1 Ayukng samadi'atnku nang sidi kungalabuatn man nang kungaruniatn, kita' pangarepo atiku man simpoloku, tatap badiri kuatatn ati kita', o kita' ayukng samadiatnku nang kungalabuatn. 2 Euodia kungatai', Sintike kungatai' uga', ame bai' sote' ati ka' Jubata. 3 ka' koa uga' sunsugos, ayukngku nang kuat ati, tulukngi' ia ka'koa jukut dah bakaraja kuat sigaji man aku ngabaratn Injil, uga' man Klemens man sigana ulutn nang lain, nang damanya ka' koa dah tatulis ka' kitab pangidupatn. 4 kaja bakarepoatnba kita', jukut kita' dah idup man Jubata sakali agi' kukataatn, bakarepoatnba kita. 5 Gagasnya kabaikatn ati kita' disamua' urakng tau'atn, ari Jubata atakng' dah samak. 6 Ame kita' gali'-gali ka' ahe nangana', batakatn sigana kamao'atn kita' koa ka' Jubata babamang man kata basukur. 7 Damai ka' ati kita' nang atakng mpat ka' Jubata, nang ngalimpastn sigana akal, nang mihara' ati man pikiran kita' ka' Yesus Kristus. 8 Ka' pangabisatn sidi, ayukng samadi'atna', sigana nang banar, sigana nang bakabaikatn, sigana nang adil, sigana nang cuci, sigana nang manse', sigana nang nyaman didangar, sigana nang babasa man diurakng puji, nang ka' koa nang dikita' pikiri', 9 sigana nang dah dikita' malajaratn, sigana nang dah dikita' nyamo', sigana nang dah dikita' nangar, sigana nang dah dikita' nele' ka' aku, dikita' panjawat lekoa uga'. Tagal koa Jubata nang pangampu' damai man, samua' jukut, dah tokanba ada man kita' 10 Aku nta miah bakerepoatn ka' Jubata, jukut ampeatn ari dah muok agi' pamikiratn man parasa kita' ka' aku kita' ngka' dah maratiatn aku, ahe akal kita' nana' sampat ngarajaatnnya. 11 Aku ngataatnnya man buke'nya tagal bakakurangan, aku jukat dah balajar nyukupi' diri'ku man ahe nang ada. 12 aku nau'an ahe koa bakakurangan uga' ahe koa baloa' ka' jukut. Ka' sapapa'nya koa nana' nang ina' diku nau'atn; ahe koa kanyang ge'nya kaparatn, ahe koa bakakayatn ge'nya bakakurangan. 13 sagala' pakara mangkeh kutangukng, tagal ia nang dah mare' aku pangkuat. 14 Biarga' lekoa, nta' gagas pabuatn kita' nang dah nulukngi' aku taka' aku bakasusahatn. 15 Kita babaro nau'an, o kigta' urakng Filipi; taka' aku gi' baru' bamula ngabaratn Injil, parakatn aku barangkat mpat ka' Makedonia, sote'ba nana' jama'at nang baparetongan utakng man aku, kita' ihannya. 16 Ka' Tesalonika uga' kita' sakali bakirimp nulukngi' aku. 17 Biarga' lekoa, nang dikungadoho'atn buke'nya pamare' koa', nang kungadoho'atn koa buahnya, nang sia' ngaya'atn kauntungan kita'. 18 Ampeatn aku dah narima' samua' nang dikupalaluatn ka' kita', buke'nya nang koa ihan, nu'ku dah baloa'-loa', tagal aku dah narima' pangiriman kita' ka' Epaproditus, jaji paremah nang babau mangat nang ngarepoatn ati Jubata, nang koa nta di-Nya nyamo'. 19 Jubataku nang bakakayaatn ka' Yesus Kristus, macukupa' samua' kapalaluatn kita'. 20 Ditingiatnba Jubata man Apa' diri' salama abut, arus. 21 namusatnba salamku ka' sigana urakng Kristen nang dah pucaya' ka' Yesus sarapa ka' kita' mpat ka' sigana urakng Kristen nang ada man aku. 22 samua ka' kita' mpat ka' sigana' urakng Kristen, ka' ia ka' koa nang ada ka' rumah paraump Kaisar. 23 Kasih Jubata Yesus Kristus ada man roh kita'.