¹ Kristo abikesi hala esu lita towai na wosomi wosolo.yo ine bwemale ngbi bota wule na woya. ² Ngo Polo ne kpomela enu ine:ambeke wotenisia ndoto, aho Kristo eti lisihia natina ngaino. ³ Nekpomela lisihia enu ine,motokpa ono etnatena ndoto,ekokiwowaina itemia na na haitakpa hane hemotoma ngele. ⁴ Enu waito wane wekpala watwi waito wa wosembo na wawai na itemia na ngelewo wowai na hesehani na Kristo ine bokowe sise e pasa i Aungu. ⁵ Natina ine, esu na nandole e mwenda,totambi na mohalakpa ine toenamba sembo lita li winoli. ⁶ Natina,hate he Kristo Yesu,ambeke twatenesa ndoto so wetenesi ndoto,yokpa etinatina kamu lita line lihotoli natina nde winoliwone wenena na ndole e lundo. ⁷ Botili felo wolindase ofetele enu itemia na haita ha solo? ⁸ lita limelo litikowi ngi moto ono etienu. ⁹ Mosisea kole mone wisiaho na mapa mokimbisa potopoto i mopa. ¹⁰ Newai na mohala hate hakumi ine,botiwambo na haluhania hasiha.Ono eluambo na hehela,awenda,obwambo hetumbu. ¹¹ Wambinawa,bweni nongoteya lita li wo tetesi ndoto ingowai natina,nawiyo nambise bwenesi ngo mundu? Ambeke iwai wiyo,aho wobe wone wokwa na na metema lita li ha teya ha ekulusu hane heti natina. ¹² Nundi ine wato wane wisia hehela hate a haino,wakosi wo tohuma. ¹³ Naine, enu wambinawa, boetani lita bo wai na wasomi,etikokinine bokelele wasomi owaino ohene ndole ewoheleli moniho,boenda enu na enu hate ha lundo. ¹⁴ Na ine,ngelekpa ikokisama na hate ha ngele emoi, unda mambi naho ohone ohemangine. ¹⁵ Ambeke boya tolesi na wahoni,bokebe bowolanambo enu na enu. ¹⁶ Nakpoma na enu wine,tiani mwenda mendesi wumi owaino botikokambo wokeli haita hane ndoto eyenu itoma. ¹⁷ Nawine,kamo endoto etiundana na haita hane heundi wenda,na wiyo mwenda motieunda haita hene hiundi ndoto,Aho wolone we wai na hesingila,watokokewokeli haita hane undi wo wokeli. ¹⁸ Ambeke mwenda mwendesi enu,botiwambo sesi e bokumi wo ngele. ¹⁹ Hasala ha ndoto henena ekobo,haita ha lindi,wosesia, ²⁰ Wolombeli hekeko,wohuwo,wofinani, wowiani,zuwa,kanda,wisani nga, wosehani,wokowi na hateya na solo, ²¹ Likunya,wohomoli hana,lokoso na haita hane hewai ndenge emoi.Nekebesi enu ndenge ekebisi ngo enu felo ine wane wekela haita ohene wine,beti fotambo na bokumi bo Aungu. ²² Sikene tohuma to wenda tone: lundo,henangela,hai,wandi motema,wesalisani,woweli wali,wosembo,. ²³ bowai hai,na woyaboteti.na haita ha ndenge ene ngele eti. ²⁴ Wane bewai wato wa Kristo,bebaki hala ndoto iyaho na kulusu isonga emoi na kamo na wokpalikpali kpa. ²⁵ Ndenge towai esu na wuni na ndole e mwenda,twaya wosungi wo mwenda. ²⁶ Toti waito wa fiato,(ndjombo)twati wotungesa ni esu na esu,na toti okwa zuwa.