¹ Lita lundu line kaka a kpomela esu,lita towe wana wa Aundu! towai wana awahe,emohili motili esu,motimoli whe. ² Motolundu,towai sikene wana wa Aundu,la ndenge towembo esu iti twa,toliwi ine,yatwambongo,towambo ohene ye, tomwenambo ndenge awaihe. ³ Motokpa esili haluhania ngahe na woyangesi,ndenge ewai he mongena ngwa. ⁴ Motokpa ekela obe owola ngele,wobe wo wahi wofeti litenelia na ngele. ⁵ Ine,boliwi,Yesu akwesi wobe,ngehe eti na wobe ata imoi. ⁶ Moto kpa one etiola ngela etikela wobe,moto kpa ono ekela wobe etimweni na etimoliwi. ⁷ Wana wobe,moto atakosi enu,ono ekale wali ewai wali,ndenge ewai he mangone waali. ⁸ Ono okela wobe moto o osatana tina ine satana ekela wobe tee ofela mona o Aungu lita abebisi hasala la satana. ⁹ Moto kpa ono ewoti Aungu etikela wobe,lita tohuna to Aungu itioli ngahe na etikela wobe,lita ewotami na Aungu. ¹⁰ Ahande beliwa wo wana wa Aungu na wana wa satana,Moto ono etikela wali eti o Aungu,soo lisiha ono etiundi mambinahe. ¹¹ Ine we kpomeli enu felo na ine bokwe enu to felo,ine tundani esu na esu. ¹² Totawe hai kaina,etewa,mobe na etewala mambinahe,nambi eto mohola he lita hasala haye he tewa habe,hanehe mambinahe hetewa wali. ¹³ Botakamwe,babinawa,ee mohilimofete enu. ¹⁴ Toliwi ine tweti na ndole wohuwo na ndole okoli ela na ndole wune, na itina ine tunda wambinesu, one etiunda otiala na wohwa. ¹⁵ One etiundi mambinahe awai mowoli,woliwi ine mowoli eti na wiumi wo liwela na liwela ngahe. ¹⁶ Toliwi lundo, na ono akalia wumi owahe leta ileso,esu kau,tokali wuni owaiso lita li wambinaiso. ¹⁷ One u na milulu wi mohili,ee ene mambinahe ei nakamo,efunga motema,on ndenge lundo lo Aungu wo wai ngahe? ¹⁸ Wono wake, otunde na wokpomi na lolame,kamu na kasala na wosembo. ¹⁹ Aho toliwi ine towai na wosembo,tundambo metema angah, ²⁰ Ine metema emaiso metitisia esu, Aungu ewai mofi wolotoli metema emaiso,eliwi haita kpa. ²¹ Wundani,e metema emaiso metititisia esu,towai na winolisami felo e Aungu . ²² Mbi o kpa ine tolombe esu,tobwe ngahe,nati ine twita ngele iyahe na tokela hane hewai woli ane ewaingele iyohe ²³ Ane ewai ngele iyahe:ine toumoli esu na lina mona ohehe Yesu Kristo,tundana esu na esu,na ndenge ene ekpoma ngele. ²⁴ Ono eita ngele ewai na Aungu, na Aungu na he,toliwi ine etioli na esu na ndole e mwenda mone ekalihe esu