¹ Wana elei wake,ne sihela enu haita hane,lita line bato twe wai to wabe. oya moto omoi akela wobe,toisi na mokpomeli eleiso ise ngani i kaka,Yesu moumesi moto osembo. ² .Eisi moto one eheni mundo lita li wobe eleiso,eti kpo lita eleiso, na kamu hewu ehetuhu. ³ Aya tokomani Ngele elehe,oho toliyi na boinolisami ine toliyi. ⁴ Ono okpomi: Ne moliyi, eti komani ngele elehe,eisi moloho,na kamu wo sembo etinaye. ⁵ Moto ono ekomanisa liohi eleye,lundo lo oungu eisi na moto no ehi ngia: oho tolembeli ine towai nahe. ⁶ Moto ono ekpoma ine eya womesi isengi elehe,eyenda oyenanga he mangine. ⁷ Mundani,etisi ngeli efai ene ya sihela ngo enu, eisi ngele ene ya waumoha ene ehili enu na wobandi,ngele imelo nde eisi liohi ine enu. ⁸ Ino nde eisi ngele efai ene ya sihela ngo enu,eisi wali isengani eleino,lita line waito yayai kamu mua yafota ohala. ⁹ Moto ono okpoma ine eisi na mua efini mwenganena eleye, eisi euna na watio. ¹⁰ Moto one okpoma ine eundi mwenga nena eleye,eya wonesi na mua,etikoka bomokeli wobe. ¹¹ Kumu moto one hefini muenga nena eleye,eisi na wotio, ehenda na watio,etiyi isengani ene eya ye,litaline wotio ya bwa haiso elehe. ¹² Na mosihela, wana wake,wobe eleino ya mesehelena lita li lina elehe ¹³ Na mosihela,kaka,lita oliwi na wo bandi na mosihela, baengenga ,lita line woumi na mosihela wana wake,lita line boliwi kaka,na mosihela unemkaka,lita line diwi na wobandi. ¹⁴ Na mosihela ine,baengenga,lita line bowai wokpamu,tiana liohi li Aungu wonesi isengani eleino eleino, lita line bowoni na wa moto mobe. ¹⁵ Botaunde moili, na wima kpa ene eisi na moili moto eundi moite,lundo lo eti wambo nimo. ¹⁶ Litana line waito kpa bane beisi na moili, beisi na boinoli bo momito, boinoli haiso, mofeto bo boume,etilua ngi kaka,kamu na moili. ¹⁷ Moili eheta,na haita eleye pka, kamu moto one ekela kamwa e Aungu womesi liwela na liuela. ¹⁸ Wana wake,towayi na hekekani he tunga, lita bokwi ini moemaleli mo Kristo elua, sikena toisi na baemaleli ba Kristo ondje:lita limelo nde toliwi ine toisi na hekekani he tunga. ¹⁹ Baomoha na isengani eleiso, kamu beti eleiso, awake ine be wahi eleiso nga toyali nao isengani emoi, sikene emani ine beti eleiso. ²⁰ ohe, haina isengani emoto ono eisi ngia,awayi kamu na wolihi. ²¹ Na mosihela,eti isi ne otiliwi wosembo,kamu wolihi,lita line moloho somi nga imoi eti lua na wosembo. ²² Moto one eisi na mololo,eisi ono etihinola Yesu ine ewayi Kristo? moto melo monelela Kristo,eti inola kaka na mongo. ²³ Moto one eti inola mbo mongo iti na kaka, moto one elimesehela mongo eisi na kaka. ²⁴ Haita wane bokoi na wobondi iwaye nenu a haita hane bokoi na wobandi womesi esengani eino,botiala mbo ngi mongo na kaka. ²⁵ Lita wesembo ine okalia esu,eisi boumi eti na tunga. ²⁶ Na sihela enu,haita na waito wone Baye mwamba ²⁷ Liti ohe,nimoya tiala nohe,oti na kamu ine meti siwa a mofalesi,kamu wetami ya mofolesi haita kpa, isi kamu wosembo,itiwa moleho,tialela kpo noye na wotutai wofalesi ene ebwi enu. ²⁸ Sikene, wana wake,tialela kpo naye,lita line na boliwi elehe to towa na lipusani na kamu hola nelehe. oya boliwi hine ewai moto hosembo, bolihe in moto kpa ene ekelambo hosembo ehotami nahe.