¹ وأخيرآ ياخوتي ، بينسألكم ونترشاكم بأسم سيدنا عيسى أن تعيشو بما يرضي الله ، سعما تعلمتو من صدق ، مابلا تقدمو أكثر من هاذا . ² أنتو داريين بالإرشادات اللي ادينها لكم بأمر من سيدنا عيسى : ³ وأن الله مايشتي الا توقعو سابرين ، ولازم ما تمتنعو كليآ من الزنى . ⁴ وأن يضبط كل واحد جسمه بطهارة وشرف ، ⁵ وما يسيرش للشهوة سعما الإشرار اللي مابيعرفوش الله . ⁶ وما يعتديش أحد على أخوه أو يغلط عليه في هاذا الإمر .وأحنا قد درينا بكم من قبل وحذرناكم بشدة ، لأن الله بينتقم من كل من بيفعل هاذه الشرور . ⁷ لإن الله دعانا مشهو علميد نوقع نجسين ، مابلا علميد نعيش عيشة طاهرة . ⁸ ما ذلحين أي واحد عيرفض هاذا التعليم ، فهو ما بيرفضش الناس ، مابلا الله اللي بيديلكم روحه القدس . ⁹ وأنتو ما تحتاجوش أننا أكتب لكم بسبة محبتكم للإخوة المؤمنين ، لإن الله علمكم بأن تتحابو بينكم البين . ¹⁰ ومن صدق أنتو بتحبو كل الإخوة في مقدونيا كلها . لكننا بنترجاكم ياخوة بأن تفعلو هاذا وأكثر ¹¹ وبأن تنتبهو على أن تعيشو حياة هادئة ، وما تتدخلوش من أمور الغير ، وأن تكسبو رزقكم بعرق جبينكم سعما علمناكم . ¹² وبهاذا عيحتركم اللي مشهم مؤمنين ، ولا تتعمدو على أحد علميد تقضو حاجتكم . ¹³ ونشيكم ياكل الأخوة بأن تدرو ما عيوقع للي ماتو ، علميد ماتزعلوش سعما الباقيين اللي ماعدبش معاهم أمل . ¹⁴ واحنا مؤمنين بأن عيسى مات وبعدها قام من الموت، وزد مؤمنين أن اللي ماتو وهم مؤمنين فيه ، عيقيمهم الله علميد يجو مع عيسى . ¹⁵ واحنا بنحاكيكم بالكلام اللي قاله المسيح بنفسه ، وهو أننا احنا اللي بنبقى أحياء لاما يجي ، وما عنسبقش اللي ماتو . ¹⁶ لإن المداعاه يدوية ، ورئيس الملايكة بيداعي ، وبوق الله بيضرب ، ويجي المسيح بنفسه من السماء . وبالبداية يقوم المؤمنين فيه اللي ماتو ، ¹⁷ وبعدها احنا اللي عنبقى أحياء عنختتطف معاهم في السحاب علميد نتقابل مع المسيح في الهواء ، وبهاذا عنوقع معه للنهاية . ¹⁸ ماذلحين كلكم تشجعو بينكم البين بهاذا الكلام ..