1 Enu bowai melonda hate ha nobe kamu na wobe owaino. 2 Aho etindenu hate hamelo wotutayi ndole e hewu hene,otutayi na ndole e lifofela mwenda momelo mowaisi kene okeli lihwa hate ha wona wa hatata. 3 Hate ahawo,esu fee toyali na kamwa emoniho o maino tuekela mehendo memelo na moniho kamu na metema kamu na welenge iwai totewa wana wahatata hate wane wasiha. 4 Kamu Aungu ewai na hohwa hofi,lita liloundo lofi luili he nawo lita liwundi esu,. 5 Kamu ataho etewesu melonda lita li hobe,aise esu wa me isingani imoi na momusi. 6 Kamu asekwisi esu na tosingani to djolo hate ha mumesi Yesu Klisto . 7 Lita wihua wiluambo aenesi wo toi wo pasa elehe na ndole e lundo ohala ngaiso hate ha Klisto Yesu. Pasa na ndole ewunoli,yo itikowi nenu iwa i lifoo li Aungu. 9 Itikowi na hahwa lita moto ataya sesi. 10 Lita esu tuisi lihwa ilahe,tuisasi hate ho Klisto Yesu lita li hahwa hali hane Aungu emalani felo ine tuende hate hamelo. 11 Wune wotabehani ine enu wote wa felo waito wabe litalindoto,bwetana waito wetitenani mototo na wotenani wondoto pendja. 12 Na hekekani he melo wotelumba Klisto wotesehana na wofambani na Isalsele kamu botewa wapaya na wunoli wo wisemba,wotiwa na liluhani. wotelumba Aungu hate ha hewu 13 Nayo sikene enu bowai hate ha Klisto Yesu,botwa hate felo,kamu baakoha lita lingelo i Klisto. 14 lita he ewai hai ahaiso,ono isi esu waele hema hono,kamu owuna woyalo na wofini ha tehate nandoto iyahe mangine. 15 Asengesia ngele na hanaho haele ofange hate ahahe moto omoi sikene kamu aluesi hai. 16 Awulesi kamu enu waule na ndote imoi ingi Aungu na ndole e hekulusu,wayo awola wafinani, 17 Etilua na wanahi hai ingaino wane bwuissi halo kanu hai ingi wane wisiauwe. 18 Lita na ndole elehe,esu watuhu waele tiusi na mosiho ingi kaka hate ha mwenda mamoi 19 Woyo boti wapaya kamu waendi,wayo buisi waito wa mwenge mo wai noli isisangani kamu wane noo mbele e Aungu. 20 Wofangani liolo lingele na watoma kamu wasakoli,Klisto Tesu he mangine ewai litale litunga. 21 Nahe,mbele otuhu iandani isingani imoi kamu iwai itua lita liwolombi wo ngai hate ha mumesi. 22 Nahe enu kamu buisi wafangani lita liwokeli heyolelo he Aungu hate ha mwenda