¹ Moto kpa eti inoli ine Yesu isi Kristo,ewotami na Aungu,moto kpa eundi ise,eundi mwana ene ewoti he. ² Toliwi ine toundi mongo Aungu,tango ine toundi Aungu na okeli ngele ehehe. ³ Na iyo loundo lo Aungu ewayi okomani ngele elehe ngele ene eti na etumbu. ⁴ Lita ine motokpa ewotami na Aungu isi molongi ho mohili,olongi isi nde winoli howaiso. ⁵ Ndase molongi mwa mohili, isi nde moto eyambi Yesu Krito mwana wo Aungu? ⁶ Hé, Yesu Kristo alua na haye na ngelo,eti luwi na haye pamba kamu a luwa na haye na ngelo isi nde mwenda itatola,lita he, isi na wosembo. ⁷ Lita bokpa isaso betatola. ⁸ Mwenda,haye na ngelo na bo hasatu bainola. ⁹ Ha esu twahila litatoli li waito,litatoli ine Aungu eotoli,lita litatoli li Aungu isi litatoli likpomela haita omongo ohehe. ¹⁰ Ono ainola mongo Aungu na litatoli olehe, moto ene eti inoli Aungu isi moto moloho,lita eti inoli litatoli li Aungu likali mongo o hehe. ¹¹ Lita litatoli ehe,ene Aungu akalia esu bowumi woti na tunga,boumi he melo esi nde namongo ohehe. ¹² Moto isi na mongo isi na woumi, moto eti na mongo eti na woumi. ¹³ Nenga sihia enu haita ene,lita boliwe bowayi na wumi eti na tunga,enu waito wainola lina limongo o Aungu. ¹⁴ Toisi na winolisami ine tolomba lita nakamwa olehe,ekwembo esu. ¹⁵ Atoliwi ine ekwa esu,bima ine elomba esu toliwi ine tohilambo. ¹⁶ Aya moto aena hobe na mambi nahe line ekoka omotomi na wohuwo,alombe lita liyahe,Aungu ekaliambo woumi na moto omelo,ekaliambo nawaito wane bekela obe ine eti toma na wohuwo.Iwayi na obe omoyi ine itoma na ohuwo,etilita liobe ohoho nde na kpoma bolombi. ¹⁷ Haita kpa limoloho isi wobe,iwai na obe ndenge melo ine eti toma na wohuwo. ¹⁸ Toliwi ine moto ewotami na Aungu,eti kela obe,moto kamu ewotami na Aungu eliwi oya komania,moto o haele obe etikoka omobwi. ¹⁹ Toliwi ine toisi waito wa Aungu,hewu ohetuhu ewayi na bokpamu mwa moto o weli obe. ²⁰ Toliwi kamu ine mongo Aungu aluwa akalia esu weli lita line toliwe wosolo,toisi na wosolo na mongo Yesu Kristo he nde eisi Aungu wosolo kamu wumi eti na tunga. ²¹ Wana ake boya komani bikeko.