ಅಧ್ಯಯಮ್-3

1 ಸಭಫಲಕರ್ಣ ಉದ್ಯೋಗಮ್ನ ಅಶಕರವಳು ಅಚ್ಚಜೀವ್ ನನ ಅಪಕ್ಷಿನ್ ಚುಚ್ಚುಕರಸ್ಕರಿ ವಾತ್ ನಮ್ಮೂಕರಸ್. 2 ಸಬೇವಳು ಶಾನುಬಿ ದೋಶಂಕೊಂತಿಮ್, ಏಕಪತ್ನಿ ಥರ ರೈನ್, ಅಚ್ಚಿಬುದ್ದಿಖು ಅಥಿತಿಸತ್ಕಾರ ಕರವಳು, ಬೊದಿಂಚ್ಚನತೇಕೆ ತಾಕತ್ ಹುಯಿರನು. 3 ಯೋ ಪಿನ್ ಲಡಾಯಿ ಕರವಳು, ಮರವಳು ನರನುಥೀಮ್; ಅಚ್ಚಿಥರ ನಿಂದನನಕನುಥೀಮ್ ಷಾನಿಬಿ ಆಖ್ ನರನುಥೀಮ್ ಹುಯಿರನು; 4 ಆಚ್ಚಿ ಗೌರವಂಖು ಇನ ಲಡ್ಕವ್ನ ಸ್ವಾದಿನಂ ಕರಿಲಿನ್ ಮರಗೆರ್ವಲನ ಅಚ್ಚಿಥರ ಕಾಲವಲೋ ಹುಯಿಸ್. 5 ಕೋಣ್ಬಿ ಇನ ಗೆರ್ವಲನ ಕಾಲವನತಿಮ್ ಯೋ ದೇವ್ನಿ ಸಬೇನ ಕಿಮ್ ಛಲವ್ ಶೇ ? 6 ಯೋ ನಾವು ಸಬೇಮ ಸೇರವಳು ಹುಯಿನ್ ನಾರನು; ಎಂಖುನುಹುಯುತೋ ವುಬ್ಬಿಚಿಲಿನ್ ಸೈತಾನ್ನ ಶೋಧನೆಮ ಪಡಿನಜನುಥೀಮ್. 7 ಬುಜು ಯೋ ಭಾರ್ಳಿಯು ಆದ್ಮಿತೆ ಅಚ್ಚುಕರಿ ಬೊಲೈಳೇನು; ಇಮ್ ನರೈತೋ ನಿಂದೇನ ಗುರಿಹುಯ್ರಾಸು, ಆಜೂ ಸೈತಾನ್ನ ಹಾತ್ಮ ಕಪ್ಪಾಡಿಜಷು. 8 ಯೋಸ್ ರೀತಿಮ ಸಬೆವಲುಬಿ ಗೌರಂಖುಹುಯಿರನು .ಇವ್ನೆ ಭೇ ವತೆವಳು ಪಿಯವಳು, 9 ನೀಚಮ್ನಿ ವತ್ಬೋಲವಳು ಹುಯಿನರನುಥೀಮ್ ನಂಕಾಂಕ್ಹು ವಿಶ್ವಾಸಾಂಖು ಪವಿತ್ರಂಕು ಆಪ್ನ ಹೃದಯಾಂಖು ಚಲವಲಹುಯಿರನು. 10 ಆಜೂ ಇವ್ನೆ ಆಗಡಿ ಪರೀಕ್ಷೆಕರನು; ಬುಜು ಅವ್ನ ಪರ್ ಕೋಣ್ಬಿ ಖರಪ್ ಬೋಳಿತೋ ಸಬೆಸೆವಕರ್ಣ ಉಜ್ಯೋಗಂನ್ನ ನೆರವೇರಿನ್ಚದ. 11 ಇಮ್ಮಸ್ ಸೇವೆಕರತೆ ಸ್ತ್ರೀಬಿ ಗೌರವಂಖು ಹುಯಿರನು; ಏಕನಪರ್ ಚ್ಚಹಾಡ್ ನಭೋಲನ್ನು; ಅಚ್ಚಿಬುದ್ದಿರವಳು ಖರೀಸ್ ವಿಷಯಾಂನ್ನ ನಂಕಂರಕಿನ್ ರಾನು. 12 ಸಬೇಸೇವಕರ್ ಏಕಮನಸುಖು ಇವ್ನ ಲಡ್ಕವ್ನಬಿ ಗೆರ್ವಲನಬಿ ಅಚ್ಚಿಥರ ಚಲವಳು ಹುಯ್ರನು. 13 ಸಬೇಸೇವಕರ್ಣಿತರ ಅಚ್ಚಿಥರ ಜೀವ್ನುಕ ರಿಯುತ್ತೆ ಯೋ ಆಚ್ಚಿ ವಾಟ್ ಮ್ಮ ಕ್ರಿಸ್ತಾಯಿಶುಮಚ್ಚತೆ ನಂಕಂನಿ ಪ್ರಕರಾಮ್ ಗನು ದೈರ್ಯಮ್ ಕಮಯ್ಲಿಶೇ. 14 ಇಗ್ಗಿಸ್ ತರು ಜೋಡ್ಮ ಅವ್ನುಕರಿ ಅಶಖು ಥುನ ಆ ವಿಷಯಮ್ನ ಲಿಕ್ಯೋ. 15 ಆಜೂ ಏಕ್ ದನ್ನೇ ಮೇ ಖಎಥಿಮ್ ದೇವ್ನ ಗೆರ್ಮ ಕಥೊ ಜನ್ರಹವಲೋ ದೇವ್ನಿ ಸಬೇಮ ಚಲಿಸ್ಥೆ ರೀತಿಮ ಥುನ ಮಲಾಮ್ ಹುಯಿರನುಕರಿ ಆ ವತ್ಖರು ಲೀಕ್ಯೋ. ಶೇಖತೊ ಸಬೇಬಿ ಪ್ರಮಾನಿಕಥೆನ ಘಾಟ್ ಆದರಂ ಹುಯಿರುಸ್. 16 ದೇವ್ನಿ ಭಕ್ತಿನ ಆದರಂ ಹುಯಿರುತೆ ಖಚ್ಚಿರಹಾಸ್ಯಾಮ್ ಆಚ್ಚುಕರಿಬೊಲಿನ್ ಅಪನೆಖರು ನಮ್ಮಿಳೆವ್ಕರಿಯೆಸ್; ಯೋಷತ್ ಕಥೊ- ಕ್ರಿಸ್ತಾಯಿಸು ರೂಪಾಂಖು ದೇಖಯೋ; ಹೃದಯನ್ನ ಸಂಬಂದಂಖು ಕ್ರಿಸ್ತುಸ್ ನೀತಿವಂಥ ಕರಿ ನೇಮಕಮ್ ಹುಯೂ; ದೇವದುತರ್ನ್ನಬಿ ದೇಖಯೋ; ಆದ್ಮಿಮಬಿ ಮೈ ಚಲೈನ್; ಲೋಖಮ್ಮಬಿ ನಮ್ಮಖರ್ಖು ಕಾರ್ಯೋ; ಮಹಾಪ್ರಾಬಮ್ನಿ ಜೇಜಸ್ಸಿಮ್ಖು ಜೇಹಿಂಚ್ಯೋ.