¹ Ngo Polo,toma e mowune Yesu lita libwali wo Aungu na sihela wainoli wisi na efese kamu wainolo hate ha mumesi-Yesu. ² Pasa awene nu kamu hai,wotowi ingi Aungu kaka ohwiso kamu na mumesi. ³ Angu kamu kaka kamu na mumesi omaiso Yesu Klisto wa kumisami he ono eusoli esu hate ha YesuKlisto mumesia ometuhu,me mwenda na tosingi elo djolo. ⁴ Eminoli esu hate ahahe felo ewokelani wo hewu,lita esutowe ngai kamu na walumbi wobe felo elehe hate ha lundo. ⁵ Etehende felo lita iliso ene towe wana owahe hate ha Yesu-Klisto heta ndenge emoi na Kamu. ⁶ Lita liwomotueli na Pasa elehe na nobende elehe ene ewai he esu hate a hahe waundani. ⁷ Nahe tobwa wune na ndole engelo iyahe,womesehelani na wobe heta buali owahe watua owoya mpendja. ⁸ Etuta Pasa emelo ngaiso na woliwi wotuhu kamu na woliwi. ⁹ Etekpomela esu hato na mohende omahe heta ndenge emoi na he enesi he hate ha Klistu. ¹⁰ Heta etemalania he lita liwomenesi hesemba ine atumanesi ewilulu owituku hati hamumesi heta motoi,yo djolo kamu ya kamu djolo. ¹¹ Aminole esu ene towa wa mangeli wa wohua heta ndenge emoi ekalini hesemba nahe omo ewai wokeli lihwa hate ha wilulu owituhu wo tutayi ndole e mohendo omahe. ¹² Ine aho ewai esu waito wafelo na mohala hate ha Klisto, totuele ngbende elehe. ¹³ Enu kamu wane wokwa honohi ha solo,yo mboli ndjali iwune owaino kamu buaminola he,hate aha he buisa na lifita hate ahahe na mwenda mongia ono ekalani hesemba, ¹⁴ He ewaino tunga mo wohwa owaiso teowane eumesiambo he yo ekoma nani nggende elehe a kumesani ¹⁵ Nayo, eokwa ngo lita liwunoli owoino hate ha mumesi Yesu kamu hundo olino ingi wainoli owaino owatuhu, ¹⁶ Ndiemesiambo oteni lita ilino,neluhanimbo enu hate hawolombi owa. ¹⁷ Ine Aungu na mangine,ohoiso Yesu Klisto,he ise ongbende,akali enu mwenda na woliwi kamu weneseli hate ha woliwi owahe. ¹⁸ Ine haiso na metema emino miatwa mua ,ine bolembehe le helenge na mohala na hetelo ehehe kamu woye wongbende na wohwa owahe hate wainoli. ¹⁹ Boliwi wofi woluili olahe hate a haiso wainoli hate ndenge emoi na lihwa na luili na luili lowokpomu na owane luili lomelo botilwani opimani. ²⁰ Etetonga yo lihwa hate ha mumesi one esekuesi he hate ha melonda kamu amwisa he na lifindi hiolome na tosingani elo djolo, ²¹ Ohola djolo na hesisi kamu wokondi kamu luili kamu mewange ometuhu djolo e haina ohatuhu ikbomana kboso, hekekani he ne kamu na hekekani heluambo heta. ²² Aisa wilulu owitulu sise emele enahe kamu amwisahe motoi djolo lihaita ohotuhu lita li lifambani. ²³ Ine iwai ndoto iyahe,yo wohuluti owahe wone woye hubutesia hate hatosingani tofee.