ሲኾር ፊዃ (ፊዃ-3) ዮሓንስ-ጠመቅደንታ ¹ ሽካ አጝኳ፡ጢቤርዮስዲ ሲመርዲ ሲመር፡አመረድ፡ጲላጦስ ጴንጦስ ጴንጤንሩዅ ይሁዳትል ሰየምሶ ዋኑኻ ሄሮዱሳ ገሊለትል ኒዳን፡ፍሊጶስ፡ኢጡርያስዲ ጥሪኮንደትል ሊሳንያሳ ሰቢላኒስትል ሰየምስኖ ዋንቱኑ፡ ² ሐናዲ ቀያፈዲ አቅሸታ፡በህሊን፡ዋኑኑ ጋባ ጃሩዅ ዮሓንስ ዘካርያስኹራ አውከደንሊ እንቱዅ። ³ እን፡ዓገብሲ፡ብሕልሲሳዅ ጥምቀትሲ ዮርዳኖስር፡ገቢል፡ህምባ ኣካናትሊ ጅልወክ ሰበኩዅ። ⁴ ኒ-እን ክቱብ ኢሳያስ ነቢርዅል፡ህምባ ጋበ ሰና “ጉግ ጃሩዅ ደለምዳ፡ኒደርፍፍስኽር ጠፍሕዳ”። ⁵ ለጥ ያ አካናት እንተኽትን፡ጊትዲ እሮትዲ ጠፍሕን፡መለዋልይ ጠለቕስን፡ክብ ለጥ ዮ ህምባዅ ሕዳር አኽን። ⁶ ስኻ ሰራዅ ኒኾርክ ጃርድ ደኤንድነስ ቋልዶ ግን ያዅ ጋባ፡ግን። ⁷ ንዳ ዮሓንስ እን፡ኒል ጠመቅስሮ እንተሩ እርጋ ከውሲ ነበንቲ ኣሰል ምራዉ እን እንተራ ማሕገድልድ እግርነስ አውኒ ግን ፈሄምዲሳዅኲም። ⁸ እማ ብሕል ሲሰውኲም፡ትክያ ወራት እሳ ግን ግራ እንተለፈክድ አብርሃም ይናኽር ህምበኩና ይዱኑ ጀመርጋ ውረድ ጃር አብርሃምሲ እና ክርጝልድ እቁር ጉድሮሉ ገረሰት፡ድወኩንኩም እንኩዅን። ⁹ ሰንኮታ እማና ካና አስሉሊ ገሞ ህምበኩ ፡ትክያ ፍርር ፍሪተጋ ካናክ ቀረጭሶ ለኺል ማልስሮ ግን ይዅሎም። ¹⁰ እንሲን፡ከዋ ውራ እማ ሃብኒን፡ይንዅሉ። ¹¹ ለጛ ሰደርየት ሻዅ እን እንጋኹድ እውን፡ቊስታዅ ሻዅር እንጋዅድ፡በኒንሉ፡ዮ ወንተስዅሎም፡ ¹² ዓገቡኽ ጠመቕስድኖ ኒል እንትንዅሉ እማ፡መምህር ይጛ ውራ ሃብኒን ይኖ ወንቀርኑዅሉ። ¹³ ኒኻ እን እውስታዅልድኩም ኒድ ኤወይሲ ጀረበጋ ይዅሎም። ¹⁴ ላው ዓስከርር ኒል እንትኖ ይጛ ውራ እስኒን ይንዅሉ።ኒኻ ላዅሲ፡ሃሽከብጋ እንታ ስድቅ ኣወይሲኽር ጀረበጋ ይዅሎም። ¹⁵ እን ከዋ ጨበርኒል እርግንነዲን ናውክ ዮሓንስቲ፡ኒን ክርስቶስ፡ቶክ አኾ ይኖ ናጐስኲድ ተሓደቡኑ እርግኑዅ። ¹⁶ እንሲን፡ዮሓንስ ናትክ “የዋ ኣን ጠማቅደኩንኩም፡እንኩዅን፡ይልድ ሒለታዅ አን ኒሻንፍፋ ኤስርከትሲ እጝክያ ወጀበጋዅለ እነሓን፡እንተረኲ እጝኲዅ፡ኒ-መንፈስ ሻትክድር ላኻድኽር ጠመቅድሮኩም ግን። ¹⁷ ኒ-ናንሊ ኒወረነስ ገሰስሮ ገደንተስ ሻኾ ህምበኲ።ኒ-ጀሩጉሲ፡ሐበሲተል ኣተይስሮ፡ጉርድሲ ዲመሲ ድደጋ ላኺል ሐውሲሮ ግን፡ይዅሎም። ¹⁸ ነዲ-ናት፡ተከውዲሲ፡መዀዅሎምር፡አበሸርዱሎምር ሰጘኲ። ¹⁹ ሄሮዱስ ቴትራርካ ሄሮድያዳ ኒዳንድቁር ሰበትድኽር እንጠሩሉ ሰጘኲ። ²⁰ እን ገሪ ኒምቊልናርሊ ይኸ ኮዶ ዮሓንስቲ ሐብስሊ እን ሸውዅሉ። ²¹ እን ከው ጠመቕስኖሰና ኢየሱስር ጠመቕሱዅ፡ጸሎት እሱኻ ዓስተር ብስቱዅ። ²² መንፈስ ሻትክ፡ኳትራ፡ተኲ ኒኤወይሲ ገሙዅ፡እን አንኲድ ነገሳዅ እንከልሳዅ ይዅራ እንቲ ግን፡ያዅ ድሪስ ዓስተርልድ ዋስስቱዅ። ²³ ኢየሱስ ስብከትሲ ተርሱ ሰኾረጝን አመራ፡እርግዅሉ።ዮሴፍዅርእኻ ተኩሎም ሰጘኲ።ኒንኻ ኤሊዅራ፡ ²⁴ ማቲዅራ ሌዊዅራ፡መልኪዅራ ዮናስዅራ ዮሴፍዅራ፡ ²⁵ ማታትዮሱዅራ፡ኣሞጹዅራ ናሆሙዅራ፡አሊምዅራ ናጊዅራ ማኣትዅራ፡ ²⁶ ማታትያሱዅራ፡የመይዅራ ዮሴፍዅራ፡ይሁዳዅራ ²⁷ ዮናስዅራ ራሳዅራ፡ዘሩባቤልዱዅራ ሰላቲ ኤልዱዅራ ኔሪዅራ፡ ²⁸ ሚልክያዅራ ሓዲዅራ ዮሱስዅራ ቆሰሙዅራ፡አለመደሙዅራ ኤርዱዅራ ²⁹ ዮሴዑዅራ፡አልአዛርዱዅራ፡ዮራምኹራ ማጣቱኹርእ ለዊኩርእ፡ ³⁰ ሽምኦንዱዅራ ይሁዳኹራ ዮሴፍዅራ ዮናንዱኹራ ኤልያቄምዱኹራ ³¹ ሚልያኹራ ማይናንኹራ ማጣትዅራ ናታንድኹራ ዳዊትውራ፡ ³² እሰይድኹራ ዮብየዱኹራ በዔዱዅራ ሰለሞን ዱዅራ ናኦሶንዱዅራ ^{35 33} አሚናዳአብኹራ ኣራሙኹራ ኣሮንዱኹራ ኤስሮምዱኹራ ፈሬሱዅራ ይሁዳዅራ ³⁴ 34-35.ያዕቆቡኹራ፡ኢሳቊኹራ አብርሃምኹራ፡ናኮርዱዅራ ስሮሕዅራ፡ራጋውኹራ ፍሊቂውዱኹራ ኣቤርዱዅራ ሳላዅራ፡ ³⁶ ቀይናሙኹራ፡አርፋክ ጎዱኹራ፡ሴሙኹራ፡ኖሆኹራ፡ላማሕኹራ ³⁷ ማቱሱላዅራ ሄኖኩዅራ፡ያሬዱኹራ፡መላልኤዱኹራ፡ቃይናንዱኹራ ³⁸ ሄኖስዅራ ሴቱዅራ አዳሙዅራ ጃርኹራ።