1 Mundani oma otasumbe winoli fee na menda enesia mwenda na oliwimbeke wisina Aungo o lowola,na mosakoli meye mene mealua,na mohili. 2 Nawoliwi ine mwenda mo Aungu o lowola mwenda pka mone mwisi nalimeseheli Yesu mumesi ewotani na ndoto i Aungu o lowola. 3 Menda miokpa metisi nalimeseheli,meti inoli ene Yesu mowumesi eti mongo Aungu o lowola, wo bisi wonewetindi Yesu mumesi woliwesiani wolui,ewaisike ne na mohili. 4 Enu, wana wake,bwisi na Aungu kamu bueni wo,ono ewainenu isi mofi olotoliono esi na hewu. 5 Wo, wisi na hewu,nayo we kboma hane ha hewu, kamu hewu hio kwaho. 6 Esu,twisi wa Aungu o lowola omo inoli Aungu, emokwa nawokpomi ine tuinolimwenda mosolokamu mwenda mo moloho. 7 Mundani,wasiha na esu, aho isi lundo ingi Aungu o lowola. ono eundi Aungu o lowola ono emoliwi Aungu o lowola. 8 Ono eti undi etiliwi Aungu o lowola nayo, Aungu isi loundo. 9 Lundo lo Aungu o lowola lotongana ngaiso nandenge etemele he esu mongo ohehe na huwu lita tunele he. 10 Nayo,lundo lotonga na nahe lokali esu wilembo biwobwi lundo owoya ingi Aungu o lowola kamu na wane wiundi esu atoma mongo ohehe hia womofialita liwobe owaiso. 11 Woundani,Aungu kamu eundi esu,esu kamu to munde esu na wo. 12 Moto somoyi etsheni Aungu o lowola aya esu towunda wo na esu, Aungu isi hate a haiso lundo olahe longei hate a haiso. 13 Toliwi ine tomesana mbo nahe kamu ndenge ekali esu wume,nayo ekoli he esu mwenda, 14 Esukanu, toeni kamu toliteli ise ohwiso na wotomeli esu mongo ohehe. 15 Ono ewai na limeseheli kamu na wenoli ine Yesu mumesi isi Mongo o Aundu o lowola Aungu hate ahahe he hate ha Aungu. 16 Esu,toliwi lundo lone luisi Aungu nesu twinoli sani Aungu isi lundo ono emalesani na Aundo iunolisami na Aungu Aungu kamu ewambo na he. 17 Hia ndenge ewahe,hia ndenge isi esu na hewu na iso lundo lone longainesu lita ine towae mbo wose wosambisi. 18 Woliwi lotihati ha lundo,kau lundo lone longei kamu itumbu isi kamu nesu,moto ono ewanga etisingiana lundo . 19 Lita ilisotundi lita iundi esu felo. 20 Aya omoyi ekpoma, miundi Aungu ine efini wambinahe,isi na moloho ono etsunda mambinahe,emwenihia mumesi, undi. 21 Nayo,tuisi nahe na ngele kamu ono iundi Aungu iundi kamu wambinahe.