¹ Enu waito wa Galatia,bwisi hagboma!nda se eloka enu,Antinde,bekpomeli enu ndenge etisawo Yesu na Hekulusu, ² Nuna kamwa ewonongi enumoni ngia momoi:Bobwi mwendanandole ewowa ngi ngele,to nandole ewinoli mbolindjali ine yokwi emi? ³ Yandenge atwe enutonongo? wobandina mwenda,woyo bunole wotungisi na luili olino? ⁴ Iyaa,bweni mundu kpo wuyo,botina mundu kpoine bwene woyo? ⁵ Aungu ono etikali enu mwenda omahe kamu etetonga haita ohafihafi hate ohaino,wotangine ekelingo lita ine bowotemia ngile,lita bwinoli mboli ndjali ene yokwe emi? ⁶ Bolite Abalayama:yinoleli Aungu,kamu lita liwo inoli owahe,Aungu etimwino la hila moto osolo. ⁷ Woyo,boliwe ine wane wisina winoli,wonde wana wa Abalayama. ⁸ Mosiho mokpomiyo ti ofelo ine hekekani hia koke,ine Aungu etuesiambo solo waito wa mengemesiha nandole ewinoli,kamu felo pendja,etekpomela Abalayama mboli ine:waito wa mohili omotulu bebwambo muesua na ndole eleho! ⁹ Nayo,wane wisina winoli bebwi halamwisua isinga emoi na Abalayama moto wo inoli. ¹⁰ Wane wisi halu hani na ndole owotemi ngele,yokpa bise sise ewobe,lita ineisi hani: metina kimia wena moto fee ono etikelambo haitakpa hhane he sihani na lohoto longele. ¹¹ Woyo ise hwa ene:na haiso ha Aungu,moto somoi ekoka weni Aungu na ndole e ngele,lita ine:moti engei ewambo na wune nandole ewinoli! ¹² Kasu ngele itikowi na winoli,atende:moto ono ekele haita hane he toma ngele,ewambo na wunena ndole emelo. ¹³ Mohumesi ekosi esu na wobe wane ngele itewa otolesi esu,ane etatwa wobe lita iliso,lita ine isihani:metunaki meawe na waitokpa ono emoisiwo na hekulusu. ¹⁴ Itonganiwoyo,lita ine hate he Yesu mowumesi,lipamboli li Abalayama ya tuele wikanga wi mengemesiha,lita tobwe nandole ewinoli tobwe mwenda monemotekpoma he. ¹⁵ Waindani Awa emesi nebwe ndakisa emoi ehaita hane he esu wose na wose :Aya moto omoi esi na lohoto na ndoleewokwani na mambinahe,moto songi omoi eti kokawokosi to okpohi djolo ehaita hane hesinani. ¹⁶ Nayo,Aungu isi wisemba iwahe na Abalayama kamu na ono ete wa sise elehe.Hakomi hekpomi ene:nawane bisi sise elehe,haindenge ete wawo lita liwaito owaye,kasina notutayi omaho,yeesi fee moto omoi Yesu moumesi. ¹⁷ Ndekpalana okpomi wune:ngele ene ilwi mbuse iwihwa mekama melia na metuku mesaso,etikoka wowoli wokwani wone bwisi Aungu felo na Abalayama,na ndenge ine yatwesi hesembu hema pamba. ¹⁸ Lita ine,oya bwaliwone Aungu ekalia eeebwana na ndole ewisemba kasi Aungu hati hapasa elehe, ¹⁹ Woyo lita limbise ngele!bokpohiyo lita liwenesi ambeke wobe bwisi sembi,towane eluambo ono ohesembo etakalia Aungu hesemba ete luwa Aungu etongiwa Andjelu lita liwoka lingele na moto ono eye wulisia wokwani. ²⁰ Atende,moto ono eyewusia wokwoni,ewa moto onoetiewulesia wokwani wokwani womoto omoi,kasi waito owaye,kasi Aungu olowola esi kpo omoi. ²¹ Woyo ngeli,yemalela wisemba wi Aungu?ata mo moi?lita ine,aya isi na ngele ikalani ine ite koka olusi wume, Aho moto omelo eti nune,a ongui na ndole e ngeli. ²² Kasi mesiho mekpomi ine,hewunohe tuhu hisi na wayakawa wobe,lita ine hesemba hekolani na winoli na ndole winoli Yesu mowumesi. ²³ Felo ine winoli wolue.Totewa na wayaka wa ngele,totewa na wobwani lita liwambeli winoli wane wote koka wenani. ²⁴ Yonde,ngele ene itewa mo kengeli mone motewa na woluhuwo otoli esu ingi mowumesi,lita ene twatuesina ndole ewo inolesami. ²⁵ Woyo elui winoli,toti lisiha sise ewinoliwongele. ²⁶ Lita ine, bwisi enu kpa wana wa Aungu,na ndole ewinoli hateya mumesi Yesu ²⁷ Lita ine, enu kpawane bobwi libatisa hate hate ha mowumesi botolihala mumesi Klisto. ²⁸ Nayo, mwetengano motiaho hate hawa Yuda nawa Greke,hate na meya na wana wa somi,hate hawalome ka mu na wahali,lita ine enu kpa bwisi moto omoi hati ha mowumesi klisto. ²⁹ Aya buisi waito wa klisto,Bwisi kamu kamu wana wa Abalayama kamu bobwambo wilulu wine wikali he esu hesemba.