1 Ratinya tagal ka' Kristus adaba nasehat, adaba pangiburatn kasih ada ka' sote' Roh diri' di-Nya maba labu batipara-tipara man balabu-labuatn nang seko' ka' nang seko' 2 Tagal dikita' tamahi'ba karepoatn atiku, ma'ku kita' koa saati man sapikiratn, sote' sumangat man sote' kasih, uga' sote' tujuan. 3 Nana' bagago' kamao'atn babaro man papoahatn nang toa'-toa', miakng eko' kita' gagas'nya ngadoho'atn seko' man nang seko', ngadohoatn dangan. Ngadudiatn diri' babaro. 4 Ameba miakng eko' urakng maratiatn kapalaruatnnya babaro ihan, uga' maratiatnni' kapalaruatn dangannya. 5 Gagasnya sigana kita' ka' idup kita' nahatni' pikiran man parasa nang ada uga' ka' Kristus Yesus . 6 Biarba ia koa sinyaruba man Jubata, nana' matak kade' sakadudukatn man Jubata koa, buke' nu;-Nya nang di-Nya palakatatn ka' diri'Nya. 7 ia dah ngalapasatnnya koa, sau jaji sijaji man ulutn, uga' sijaji man talino. 8 Parakatn-Nya jaji talino, ia dah ngababahatn diri'-Nya sampe mati, ia mati dimakulatn ka' kayu palang. 9 koaba tagalnya Jubata nta mataki ia mare,atn ka ia nama nang galahatn sigana nama 10 tagal koa ka nama yesus dah basorok sambah samua nang ada ka uwa,uwang nang ada ka ai tanah man nang ada ka babah tanah 11 uga sigana jilah ngakoi yesus kristus jubata yak ngatingian jubata apa. 12 Ka' kita' samua' ayukng samadi'atn nang kungalabuatn, taka aku ka' keatn, kita' sara'ba ngasi'; tagal koa tatap atiba ngarajaatn kasalamatatn kita', buke' parakatn aku ada ka' keatn ma'an, aku nana' bakita' ka' kita mao'nya sia' kuat agi'. 13 Jubata ihan nang ngarajaatnnya ka' kita', tagal koa kita' barepo ati man mangkeh ngarepoatn ati Jubata. 14 Karajaatn samua' karaja nana' basansili'-sansili' man babaolekatn. 15 Lekoa ratinya kita' nele'atn kade' kita' nana' jadi pasabutatn man nana' bakasalahatn, jadi pang'anak Jubata nang bakabaikatn ka' tea' tangaor nang atinya sasat nian, tagal koa kita' sau basaho ka' tea'aya ka' koa, mpa tea' bintakng ka' dunia. 16 Basing'i' ka' titah nang pamare' idup, aku baya bapoah parakatn ari nya Yesus atakng, kade' aku nana' toa'- toa' baluma' man bajara-jara. 17 Kade'nya darahku dilolokatn jadi paremah, ka' kasambayangan ka' kapicaya'atn kita', aku basukur' aku barepoatn man samua kita'. 18 Kita' bakarepoatn uga', karepoatnba man aku. 19 Aku pucaya' Jubata Yesus nang nulukngi'a' kade' kade aku nyuruhatn' Timotius ka' tea' kita', nanangan atiku nangar ka' tea' kita', 20 Ka' aku nian seko'ba nana' urakng nang sote' ati man sote' pikiran man ia' nang sidi miah maratiatn kita'. 21 Tagal samua' urakng bagago' kamao'atnnya babaro, buke'nya ka' pakarajaatn Yesus Kristus. 22 Kita' nau'an kade' katatapatn atinya nang kuat, ia daah nulukngi' aku ngabaratn Injil lea anak nulukngi apa'nya. 23 ia ihan nang lungasa'tn nang ganceh kusuruhatna' ka'kita', dah nawang ka' aku lempahe maraga pakaraku; 24 Biarga lekoa, ka' Jubata aku pucaya' kade' aku uga' dah ganceh ampusa' ka'koa. 25 Taka' koa aku palaru nyuruhatn Epaproditus ka'kita', ia koa gi' ayukng samadi'atn diri', nang dikita' nyuruhatn atakng ka' aku nulukngi' aku ka' samua' kapalaruatnku. 26 Ia nang miah ina' batah ka' kita', atinya uga' marundo, ia koa uga romgko'. 27 batol' sidi ihanba ia rongko' sampe robet pisatn. tagal Jubata labu ka' ia, buke'nya Jubata ihan. aku uga', ame morongan kasusahatn ku sau batamah. 28 Tagal koa aku miah ganceh nyuruhatnnya ampus ka' koa, jukut kade' kita' nele'nya, kita' karepoatn ratinya kasusahatn ku sia'a rehatn. 29 Ratinya ia' dikita' samo' tagal Jubata man ati nang repo, dikita' saungkngi' urakng nang lea ia koa. 30 Tagal pakarajaatn ka' Yesus ia sau robet matia', ia dah saelang man nyawanya, yaknya nyukupatn ahe nang gi' nana' ka' palayanan kita nang ka' aku.