ከተብሶ፡ህምበኲ ይኹሉ። ^{10 9} ኢየሩሳሌምትል፡አደዅሉ፡እማ ቤት መቅደስሊ ገፍ ሺራዅል ፍደሉ ጃር፡ተከውድኖካ፡ኒ ንሽቕሲ፡ፈስሮካ ግን። ¹¹ ክርጛ ኩሉኩክሲ ጐለቄምጊንካ ናናንትተል ከለብርዶኖካ ግን ያዅ ክቱብ፡ህምበኲ እማ፡እንደ ንድ ትንኩሪሪ ይኹሉ። ¹² ኢየሱሳ፡ኩጃርሲ ወጠንግሉ ያዅ ክቱብ ህምበኲ፡ይኹሉ። ¹³ ኒትክ ኒውጣንሲ ድጞኻ ዲያብሎስ፡ኒልድ ፈሩዅ። ¹⁴ ኢየሱስ መንፈስ ሒልድ ገሊለትል፡ወንተሩዅ ኒወረኻ፡ገሊለር ድገትል ኒልክ ወሪስቱዅ። ¹⁵ ናውክ ሐመድኑሉኻ ናጸሎት ልጝንተል፡መሄርዱ ሰጘኲ። ¹⁶ እን ኒ-ለገደሪ ናዝሬትል እንቱዅ ኒክኒርሰነካ ሰንበርድ፡ጸሎት ልጝሊ ቱውኽ። ¹⁷ ክቱብ ነቢ ኢሳይያስሩዅሲኻ፡ኡኑዅሉ።ብዶሰነሉኻ፡ ¹⁸ “መንፈስ ጃሩዅ ገሞለ ህምበኲ ንድኻ ቀብእነዲኒለ ድቡራንዳ፡አበሸርድያ እንሸውስውሲኻ እንኪያ ዓረፍስኻ ናዕልልሲ ብድያ፡ማሕገዱውድኻ ናማሕገድልድ ረትዕድያ ብሽራት ይየሎም፡ ¹⁹ ጃርድ ፍሪርሳ አመራስ ድውያ እንሸቊዅለ” ያዅ፡ክቱብሲኻ ኤሩዅ። ²⁰ እን፡ክቱብሲ ትብሎኻ እን፡ንሽቃድ፡ላምሶሉ ከፍ ዩዅ።ናውክ-ኒል፡እርገዋ፡ዕልልሲ ተጝሲነ መኸልቱኑ፡እርግኑዅ። ²¹ ኒኻ፡ንኪ “እና ክቱብ እንትን፡ዋስድናዅ እንተል፡ድጙስቱዅ” ይኹሎም። ²² ናውኻ ሓመድኑዅሉ፡ኒጋብድ ፈከርስኖኻ “ውራ፡ኒን ዮሴፍዅራ አኽለማ” ዩኑ እርግኑዅ። ²³ ንኻ እምን፡ግን እንድግም ያዅድሰና፡ትልለንታስ ኩሹት ትልሊ፡እን ቅፍርናሆምትል እስረውሲ ዋስናዅድሰና ውራ ኩኮል፡ኒሰና እሰላ፡ይትኖለ ግን። ²⁴ ኮዶኻ ነቢራ ኒ-እዃርሳ ድጌትል ኒኾርሲክ ከለብርሰገት እምንድክ፡የኩንኩም ይዅሎም። ²⁵ ኤልያስር ወክትል፡ዓስተር ሰዃ አመረዲ ገፍዲ አበስቱዅ፡ኒልክ ብሪል ትግር፡ሒለቱዅ፡ገሙዅ እስራኤልትላ ገሪው ባይኦት ሰጘነኲ። ²⁶ ኤልያስ፡ደአም እንሰራጲጣ፡ሲዶነትሪትል እርግረሪ ላባይኦራትል ካያ እንሸቕሱዅ ግን ግራ ኤሪውሊ እንሸቕስላ። ²⁷ ኒሰናኻ ኤልሳዕ ነቢራ ወክትልር፡እስራኤልትልር ከላእ በርስቱ ሰጘነኲ።ደአም ኣማን ሶርያዊራ፡አኽገትክ ናልድ ላዅ ለጭሕላ፡ይዅሎም። ²⁸ እንሲን፡እንጸሎት ልጝሊ እርገው ነስ፡ተካ ጋብሲ፡ዋስነሰና ሐረቕርኑዅ። ²⁹ ጉኖኻ እንድገትልድ ፍድኑዅሉ፡እንድገር ገበድ እርጋ በኸረድ፡ትንኲሪስድኖሉ፡ኤድኑዅሉ። ³⁰ ኒ-ደአም ናነበክድ ደኮ ባሮ ፈሩዅሎም። ³¹ ንደምቢ ቅፍርናሆምትል፡ድገ ገሊለትሪትል ገሙዅ ሰንበርዳ መሄርዱሎም እርጉዅ። ³² ኒ ጋብና ሕክምድ አኽነዲጛ ኒምህሮሲ ፈከርስኑዅ። ³³ እን፡ጸሎት ልጝሊኻ ላግርዋ ሰጣን ሓከሞ ህምባዅ እርጉዅ። ³⁴ ኒኻ “ኦ ኢየሱስ ናዝሬትሩዅ ኲዲ ይነዲት አረርሲሳዅ ውራክምነ፡እንቲ ድሂስቶናማ እንትሩዅን እንቲ ኤውኒ፡አኽረት ኤርእዅንካ እን ሻትክ ጃሩዅ ግን” ዩንሲክ ጋብሲ ክብሰ ጨርሑዅ። ³⁵ ኢየሱሳ “ስቆቢ ኒልድ-ፊ” ዩንሲክ፡ዋኺትዅሉ፡እንሰጣጛ ና ነበክል ለብድዅሉ ላሪ ሃሽከብጊሉኻ ኒልድ ፊዅ። ³⁶ ናውካ ፈከርስኖ ናሹር ናሹ “ኒን ውረኒ ግን፡ሸዋጢንሲ ሒልድ አደዳዅ ናዋ ፋውሉ” ይስትጚኒዅ። ³⁷ ኒ-ውሬኻ ኒልክ ኒ-መሄርዱ እርጋ ደገጊትል ዋስስቱዅ። ³⁸ ኢየሱሳ ልጝን፡ጸሎቱዅልድ-ፌ ስምኦንዲ፡ልጝሊ ቱውዅ ስምኦንዲ ተንሺኒኻ፡ሻማ ሻኾላ፡አርግል ዲዊቲሉ እቢስሮላኻ ሺዊኒኹሉ፡ ³⁹ ኒኻ ንርትል ሉምዮ እን ገብኢት፡ዋኺትኹሉ ንርድ-ንርድ እቢርዶኻ፡እንሽቅስቲሎም። ⁴⁰ ኳራ ለብሩኻ ገሪ ሽዅደድ ሽዅሽተው ምግዱራን፡ናቕስኑኹሉ፡ናትካ እቢስዅሎም። ⁴¹ ሰዋጢንኽር “እንቲ እን ክርስቶስ ጃርዅራ ግን”ይኖ፡ጨርሑኑ ገሪውልድ ፋኑ፡እርግኑዅ።ናውኻ ኒ-ክርስቶስ አኸት ኤርኡኑ እርግንነዲን እንደዋ ይኖ ጋበግኒን ዋኺቱሎምር ጋቡሎምር እርጉዅ። ^{44 42} ብራ፡ክሶሰናኻ ጭምዊታ ኣካንሊ ፈሩዅ፡እን ከዋ ጀረቡኑሉ፡እርግኑዅ፡አርነሰነሉኻ ባሮ ፈርጊንሎም ሺዊኒዅሉ። ⁴³ ኒኻ ኤሪ ደገጊትልር፡ሲመር፡ጃሩዅሲ አበሸርድያ ጀረብደኩለ፡ንድ መታን ግን ይእንተርና ይዅሎም። ይሁዳር ጸሎት ልጝንተልር ሰበኩ እርጉዅ።