¹ Haita hene nekpoma ngo,hekpoma wune,ono moto wa;omotiale kita engawai mona moke. ² Etina wetengani na moya, etialambo na hafindi ha waito wane wemokomaniambo na woliti lita iyahe ine wemotiele wo te ane etwesa he wilanga wine kaka ohehe etekpoma. ³ Esu kamu ndenge emoi,one towaiesu wana weke,towai sise emoya mo mwenda mone mondesa mohili. ⁴ Sikene nsa e teni Aungu etwilo,etomi mona ohehe,ewotami na mohali,sise obokumi wo ngele, ⁵ Lita akwesi waito wane wai sise ebokumi wo ngele, lita ine twatwe wana wa Aungu. ⁶ Enu kamu wawai wana awahe,Aungu etomi hote ha metema emaiso mona ohehe,ono etenda:Abba!,ekpama enu:kaka! ⁷ Iwaiyo wiyo,otilisihia moya,wisi mona.kamu,e owai mona,Aungu emotwe siambo moto okita. ⁸ Felo,one etili enu Aungu,bowei meya ni wilulu wine,na ndenge emelo,beti bewai baungu. ⁹ Kamu sikenebwaliwa Aungu, sominga ekpoma wune,sikene Aungu,eliwi enu,ondengese bwaulela lisihia mwenda mene melumbi wokpamu na bwatua lisihia meya emao? ¹⁰ Bowai na itemia na hoose,omuli,sa na wilanga! ¹¹ Nawanga owaha lita ilenu, mesala mene ekelingo ngaino mete pamba. ¹² wambinawa,naloba nenu bowe ohene ngo,ngo kamu newai ohene enu boti kelingo obe. ¹³ Boliwi wali ene,wohale nde wafotesi ngo ndole ewoteyi enu mbolindjali mbala efelo. ¹⁴ Kamu wohale owa wowai ngaino metungesi,botitiani ngo na bomonungoli,boyambi ngo wali ohene Anzelu o Aungu,ohene he mangine Kristo-Yesu. ¹⁵ Henangela hene hewai heta okaiso yaya nele? na enu,nekpomela yo ie:Ambeke hawelo hekoki wokelani,mbembakokosia haiso ohoino bokali ngo. ¹⁶ Sikene bwafine lita nekpomele enu haita hasembo? ¹⁷ Waito awoi wisia molende lita ine boye ngao iti lita lisala hali,wundi wakabole esu,lita bobwane nao, ¹⁸ Iwai walibowe na mohala,na haluhania hali,bowe wiyo sakpa, itawe ene awaingo nenu isinga imo. ¹⁹ wana awa walundo,nakwa lisihi mungu owoha lita elaino ohene ekwehambo he hate a haino. ²⁰ wi nakamu owoya newe hate a haino,na wokioli liohi ila,natwa ine nekawa owoya lita iloino. ²¹ Enu wana boundi wawai sese o bokumi bongele,bokpomela ngo kamu,botiokwahane ekpomangele? ²² Ayaesihini wene, Abalayama etewa na wana waele walome,omoi mohali omoya,ono osiha mohali. ²³ omoya,ono osiha mohali wosomietewotami na helakahema ekpomi Aungu. ²⁴ Ttonaha ohene lisese wahali waele oyo wetewa na wokeseni na hasala hao bokwani womelo botekowa na etiolo sinai na ewoti wana wa meya he nde Agar. ²⁵ Ye Agar ewai ohene iliolo isanai ine iwai na mohili mo Arabia ekoki na mwenge mo Yelusaleme enen esikene,lita ine ewai na meya isinga imoi na wane awaho ²⁶ kama Yelusalema ili le ewai na wosomi,wende ewai iya ohoiso. ²⁷ Ine isihani:ohe mohali ono eti wota,enangela, owoiya e tenda owoya,ohe mohali ono otaliwamundu mo wowoti Iwai ine,wana wa wahali wane wetiani wo wawembo owaye,walotoli wana wa wahali wane wi na lihua. ²⁸ Enu, wambinawa,bowai wana wa hesemba ohene IZAKA. ²⁹ Nasa imeli,mona ono owotami ohene waitokpa ewotama,ete mesia mundu mona one ewotami na wokpamu wo mwenda ewai ndenge emoi sikene. ³⁰ Hasihani a hekpoma mbi,fila moya na mona ohehe,ine mona o moya etikoka wobwi womengo isinga imoi na mona osomi. ³¹ Yo iyo wombinawa,esu totiwai,wona wamohali o moya,Ambeke wana wa mohali.