Pasal 3

1 Aku nulisatn jukut nian agi' ka' kita', sia'a masakatnnya ka' kita'. 2 Jaga-jaga kita' ka' tea' asu', pangaraja-pangaraja nang jahat, jaga-jaga ka' na' pamalak, nang alok-alok. 3 Diri' nian urakng nang ngka' dah babalak, nang sambayang ka' Roh Jubata, basukur ka' Yesus Kristus nang nana' nohatni' kapucaya'atn ka' jukut nang ka' ai'tanah. 4 Biarba' aku uga' ada basampiratn pucaya' ka' jukut nang ka' ai' tanah, kade'nya ada urakng nang matak baya pucaya' ka' jukut nang ka' ai'tanah, aku miah agi'; 5 Dimalak ka ari delapan laka' dimaranakatn, bangsa Israel, suku Bejamin, urakng asal Ibrani, nang basampiratn ka' adat Toran aku urakng Parisi. 6 Kade' pakarajaatn, aku pangejet jama'at, ka' pangaturatn adat torat, sapapa'nya dah kungasiatn. 7 Biarga' lekoa, ahe nang untukng ka' aku de'e, ampeatn udah jaji karugiatn tagal Kristus. 8 Jakataku samua' jukut udah jaji karugiatnku, tagal aku dah nau'an ka' Yesus Kristus, Jubataku, ia nang kuningian. Tagal Yesus aku dah ningalatni'nya, samua'nya koa dah kumatak pangkauh, koa nang nyorongan aku namu Kristus, 9 Aku ada man Ia, buke'nya tagal kakuatanku babuat basa, ngasi'atn samua' adat torat, aku babaikatn ba Jubata tagal aku ada bakupicaya'atn, au'koa kapucaya'atn ka' Yesus Kristus. 10 nang ku mao'an koa kanal ka' Ia. man pama pangidupat-Nya, sote' man kajaatn-nya, ka'koa aku udah jaji sijaji man Ia ka' kamatiatn-Nya. 11 Mare' aku maraga panamuan kaidupatn agi' ka' tea' urakng mati. 12 Buke'nya seolah'-olah aku' dah namu samua'nya koa,ge'nya dah nana' bakalamahatn, aku nian gi' ngunyarnya, kade'nya baya ahe aku nangkomoknya, mpa Kristus dah nangkomok aku. 13 kita' ayukng-ayukng samadi'atnku. aku babaro nana' matak diri'ku dah nangkomoknya, nianba nang diku ngarajaatn; aku nana' ngingatatn ahe nang ada ka' tomokngku, ngarah diri'ku ka' ahe nang ada ka' adapatnku. 14 uga' batalama' nang batintingan sulogan. au'koa pansaru' saruga, mpat ka' Jubata, nang ka' Yesus Kristus. 15 Tagal koa samua' diri' nang dah barinsi' karohaniannya, bapikir lekoa, kade'nya pikirannyu balainan ka' bakasajurusatn, ayungannya uga' di-Jubata nawangan' ka' kita'. 16 Edo'ba kade' tiga' pangaratiatn nang dah tamu didiri', dilantasatn nurutatn maraga nang dah didiri' niti. 17 Ayukng samadi'atnku, tuna'an paguruatnku man samua' dangan nang idup lea kami, nang dikita' maguruatn. 18 Mpa nang dah kaja kungataatn ka' kita', uga' nang kunangkahatn ampeatn palis kungeak, batea' urakng nang baidupatn balawanan man kayu palang Kristus. 19 Ia ka'koa pane laka' kade'nya dah bamatiatn, jubata nyanka'koa parutnya babaro, nang dinya ka'koa ningian sigana' jukut nang matabe'i', nang dipikirannya ka' koa ninting jukut nang ka' dunia ihan. 20 Diri' nian jukut dah jaji panduduk ka' saruga, ka' abut koa uga' diri' nganti'atn Yesus Kristus jaji panyalamat, 21 nang manjawata' tubuh diri' nang pane rapot nian, jaji tubuh nang nyaruba tubuh-Nya nang bakamuliaatn, nurutatn pama-Nya, nang mangkeh ngalahatn ahe nang ana' ka' diri'Nya.