¹ Lita ine,bahundani oma,na bambi nango,enu boyisi monangia oma,bokali lofumbo,botiswale ngui na kumi, bahundani oma . ² Ne mokpomelia Evodi na Syntyche bowayi na monangi mo kumi. ³ Na ohe,mambi one na moyinola,uyo,na molomba osunge wo,bane ba nana lita limboli ndjali nango,na metema mosa na bambi nango wa lihwa, bene lina owawo isi na buku eume. ⁴ Bonange le ngonga kpa na kumi, na ulela,bonangele. ⁵ Hai ohoyino yenene ngai waito kpa kumi auwe . 6 Bota yatungese na lita sominga limoyi,ine na haita kpa,bomoniseli Aungu kamo eyino na halombi na boyatati, na na ouliseli Aungu pasa, itania lita hai ha Aungu aotola hai kpa bokomani mitema omaino na haluhani omaino na Yesu Kristo. ⁸ Na hane yatiala, mambi nawa,ine kpa iwayi wali,ine kpa ekumisa wo,ine kpa eyenualani,ine ingei,ine eundami,ine ikoki hehumeli hafindi,ine iyaumoha na ewangi na wokumu,yawahe hema halu hani o hoino. ⁹ Ene eyekoli enu,ene ehili enu na ekwi enu lite lia,bokele lio, Aungu hehai ewa mbo nenu. ¹⁰ Nenangalo ooya hate ha Yesu, lita ine ine tunga emelo, boluhani ngo lisiha, ooyo,boluhani ngo,bolumi ndole ndenge oyenesiyo. ¹¹ Ndi kpomi uyo litene neumbi,na ine,nayekola wowai na na monangia nahene isi ngo na yo. ¹² Neliwi yandenge wowai hete ha woheheli,neliwa ndenge eyewayi hate ha bilulu owiye,Nefali hala helenge he wowai na monangi hate ha haita motindo na motindo, na hate ha haita kpa,ata nefindi na bima ato neheli. ¹³ Ne koka okeli haito o hatuhu na ndole ono ekalingo luili. ¹⁴ . Yo nde bokeli wali lita liwofambani na mundu oma . ¹⁵ Waito wa Filipo,enu wangine,boliwi ine,ane ewayi ngo ne kalia mboli ndjali kamu nekowi na Masedwane, linginda soo limoyi liti kali hema, kosia kpo enu. ¹⁶ . Tango ene eyali ngo na Tesalonika, botomeli ngo motoma mbala iyele, lita line ewayi ngo na iyo kamwa. ¹⁷ . Eti ine ne pkalia bopkoheli, kasi nepkalia ine enu bobwe hapkohelia. ¹⁸ . Kayina ine, nisi na bilulu owituhu, ne hahali na bilulu owiye, ndi na kamo ehema soo emoi hia ndenge ebwe ngo ngi Epafrodite bilulu ine bitomeli enu ngo,yo isi malasi olumba wali, lifao line lia inolana, line linangelisa Aungu. ¹⁹ . Kamu Aungu ohoi ekwanesiambo kamo elino, lita lingbende wa womengo owahe hate ha Yesu. ²⁰ .Ngbende awe ngi Aungu ohoiso kamu Ise ohoiso hekekani pka ! Amen! ²¹ Bokali wopalia na waito pka bane bengei hate ha Yesu Kristo. Bambi na ngo bane bisi nango betomeli enu bopalia. ²² . Waiti pka bane bengei batomeli enu bopalia na olotoli wane biisi na mbele o Kaisala. ²³ . Pasa e kumi Yesu Kristo awei na mwenda emaino!