¹ Ayo bombembelisi ewa na Kristo,oya bombembelisi eisi na lundo,oya toisi kamu na hoyeo menda,aya yoisi na wali na kamu motema howa. ² Kela ine monanga yawe ngia,kela ine ewaye na kamu imoi,lundo imoi,mwenda imoi,haluhana i moi ³ Otakele hema sominga imoi na mwenda na kamu ngbende eti na tuna,ine woyatitisa elitisa tenga waito wa siha bemolotoli ⁴ Na enu kpa,lita line otolite kpo bokpomi eleo mangine,ine kamu ewaito ya siha. ⁵ Bowaye na enu na kamu ene Yesu mumisi ewai nimo. ⁶ Ine, eisi na heta he Aungu, ataya li tesi tenga oyawanesi na Aungu. ⁷ Ine aya litesa he mangine, ohala heta moto lihua,bolui wokokani o molome,na kamu bolui tenga moto eti na tunga. ⁸ Aya titisa he mangine,oya itemia to na howi,na kamu to na howi na ekulusu. 9 Lita line Aungu amotombola liolo,na kamu amokalia line ilotoli wainakpo. ¹⁰ Lita line na lina li Yesu halwi kpa boofeli eleo liolo, one mbu,na kamu seseembu. ¹¹ Na hoohi kpa watatoli ine Yesumumisi,eis pAungu oloola. ¹² Lita line, miandani elei,ebowai na itenia ngonga kpa,kela na ngai na boo ha na kamu wingilani,eti kpo ndenge eti ngo sikene,na kamu wali oya sikene ndenge etisi ngo. ¹³ Lita line eisi Aungu nde eundi,lisala,na ndenge he enangele eleye. ¹⁴ Bokele haita kpa na olumbi watokatoki,na kamu nanga. ¹⁵ Lita ine botawe na bosemesi na ngia,wana wa Aungu bana betisi na bosemesi na mbuse ehoose,waito wane beisi na bendele na moili. ¹⁶ Na lioi li bweme,nde koka kamu boyakumesi,na wose i Kristo,iti woendi hona na lisala li hama. ¹⁷ Na kamu awa nekelela kifo lihaye lita li oya fai na lisala liwinoli,ne yanangela mbo nesukpa ¹⁸ Enu kamu,boyanangeenu mangine, na boyanangeli na ango kamu. ¹⁹ Neliwi ine na Moumesi Yesu atomela enu timote,lita line nahe na wokpamu ngo mangine ne liwi waito eleino ²⁰ Lita netisi na moto sominga emoi ene efai kamu elei,lita liolei na wosembo na motema na haito eleino. ²¹ Enu kpa,lita,bokpalana kpo bokpohi elein mangine,etisi ene e Yesu mumisi. ²² Boliwi ine eyaisi na lisala,na wa Isaka na lisala omboli ndjali na ngo kamu,tenga mongo na koka eleye. ²³ Neeni ine bomotomi wobandi ohi liili na tunga he kekekani ene ewai ngo. ²⁴ Newai na winoli isengani e moumisi lita line ngo mangi ne neyambo sikene. ²⁵ Ne ene wali wotomeli enu mwenganena elei Epa pafodide,moto ohoi ene toenda isengani imoi na lisala na hesingila,naye nde neliwi lita liwokeli na kamu eleino. ²⁶ Eundi heni enu kpa,na kamu wokpwmu na ndenge bookpoi ine ekpameli. ²⁷ Ekpamali,na kamu,eti auhe howi,lita Aungu emokoi howa,eti eleye mangine,na ngo kamu,lita lone natatwe na howa liolo lihowa. ²⁸ Ne motomi na Lundo,lita line banangeli na bomoliti,na kamu ngo mangine netisi na howa olotoli. ²⁹ Bomoile tenga mumisi na bomangele ohoya, na kamu wokumisi balome tengo ohe. ³⁰ Lita li lisala i Kristo ewai auhe na howi,aya tiana hume elehe lita ya tata na mbuse elehe na lisala ene esaleli ohe.