1 ಆಪ್ನ ರಕ್ಷಕ ಹುಯ್ರೋತೆ ದೇವ್ಥೆ ನಿರೀಕ್ಷನ ಅದಾರಮ್ ಹುಯ್ರೋತೆ ಕ್ರಿಸ್ತ ಯೇಸು ಥೆ ಬಿ ವಾತ್ನ ನೇಮಕಮ್ನ ಕ್ರಿಸ್ತಯೇಸುನ ಅಪೋತ್ಸಲ್ನ ಪವುಲ್ 2 ನಂಕಮ್ ವಿಷಯಂತೆ ಖ್ಹಚ್ಚಿ ಚಿಯೋಹುಯೂರುತೆ ಥಿಮೋತಿವಾಲನ ಲಿಕ್ಕುಕರತೆ-ಶಾತ್ಕಥೋ ಭಚ್ಛತೆದೇವ್ಖಂತು ಆಪ್ನ ಕರ್ತಹುಯೂರುತೆ ಕ್ರಿಸ್ತ ಇಶುಕಂತುಬಿ ಥುನ ಕೃಪೆಬಿ ಕರುನೆಬಿ ಶಾಂತಿಬಿ ಹೂವಾದ. ತಿಮೋಥೆಯಣ ಎಫೆಸಮರೈನ್ಬಿ ಚ್ಚಹಾಡ್ ಬೋದಕುಲ್ನ್ ಎದಿರಿಂಚಿನ್ ಅಚ್ಚುಬೋಧನೆನ ಚಾಲವನು ಕರಿನ್ ವತ್ ಹುಯ್ 3 ಮೇ ಮಕೇಧೊನ್ಯನ ಜವಾಣಿಟೆಂಪ್ಪರ್ ತು ಎಫೆಸಮ ರೈನ್ಬಿ ಇಜ್ಗೊಚ್ಛತೆ ತೊಡಆದ್ಮಿನ-ಥುಮೆ ಆಲಧು ಸಮಚರಂನ ನಕರನುಕರಿಬೊಲಿನ್ಮ 4 ಮಲಯೋತೆ ಕೆನಿನ ಖಾರು ಖ್ಹಮೇ ಪಿತೆ ವಾಂಶಮವಲನ ಘುರಿನದೇನುತಿಮ್ ವತ್ದೆಂಕಾರಸ್ ಕರಿ ಥುನ ಖಾಚ್ಚಕರಿನ್ ಬೋಲ್ಯೂ ಪ್ರಕಾರ ಆಂಕೆಬಿ ಬೊಳುಕರುಸ್. ಇಮ್ನಿ ಕೆನಿನ, ಯೋ ಜತ್ಕರು ಯೋವತೇನ ವಿವಾದಮ್ನ ಗಬ್ರವನುತಪ್ಪ ದೇವ್ನಿನಂಕಂನ್ನ ಆದರಂ ಕರಿಂಚ್ಛತೆ ದೇವ್ ಬಿ ನಿರ್ಣಯಮ್ ಕರಿಯ್ಹಾಕೋಸ್ಥೆ ಕಾರ್ಯಾಮ್ ಆನುಕೂಲಂ ಕೋವುಶೆನಿ ಆನಮ ನಾಂಕಮ್ ಮಸ್ ಮುಖ್ಯಮ್. 5 ಅಚ್ಚು ಹೃದಯಮ್ನ ಅಚ್ಚು ಮನಕ್ಸಕ್ಷಿ ನ ಆಚ್ಚಿ ನಾಂಕಮ್ನ ಇನೆತಿ ಪೈದಹುಯಿತೆ ಪ್ರೀತಿಬಿ ದೇವ್ನಿ ಆಗ್ನೇನ ಗುರಿಹುಯಿರುಸ್ 6 ತೊಡುಆದ್ಮಿ ಆಘುರಿನ ಮಿಂದಿನ್ ಹುವಕಕೋಯಿಂತೆ ವತೆಮನಿ ಬಜುನ್ ಪರಿಯೂಸ್ ಇವ್ನೆ ಧರ್ಮೋಪ್ರದೇಶಮ್ ಹುನುಕರಿಬೊಲಿನ್ ಬಯಸುಕರ್ತುತು 7 ಇ ವ್ನೆ ಬೊಳುಕರಥೇಬಿ ಇವ್ನೆ ಬೊಳುಕರತೆ ವಿಷಯಾಂಬಿ ಅಂಕಣುಕರಿ ಮಲಂಕರವಳುಚ್ಛ. ಧರ್ಮಶಾತ್ತ್ರಮ್ ಅಚ್ಚುಕರಿ ಮಲಮ್ ಕಾರ್ಯಾ; 8 ಆಜೂ ಇನಬಿ ಇನವುದ್ದೇಶಮ್ನ ಬರೋಬರ್ ಹುವಕರ್ಕ್ಹು ವುಪಯೋಗಮ್ ಕಾರ್ನು; 9 ಧರ್ಮಶಾತ್ರಂ ಅಚ್ಚ ಅಡಿಮಿನಕಜೆ ಕಹೆ ಆಜೂ ಅಕ್ರಮಾಂಕರವಳು,ಅವಿದೇವಳು, ಭಕ್ತಿಕರಕೋಯಿಂತೆ, ಪಪಂಕರವಳು, ಪವಿತ್ರಮ್ಖು ರಾಯಿಕೊಂತೆ, ಪ್ರಪಂಚಾಂನ ಆಕ್ಕ್ ರವಳು .ಆಯ ಬನ ಮರವಳು.ಆದ್ಮಿನಜನ್ ಕಡವಳು 10 ಜಾರರು ಸಲಿಂಗಮಿಹಾಳು, ನರಚೊರರು ಚಹಡ್ ಬಾಲವಳು,ಅಸತ್ತ್ಯವಾದಿಗಳು,ಕೊಂಗಾತ್ ಕಡವಳು, ಕಚ್ಚಿವತೆನ ಬೋಧನೆ ವಿರೋದಾಂಖ್ಹು ಕರವಲನ,ಆ ಆಗಡಿ ಹುಯೋಥೆ ಖಾರಪ್ಆದ್ಮಿವ್ನ ಮನಿತುಬಿ ಆಪ್ನ ಮಳುಂಹುಯು. 11 ಅಬೋಧನೆನ ಭಾಗ್ಯವಂಥಹುಯೂರುತೆ ದೇವ್ನ ಮಹಿಮೆನ ಬೋಲನಿ ಸುವಾರ್ತೆನ ಅನುಕುಲಮ್ ಹುಯು. 12 ಆ ಸುವಾರ್ತೆನಿ ಸೇವೆಬಿ ಮನ ದ್ಯಾವಯು. ಮನ ಬಲಮ್ನ ದ್ಯಾವಲೋ ಮರೋ ಕರ್ತಹುಯಿರೋತೆ ಈಶ್ಯೂ ಕ್ರಿಸ್ತಾನೆ. ಇನಸ್ಕಜೆ ಮೇ ಕೃತಕಜ್ಞಾತ ಹುಯಿರೋಸ್. 13 ಆಗಡಿ ದೋಷಮ್ ಕು ಹಿಂಸೆಕು ಖರಪ್ ಜೀವನುಕರವಳು . ಚೋತೆ ಮೇ ಯೋ ನಂಬಿಗಸ್ಥನೂ ಲೆಕ್ಕಕರಿನ್ ಇನ ಸೇವೆನ ನೇಮಕಂಕರನ ಮೇ ಇನ ಸ್ತೋತ್ರಮ್ ಕರುಸ್.ಮೇ ಆಜ್ಞಾನಿಖು ಮಳುಂಕೋ ಯಿಂಥೀಮ್ ಖರಪ್ ನಾಂಕಮ್ ಯೋ ರೀತಿ ಚಲ್ಯತೆ ಮರಪರ್ ಇನ ಕರುಣೆ ಹುಯೂ; 14 ಆಜೂ ಆಪ್ನ ಕರ್ತನ ಕೃಪೆಬಿ ಅಚ್ಚಿಥರರೈನ್ ಕ್ರಿಸ್ತಾಯಿಶುಮಚ್ಚತೆ ನಾಂಕಮ್ನ ಪ್ರೀತಿನ ಮರಾಮ ಮಲಾಂಹುಯು. 15 ಕ್ರಿಸ್ತಇಶು ಪಾಪುಲ್ನ ರಕ್ಷಿಣಚವನಕಜೆ ಅ ದೇಖ್ಮ ಅಯೋ ಕರಿ ವಾಕ್ಯಮ್ಮ ನಮ್ಮಕರ್ ಕು ಸರ್ವನ್ಘಿನ ಯೋಗ್ಯಾಂಖು ಚಆ; ಆಜೂಷಟ್ಕತೋ ಯೋ ಆಕ್ಖುಶ್ ಪಾಪುಲ್ನ ಮೇಸ್ ಮೊದಲಿಗನು, 16 ಆಜೂ ಬುಜು ಕ್ಹಮೇ ನಿತ್ಯಜೀವಂನಕಜೆ ಇನಪರ್ ನಂಕಂರಹವಲನ ಇನಿ ಧೀರ್ಘಶಾಂತಿನ ಧುರ್ಷ್ಟತಮ್ ರನುಕರಿಬೊಲಿನ್ ಕ್ರಿಸ್ತ ಇಶುಬಿ ಪಾಪುಲನಜೋಡಮ ರೈನ್ ಮನಬಿ ಕಾಣಿಕರಂಖು ದೇಖಿನ್ ಮರಾಮಬಿ ಇನಿ ಅಕ್ಕಿಸ್ ಧೀರ್ಘಶಾಂತಿನ ವತಾಲ್ಯೊ. 17 ಸರ್ವಯುಗನ್ನೂ ರಾಜ್ ಅಮರನು ಅದೃಶ್ಯನು ಹುಯುರುತೆ ಎಕ್ಕಸದೇವ್ನ ಗಾನಂಬಿ ಮಹಿಮೆಬಿ ಕದೇಕದೇಬಿ ರವಧ.ಅಮೆನ್. 18 ಚೋಗ್ರಾ ಥಿಮೋತಿ, ತರು ವಿಷಯಮ್ಮ ಆಗಡಿ ಹುಯುತ್ತೆ ಪ್ರವಾದನೆನ ಕಾಯಲ್ ಕರಿನ್ -ತು ಇನೆಖು ದೈಯಂಕರಿನ್ ಅಚ್ಚು ಯುದ್ಧಮ್ ಕರ್ಣುಕರಿ ಥುನ ಕಾಯಲಕರಾವ್ಕುರುಸ್. 19 ನಾಂಕಮ್ನ ಆಚ್ಚಿ ಅನಸುನ ಘಟಿಖು ಧರಿಲಿನ್. ತೊಡುಆದ್ಮಿ ಅಚ್ಚು ಮನಸುನಾ ಧಕೇಳಿದಿನ್ ಅಂಕಮ್ನ ಜಹಜ್ ವುಳ್ತಿಪಲ್ಟಿ ನಾಶನಂಹುವಸ್ಕಿ ಇಮ್ಮಸ್ ಹುಯೂರುಸ್;ಹುಮನಯನು ಅಲೆಕ್ಸಾಂಧಾರನು ಆಕುನುಸಾದ್ಮಿ; 20 ಅವ್ನೆ ದೇವ್ನ ದೋಷನೆ ನಕರ್ನು ಕರಿ ಮಲುಮ್ ಕರಿನ್ ಸೈತಾನ್ನ ಒಪ್ಪಸಯ್ನಾಕು.