¹ 1 ಸಹೋದರರೇ ವಂಡು ಮನುಷ್ಯ ಜೀವ ಎಯಿಂಡುಯಿಕ್ರ ತನಕ ಅತ್ರು ಮೇನಿ ನ್ಯಾಯಾಪ್ರಮಾಣ ಪ್ರಭುತ್ವ ಸೆಯ್ಯಾಕಿಂಡು ನಿಂಗುಲ್ಕು ಗೊತ್ತಿಲ್ಯಾ? ^{2 3} 2 ಮನಾಗಿಕ್ರ ಪಮ್ಲಾದು ಅದು ಪಕ್ಸಿಕ್ರ ತನಕ ನ್ಯಾಯ ಪ್ರಮಾಣತಿಂಡು ಅತುಗು ಕಟ್ಟಲ್ಪಟ್ಟಕ್ರದು ಯಾಯಿದು ಮನಾಗೂ ಸೇತೂನೇಕೆ ಅ ಪಮ್ಲಾದು ನ್ಯಾಯಾಪ್ರಮಾಣ ತಿಂಡು ಬಿಡುಗಡೆಯಾಯಿಕ್ಯಾಕು 3 ಮಾನಾಗೂ ಪಕ್ಸಿಕ್ರಪೊಂದು ಅದು ಬೇರೊಂಡನ ಕನ್ನೇಲ್ ಸೇದ್ಗೂಂಡಿದೇಕೆ ವ್ಯಭಿಚಾರಿಯಿಡಿಸ್ಕಕು ಮಾನಗು ಸಾಕುನೇಕೆ ಅ ನ್ಯಾಯಪ್ರಮಾಣತಿಂದು ಬಿಡುಗಡೆಯಾಯಿದು ಇಪೊಂದು ಅದು ಬೇರೆತ್ಯ ಕನ್ನೇಲ್ಯಾನೆಂಕೆ ವ್ಯಭಿಚಾರಿಯಲ್ಲ? ^{4 5} 4 ಸಹೋದರರೇ ನಿಂಗ್ಲೂ ಸಹ ಕ್ರಿಸ್ತನ ಮೂಲಕವಾಯಿ ನ್ಯಾಯ ಪ್ರಮಾತ ಪಾಲಿಕು ಸಾತ್ಯೂಯಿರಂಗ ದೌರ್ಕು ಫಲಫಲಿಸ್ರತ್ತಾಯಿ ಇಂನೂಡ್ನ ಇಂಡೆಕೆ ಸತ್ತು ಪಕ್ಸಿಕ್ರ ಅತತ್ತೆಯ ಸೇರಿಕ್ಯೊಂಡಿರಂಗ 5 ನಾಂಗ ಶರೀರಕ್ಕೂರುಯಿಂದಪೋದು ಪಾಪ ಇಚ್ಛೆ ನ್ಯಾಯ ಪ್ರಮಾಣಕಿಂಡೆ ಮರಣಕು ಫಲಪ್ಲಿಸ್ರತ್ಗು ನಾಂಗ್ಟು ಅಂಗಗಾದಿನ್ನು ಪ್ರಯತ್ನ ಸೈಕೆಯಿಂಚು. ⁶ 6 ಇಪೊಂದು ನಾಂಗುಲ್ಕ ಪಡ್ಸ್ಕೂಂಡಿದ ನ್ಯಾಯಪ್ರಮಾಣತ ಪಾಲಿಕಿ ನಾಂಗ ಸೆತೂನತ್ಗೂ ಅತಿಂಡು ವಿಮುಕ್ತರಾಯಿರೋ ಇಂಗೂ ನಾಂಗ ಅಕ್ಷರತ ಹಳೆಂತರ ಆತನ ಸೇವಿಸ್ದೇ ಆತ್ಮ ತಿಂಡು ಪುದಿಗಿಂಡು ಸೇವಿಸರೋ ^{7 8} 7 ಇಂಗಿಕ್ರಪೊಂದು ನಾಂಗ ಎತ್ತೂ ಸೋನೂಮು ನ್ಯಾಯ ಪ್ರಮಾಣ ಪಾಪನ? ಹನ್ಗಲ್ಲ ನ್ಯಾಯಾ ಪ್ರಮಾಣತಿಂಡೆ ಉಟ್ಟಿಕೆ ಪಾಪಯಿಕ್ರದು ಎದಯಿಕ್ರದು ಗೊತ್ತಿಕಿಲ್ಲ ಎನ್ಗಿಂಡೇಕೆ ನೀನು ಆಸೆಪಡ್ಬಾರ್ದು ಇಂಗ್ರ ನ್ಯಾಯಾಪ್ರಮಾವು ಸೂಂದೆಯಿಂದೇಕೆ ದುರಾಣೆಯಿಂಡೆಕೆಂದ ಇಂಕ್ರದು ನಂಗುಲ್ಕು ಗೊತ್ತಿಕಿಲ್ಲಾ 8 ಅನೇಕೆ ಪಾಪ ಈ ಅಜ್ಞೆಯಿಂಡು ಅನುಕೂಲ ಹೊಂದಿಗ್ಯೂಂಡು ಅದ್ದಿ ದುರಾಗೆನ ನಂಕುರು ಪರ್ಚ್ಚು ನ್ಯಾಯಾಪ್ರಮಾಣ ಇಕ್ದೇಯಿಕ್ರಪೋದು ಪಾಪ ಸೇತ್ತ್ಯೂಯಿಕ್ರದು. ^{9 10} 9 ಮುನ್ನಿ ನಾನು ನ್ಯಾಯಾಪ್ರಾಮಾಣಯಿಲ್ಲದೆಯಿಕ್ರಪೋದು ಪಾಪಕು ಪುನಾರ್ಜೀವವಾಯಿ ಸತ್ತೆ. 10 ಜೀವಿಸ್ರತ್ಗೂಯಿಕ್ರ ಅಜ್ಞೆಯೇ ಮರಣತ್ಯಯಿದುಯಿಂಡು ನಾನು ಕಂಡ್ಗೂಂಡೇ ^{11 12} 11 ಎಂಗಿಡೇಕಿ ಪಾಪ ಅಜ್ಞೆಯ ಅನೂಕೂಲತ್ತಿಂಡು ನನ್ನ ವಂಚಿಸಿ ಅದರ ಮೂಲಕವೇ ನನ್ನ ಕುಂಡ್ರುಸ್ರು 12 ನ್ಯಾಯಾಪ್ರಮಾಣ ಸಂಗುದ್ದವಾನದು ಆಜ್ಞೆ ಪರಿಶುದ್ಧ ನ್ಯಾಯಾ ಹಿತ ಅಯಿದು. ^{13 14} 13 ಹಾಂಗನೇಕೆ ನಾಲ್ಲದು ನಂಕು ಮರಣುಕು ಕಾರಣವಾಯಿ ದೋ? ಹಾಂಗಲ್ಲ ಅನೇಕೆ ಪಾಪ ನಾಲ್ಲತ್ ಮೂಲಕ ನನ್ಕು ಮರಣ ಉಂಟುಸೈರ್ತಿಂಡು ಅದು ಪಾಪಯಿಂಡು ಕಾಣಿಸ್ಗೂಂಡ್ಸು ಅಜ್ಞೆಯ ಮೂಲಕ ಪಾಪ ಅತ್ಯದಿಕವಾನ ಪಾಪವಾಯಿ ಕಂಡುಸು 14 ನ್ಯಾಯಾ ಪ್ರಮಾಣ ಆತ್ಮಿಕವಾನದುಯಿಂಡು ನಾಂಕು ಗೊತ್ತು ಅನೇಕೆ ನಾನು ಶರೀರಾಧಿನ ಪಾಪತ್ಕೂರು ಅಧೀನಕ್ಕುರು ಯಿಕ್ರವನಾಯಿ ಮಾರಲ್ಪಟ್ಟನು ಅಯಿರೇ. ^{15 16} 15 ನಾನು ಸೈರತ್ತೆ ನಾನೇ ಒಪ್ಪುಮಾಟ್ಟೆ ಎತ್ತತೇಯ ಸೈರತಿಂಡು ನಾನು ಆಶೆಪಡರೇನೂ ಅತತ್ತೆಯ ಸೈದೇ ನಾನು ಬಿರೋದಿಸ್ರಕ್ತ ಸೈಯಾರೇ 16 ಅನೇಕೆ ನಂಕು ಮನಸಿಲ್ಲರತ್ತೆಯ ಸೇದೆಕೆ ನಯಾಪ್ರಾಮಾಣ ಉತ್ತಮವಾದದಿಂಡು ಒಪ್ಪಿಗ್ಯೂಡ್ಯಾನಿಯಾಸು. ^{17 18} 17 ವಿರೋಧವಾನತ ಸೈರಾದು ನಾನಲ್ಲ ನಂಕುರ ನೆಲ್ಸಿಕ್ರ ಅ ಪಾಪನೆ ಅತತ್ತೆಯ ಸೈಯಾಕು 18 ನನಂಕುರು ಅಂಡೇಕೆ ನಾಟ್ರು ಶರೀರತ್ಕೊರು ನಾಲ್ಲದೆಂದೂ ವಾಸವಾಗುಲ್ಲಯಿಂಡು ನಂಕುಗೊತ್ತಿದು ನಾಲ್ಲತಾತ್ತೇಯ ಸೈರಾತ್ಗು ನಂಕು ಮನಸ್ಸಿದು ಅನೇಕೆ ಅತತ್ತೆಯ ಸೈಯಿರ್ಕು ನಾಯಿಂಡುಯಾಗ್ದಿಲ್ಲ. ^{19 20 21} 19 ನಾನು ಆಸೆಪಡ್ರ ನಾಲ್ಲತ್ತ ಸೈಯಿದೆ ಆಸೆಯಿಲ್ಲದೇಯಿಕ್ರ ಕುಟ್ಟತ್ತೇಯ ಸೈರಾವನಾಯಿರೇ 20 ಆಸೆಪಡ್ರತ್ತ ನಾನು ಸೇದಿಂದೇಕೆ ಅತತ್ತೇಯ ಸೇದೌನ್ನು ನಾನಲ್ಲ ನಂಕುರು ನೆಲೆಗೂನ್ಡಿಕ್ರ ಪಾಪವೇ ಅತತ್ತೇಯ ಸೇದಿದು 21 ನಾಲ್ಲತ್ತ ಸೈಯಿರ್ದು ಯಿಂಗ್ರ ನಂಕು ಕುಟ್ಟದಾಯಿಕ್ರ ನಿಯಮ ನಂಕುರು ಕಂಗ್ಗಕು. ^{22 23} 22 ಉಳಿಗ್ರ ಮನುಷ್ಯನ್ನು ಗುಣವಾಯಿ ದೌರ್ ನಿಯಮತ್ಕೊರು ಆನಂದ ಪಡ್ರವನಾಯಿರೆ 23 ನನ್ನ ಅಂಗತ್ಕೊರು ಬೇರೆನ್ನೂಂಡು ನಿಯಮಯಿದಿಂಡು ನಾನು ಪಾಕ್ರೇ ಅದು ನಾಟ್ಟು ಮನ್ಸ್ಸುಕುರುಯಿಕ್ರ ನಿಯಮಕು ವಿರೋಧವಾಯಿ ಹೋರಾಡಿ ನನನ್ನ ಸರೆಪುಡ್ಸ್ಕೊಂಡು ನಾಟ್ಟು ಅಂಗತ್ಕುರುಯಿಕ್ರ ಪಾಪ ನಿಯಮತ್ಗು ವಶವಾಗ್ರವನಾಯಿರೇ. ^{24 25} 24 ಅಯ್ಯೋ ನಾನು ಎಂಥ ನಿರ್ಗತಿಕನಾಯಿಕ್ರ ಮನುಷ್ಯ ಇಂಥ ಮರಣಕು ಒಳಗಾಯಿಕ್ರ ಈ ದೇಹತಿಂಡು ನನ್ನ ಹುದಿಕ್ರದು ಯೇದು? 25 ನಾನು ನಾಟ್ದು ಕರ್ತನಾಯಿಕ್ರ ಯೇಸು ಕ್ರಿಸ್ತನ ಮೂಲಕ ದೌರ್ಕು ಸೋತ್ರ ಸೈಯಾರೇ ನನಸ್ಟಕು ನನೇ ಮನಸ್ಸಿನ ದೌರ್ ನಿಯಮಕು ಶರೀರತಿಂಡು ಪಾಪಯಿಕ್ರ ನಿಯಮಕು ದಾಸನಾಯಿರೇ.