^{1 2 3} 1 ಹಾಂಗನೇಕೆ ಎಂತ್ಗೂ ಸೋನೋಮು? ದೌರ ಕೃಪೆ ಹೆಚ್ಚಗೋಟ್ಟು ಇಂಡು ನಾಂಗ ಪಾಪತ್ಕುರೆ ಇನ್ನು ಇಕ್ರದ? ಇಕ್ರದಂಚು 2 ಪಾಪತ್ತ ಪಾಲುಕ್ಯು ಸೆತೀಕ್ರನಾಂಗ ಇನ್ನು ಅವೊಲ್ಲೇ ಬದುಕ್ರದು ಹೆಂಗೂ? 3 ಕ್ರಿಸ್ತೆ ಯೇಸುಕ್ರಿಸ್ತನಕುರು ಸೇರುರ್ಕು ದೀಕ್ಷಸ್ತಾನಸೇಚ್ಚೋಡಿಕ್ರಗದೇರು ಅತ ಮರಣತ್ಕುರು ಪಾಲಗಾರರಗುರ್ಕು ದೀಕ್ಷಸ್ತಾನ ಸೆಚ್ಯೋ೦ಡೊಯಿಂಡು ನಿ೦ಗುಲ್ಕು ಗೊತ್ತಿಲ್ಯೂ. ^{4 5} 4 ಇಂಗಿಕ್ರಪೋದು ನಾಂಗ ದೀಕ್ಷಸಾನ್ನಸೇಚ್ಕೊಂಡಪೋದು ಅತನ ಮರಣತ್ಕುರು ಪಾಲುಗಾರರಾಯಿ ಅತಜೊತೆಕುರು ಹೂಣಲ್ಪಟಿರೋ ಅತಿಂಡು ಕ್ರಿಸ್ತನು ಸೇತು ತಂದೆಯ ಮಹಿಮೆಯಿಂಡು ಜೀವವಾಯಿ ಎಬ್ಬಿಸಲ್ಪಟ್ಟಕ್ನಿ ನಾಂಗದೇಕು ಜೀವತಿಂಡು ಎದ್ದಿಂದಿರೋ ಪೂದ್ಯರಾಯಿ ನಡ್ದಗುರ್ದು 5 ಹೆಂಗಿಡೇಕೆ ನಾಂಗ ಅತನ ಮರಣಕು ಸದೃಶವಾನ ಮರಣಯೊಂದಿ ಅತೃಜೊತೆ ಐಕ್ಯವಾಕ್ಯು. ^{6 7} 6 ಪಾಪದೀನ ಸ್ವಭಾವ ನಾಶವಾಯಿ ನಾಶವಾಯಿ ನಾಂಗ ಇನ್ನೂ ಪಾಪದಶತ್ಕುರುಯಿಕಿದೆ ನಂಗಲು ಪೂರ್ವಸ್ವಭಾವ ಕ್ರಿಸ್ತನ ಜೊತೆಕುರು ಶಿಲುಬೆಕಿ ಹೊಟ್ಟಿದುಯಿ೦ಡು ತಿಳಿಜ್ಗೊಂಡಿರೋ 7 ಸತ್ತೆದು ಪಾಪತ ವಶತಿಂಡು ಬಿಡುಗಡೆ ಹೊಂದಿದ್ದು. ^{8 9} 8 ನಾಂಗ ಕ್ರಿಸ್ತನ್ ಕುರು ಸೇತ್ತು ಅಕ್ರು ಜೊತೆ ಜೀವಿಸರೋ ಇಂದು ನಂಬಿರೋ 9 ಕ್ರಿಸ್ತನು ಸೆತ್ತುಜೀಸಲ್ಲ ಜೀವಿತವಾಯಿ ಅದಿಂದುವಂದತಿಂಡು ಅದು ಇನ್ತುಮೇನಿಂಡು ಸಾಗ್ರತದಲ್ಲ. ^{10 11} 10 ಮರಣ ಇನ್ನೂ ಅತ ಆಳ್ವಿಕೆಸೇದಿಲ್ಲಯಿಂಡು ನಂಗುಲ್ಕು ಗೋಕ್ತಿದು ಅದು ಸೇಕಿದ್ದು ವ೦ಡೇ ಸಾರೀ ಪಾಪತ್ ಪಾಲ್ಗು ಅದು ಜೀವಿಸ್ರದು ದೌರ್ಕಾಯಿ 11 ಇದೇ ಪ್ರಕಾರವಾಯಿ ನಿಂಗುಲು ಕ್ರಿಸ್ತಯೇಸುವಿನ ಐಕ್ಯತಿ೦ಡು ಪಾಪತ್ಪಾಲ್ಕು ಸೆತ್ತು ದೌರ್ಕಾಯಿ ಜೀವಿಸ್ರಗ್ಯ ಇಂಡೋ೦ಗೋ. ^{12 13 14} 12 ಸಾಗುರ್ಬೇಕನ ನಿಂಗ್ಲು ದೇಹತ್ಮೆನಿ ಪಾಪ ಅಳ್ವಿಕೆಕಿ ಒಳಪಡ್ಸಿ ನಿಂಗ ದೇಹತ ದುರಾಣೆಕಿ ಒಳಗಾಗ್ಮನಾಂಗ 13 ನಿಂಗ ನಿಂಟ್ಟ ಅಂಗಂಗತ್ತೇಯ ಪಾಪಕು ಒಪ್ಪಿಸರಾಗ್ಯಯಾಯಿದು ದುಷ್ಟತ್ವ ನಡ್ಸರ ಸಾಧನಯೊಗ್ಮನಾಂಗ ಅನೇಕೆ ಸೆತ್ತು ಜೀವಿತನಯಿಕ್ರ ನಿಂಗ್ಲ ದೌರ್ಕು ಒಪ್ಪಿಸಿಕೊಡ್ತು ನಿಂಟ ಅಂಗಗನ ನೀತಿ ಕೃತ್ಯಗಳನ ನಡಿಸ್ರ ಸಾಧನವಾಯಿ ಅತನ್ನು ಸಮರ್ಪಿಸಂಗೋ 14 ಹೇತ್ಗಿ೦ಡೇಕೆ ಪಾಪ ನಿಂಗ್ಲು ಮೇನಿ ಅಧಿಕಾರನಪ್ಪಿರ್ದೇಲ್ಲ ನಿಂಗ ಧರ್ಮಶಾಸ್ತ್ರಕು ಅಧೀನರಲ್ಲ ಕೃಪೆಕಿ ಅಧೀನರಾಕ್ರ೦ಗಷ್ಟೇ. ^{15 16} 15 ನಾಂಗ ಧರ್ಮಶಾಸ್ತಧೀನರಲ್ಲಿ ಕೃಪೆಕಿದೀನರಾಯಿರೋ ಪಾಪಸೈಬೋದೆ?ಸೈಯಿರ್ದಂಚ್ 16 ನಿಂಗಯೇತ್ತುಗು ದಾಸನ್ತರ ವಿದೇಯರಾಕ್ರೋನೋಹಾನ್ ಗೇ ನಿಂಗ್ಲುನ ಒಪ್ಪಿಸಿಕೊಡ್ತರಂಲ್ಲೋ ಆ ಯಜಮಾನ್ನಕು ದಾಸರಾಯಿರೋ ಇಕ್ರದು ನಿಂಗುಲ್ಕು ಗೊತ್ತಿಲ್ಯ ? ಪಾಪಕು ದಾಸರಾನೇಕೆ ಮಾರಣನೆ ಫಲ [ನಂಬಿಕೆ ಯಿಗ್ರತ್ಗು ] ವಿಧೇಯತ್ವಕು ದದಾಸರೆನೇಕೆ ನೀತಿನೆ ಫಲ. ^{17 18} 17 ಅನೇಕೆ ನಿಂಗ ಮುನ್ನಿ ಪಾಪಕು ದಾಸರಾಯಿದೇಕ್ಯ ನಿಂಗುಲ್ಕು ಕೆಪ್ಪಿಚಿಕ್ರ ಭೋಧನೆಕು ನಿಂಗ ಮನಃಪೂರ್ವಕವಾಯಿ ಅದೀನರಾಯಿಕ್ರತಿಂಡು 18 ಪಾಪತಿಂಡು ಬಿಡುಗಡೆಯೊಂದಿ ನೀತಿಕಿ ದಾಸರಾಯಿಕ್ರ ತಿಂಡು ದೌರ್ಕು ಸೋತ್ರವಾಗೋಟ್ಟು. ^{19 20 21} 19 ನಿಂಗ್ಲ ನರಭಾವತ ಬಲಹೀನತೇಯಿ೦ಡು ಲೋಕತರೀತಿಯಾಯಿ ವಸೇತರೆ ಅದರ್ಮಸೇರತ್ಗು ನಿಂಟ್ಟ ಅಂಗಗನ ಅದರ್ಮಕು ದಾಸರಾಯಿ ಒಪ್ಪಿಸಿಕೊಡುಕ್ಕನಿ ಇಪೊಂದು ಪರಿಶುದ್ಧರಾಗುರ್ಕು ನಿಂಟ ಅಂಗಂಗಧಿನು ನೀತಿಕಿ ದಾಸರಾಯಿ ಒಪ್ಪಿಸಿಕೊಡಂಗೋ 20 ನಿಂಗ ಪಾಪಕು ದಾಸರಾಯಿದ್ದುಪೋದು ನೀತಿಕೆ ಸೇರಿಕಿಲ್ಲ 21 ಅನೇಕೆ ನಿಂಗ ಅಪೋದು ಸೇದ ಕ್ರುತ್ಯತಿಂಡು ನಿಂಗುಲ್ಕು ವಂದ ಫಲಯೇನು? ಇಪೋದು ಅಂಥ ವಿಷಯತ್ಕೋರು ನಿಂಗುಲ್ಕು ನಾಚಿಕೆಯಾಸಷ್ಟೇ ಕೊನೆಕಿ ಅಂಥಿಂಡುವರದು ಮರಣತನೇ. ^{22 23} 22 ಇಪೋದು ನಿಂಗ ಪಾಪತಿಂಡು ಬಿಡುಗಡೆಯೊಂದಿ ದೌರ್ಕು ದಾಸರಾನತಿಂಡು ಪರಿಶುದ್ಧರಾಯಿಕ್ರದೆ ನಿಂಗುಲ್ಕು ಫಲ ಕೊನೆಕಿ ಸಿಕ್ರದು ನಿತ್ಯಜೀವ 23 ಹೆಲ್ಗಿಂಡೇಕೆ ಪಾಪತ್ತ ಸಂಬಳ ಮರಣ? ದೌರು ಉಚಿತಾರ್ಥವರ ಕರ್ತನನ ಕ್ರಿಸ್ತ ಯೇಸುಕುರುಯಿಗ್ರ ನಿತ್ಯಜೀವ.