¹ Natunga, bambinango bonangele hate ha momowumesi isi mundu nango lita liwosihi hawita hane isi hemelelo hiali lita eleno. ² Bowe nawoha na mbwa,bowa nawona wekela wobe bokebe na wana betena ndoto owoyo. ³ Naiyo,esu tuisi waito wonoteni kombe na winoli,tuise tonangele sia Aungu o lowola na mwandoto nangelisia hate tuisi na wanangeli hate ha Yesu moumesi totiseli ndoto haluhania. ⁴ Ata ngomangine nekoka wiseli ndoto motema,ambeke motosoho esumbela laluheni ene emalani one eundja wiseli ndoto motima,Ngo melotoli. ⁵ Ngo netenani kombe wose ombaituele nekowi na liholi Yaisalaele na hekanga he beniaminanisi mwabele ne wotani na ngele. ⁶ Mweni mundu litali linginda lita liyabweli na luili, nelumbi wobelita liwa bwisi hate ha ngeli. ⁷ Aya nisi na akpohelia aho,nowala yo hema pamba lita li momeseheli. ⁸ Aya nelita,haita anokpa kpopamba,lita liwoliwi Yesu mumesi oma lita elahe na lisesia wilulu owituli kamu nisi ne falayo nha tombi lita ine mwene mumesiYesu. ⁹ Lita ine nene hate ahahe,nawaina solo so ngo mangine, ine iomoha na ngele,nayo ine iekowa na ndole winoleli mumesi Yesu,solo ene ekowa ingi Aungu na ndole winoli. ¹⁰ Nundi neliwe mumesi Yesu, luili losekwin owahe, okungani na mundu o mahe,watu hiahe hateha wohwi owahe. ¹¹ Kamu na yokpa nekoke awai na wumi bowaito wane wiomohambo na waito we hui. ¹² Soo itikpomi ine nabwa akbohelia,kamundjatui moto ono ekumani,kasi nisi netila luhele lita liwobwiyo, lita ine Yesu mumesi hanu ehili halango. ¹³ Bambinango,lita ela,ndiluhani ene na bwa litomba limelo moyo nekela lita limoi:Nelenda haita ohatuhuhane hisi mbuse mpe nekelawokpamu na haita hane hisi feloeleyi. ¹⁴ Woyo netila luhele tee atuembongo suka,lita ene ne bwe lifuti line Aungu eti tilengo elondjalo hati ya Yesu mumesi. ¹⁵ Esu fee wana totwa na mwenda,toluhani woyo Aya isi nalita limoyi woyo,loluhania ndenge esiha,Aungu enesilimbo enuyo. ¹⁶ Atinde,nisinga ine ya twasu totutaye kbo ndole emoi. ¹⁷ Bambi nongo,botutaye enu fee ndenge eleyi,kamu bolite walionza wai towane benda ndenge ewunu wone bweni enu ngoiso. ¹⁸ Lita ine,ndengeengawelelengo enu felo mbala yokpa kamu sikene,nine kbomele enu lisiha na misoholi na haiso,lita waye bisi wone wefeni kulusu otesu lita li mesala ewawo. ¹⁹ Tunga elewo esi wohwo,Aungu ohowo esi andayu elewo,beya sesia na haita hane hiokwenu wo haisiso kamu bisi hahe haniahawo na wilulu wi hewu. ²⁰ Kasi esu,tuisi waito wa mwenge modjolo kamutuisi tuambeli mumesi omaiso to owelo he Yesu mumesi. ²¹ Heono,ekialambo ndotoiyiso i ho hwa lita ine yatue ndoto iyahe i ngbende,nandole e luile ine imokalia lusa lowusi wilulu fee sise ewokumi owahe.