1 ಅಕ್ಕನಸ್ ಆಗಡಿ ಖಾರುಸ್ ಆದ್ಮಿನಕಜೆ ದೇವ್ನ ವಿಜ್ಞಾಪನೆನಬಿ,ಪ್ರಥನೇನಬಿ, ಮನವಿನಬಿ,ಕೃತಜ್ಞಸುತಿಬಿ,ಕರನುಕರಿಬೊಲಿನ್ ಬೊಳುಕುರುಸ್. 2 ಆಪ್ನ ಸುಕಂ ಸಮದನಂ ಹುಯಿನ್ ಆಪ್ನೆ ಪೂರ್ಣಭಕ್ತಿಕು, ಗವರಂಖು ಜೀವ್ನುಕರಿ ರಾಜ್ಣಿತರ ಅಕ್ಕ ಅಧಿಕಾರಿಣನಿತರ ವಿಜ್ಞಾಪನೆ ಕರ್ನು. 3 ಇಮ್ ಕರಿಯೆತೆ ಆಪ್ನ ರಕ್ಷಕನ ದೇವ್ನಿ ಸಾನ್ನಿದಿಮ ಅಚ್ಚುಕರಿ ಯೋಗ್ಯಾಂಖು ಚ್ಚ. 4 ಖರುಸಾದ್ಮಿ ರಕ್ಷಣೇನ ಹೊಂದಿನ್ ಆಚ್ಚಿ ಜನ್ಯನಂನ್ನ ಸೆರ್ನ್ರುಕರಿ ಇನಿ ಚಿತ್ತಮ್ ಹುಯೂರುಸ್. 5 ಆಜೂಷತ್ಕಥೋ ದೇವ್ ಏಕ್ಜನೋ;ದೇವ್ನಬಿ ಅದ್ಮಿನಬಿ ಮೈ ಯಕ್ಕಸ್; ಯೋ ಅದ್ಮಿಹುಯೂರುತೆ ಕ್ರಿಸ್ತ ಯೇಶುಸ್; 6 ಯೋ ವಿಮೋಚನಾ ಕರ್ತಖು ಇನಬಿ ಒಪ್ಪಸೈದಿದು ಆಸ್ ಸಮಯಂನ್ನ ಬೊಲಿಯೆತೆ ಸಾಕ್ಷಿ ಹುಯೂರುಸ್. 7 ಆ ಸಾಕ್ಷಿನ ಪ್ರಸಿದ್ಧಪಡಿಚನಕಜೆ ಮೇ ಬೋಧನೆಕರವಲೋಬಿ ಅಪೊಸ್ಥಲನಿತರಬಿ ನಂಕಾಂಕ್ಹು ಸತ್ಯಂಖು ಅನ್ಯಜನಾಂನ್ನ ಬೋಧನೆಕರವಲನಿತರ ನೇಮಕಂ ಕರ್ಯಕೋಸ್. ಮೇ ಚ್ಚಹಾಡ್ ಬೊಳುನಾಥಿಮ್ ಖಚ್ಚಿಸ್ ಬೊಲುಸ್. 8 ಅಂಕೆ ಪರ್ಕೋ ಆದ್ಮಿ ಕರು ಖರಿಜೋಗೊಪರ್ ಚತಂಡಲ್ಖು ವಾಗ್ವಾದಮ್ ಕೋಇನಿಥೀಮ್ ಭಕ್ತಿವಲನಿತರ ಶುದ್ದಾಂಖು ಹತ್ಪಾದಿನ್ ಪ್ರಥನೇಕರನುಕರ ಖಾಯಲ್ ಕರ್ಕೃಸ್. 9 ಬುಜು ತಯಾಡ್ ಖರು ಮನವತ್ತಮ್ಖು,ಅಚ್ಚಿಬುದ್ದಿತೆ ರೈನ್, ಗೌರವಂತೆ ಅಚ್ಚ ಲುಂಗ್ಗಡ ಪೇರಿನ್ ಅಲಂಕರಂಖು ರಾಹೋ ಕರಿಬೊಯ್ಲೊ. 10 ಇವ್ನ ಚೊಟಿಮ, ಘೆನು,ರೂಪು, ಮೊಳ್ನು ಲುಂಗ್ಡಾ ಬುಜುಆಳದು ಅವ್ನ ಅಲಂಖರಮ್ ದೇವನಿಬಕ್ತಿ ಕರಿ ನೆಂಚಿನ್ ತಯ್ಡವ್ನ ಅಚ್ಚಿಥರ ಅಲಂಕರಿಂಚ್ಚು. 11 ತ್ರಿಖರು ಮೌನವಾಂಖು ಅಚ್ಚಿಥರ ವುಪದೇಶಮ ಪಡ್ನು. 12 ಉಪದೇಶಮ್ ಕಾರನಕಜೆ ಪಕ್ಹವ್ನಪರ್ ಅದಿಖಾರಮ್ ಚಲವನಕಜೆ ತಯಾಡವ್ನೆ ಮೇ ವತ್ ಕೋಧಿಶ್ನಿ; 13 ಇವ್ನೆ ಸ್ವಂಥಮ್ ಸ್ವಭಾವಂಕು ರಾನು. ಆಗಡಿ ಸೃಷ್ಟಿ ಹುಯುತ್ತೆ ಆದಮ್ ಖಹೆನ, ಬುಜೂ ಹವ್ವಲ್; 14 ಆಜೂಷಟ್ಕತೋ ಆದಮ್ ಬಿ ದಿಗಜ್ಯರ್ಯೋಕೊಯಿನಿ, ಸ್ತ್ರೀ ದಿಗಜರಿಂಚಿನ್ ಆಪರದಿಹುಯಿ. 15 ಆಜೂ ಸ್ತ್ರೀ ಖರು ಅಚ್ಚಿಬುದ್ದಿಖು ನಾಂಕಮ್ಮ್ ಬಿ ಪ್ರೀತಿಮಬಿ ಪರಿಸುದ್ದಾಂಖು ಚಲಿನ್ ಲಡ್ಕವ್ನಾ ಪೊಂದಿನ್ ರಕ್ಷಿನ್ಚಾಯ್.