¹ Tipoyi inda ani ima na ta baso kote? ti du pati wa ana gela ngbaya yongo ti foloni. ² Oni na gela he mu zanga ani mu? Oni hi kele yongo sigi, wa oni lingbanga nzeke du, oni ita bata ti baso, oni yelinga se zeke de, tipoyi oni na sianga Zegi du. ³ Bita oni na sia ti zege no za ngeli nga se du. Tipoyi oni na sian ti kele du; ni kungba ku ani hi ba bgeleka ngbaya yongo soni ni loni. ⁴ Oni iwi zegi, ya da wa de mudumu ka sungu na be kumba, oni ge hi ya ba hi yongo gigi medeme tu wa ani na ni Zegi? Ni mu hini yongo ali gigi sigi oda ni kele ani tipoyi Zegi. ⁵ O na kese kpati wa muyo? Zegi ni du ko ni kele sigi tipoyi honga mu ona kusu se ka kpoto ani nzo ani wa bakayongo akese ni kungba? ⁶ Wa muyo: Zegi za hu ngbaya yongo na ni ni yagba! Ti su agita mu kese mu yo: Zegi na zinda ambe kele yongo Wa muyo, O hu ngbaya yongo na ako mu zukemu he tiko. ⁷ Wa muyo: Oni hi molo ni Zegi, oni ita yongo sa Zegi ani ita yongo sa amba ma wa muyo kona hoto ani ni tutulu. ⁸ Ani sigi dudukpa na Zegi, wa muyo ona ga dudukpa na ani. Ani na ambe kele yongo, ani leke gona ga ani, ani ambe kele du, ani du ni du ani kili. ⁹ Ani yi kote ya ani na mbe ndila, ani bo bibili bongo ya gbo kusu gume na bomgili ani nzu, ani ita ba na nga, ani gbo, ani ita bakana ngoli ani bi ndila ani ni toni. ¹⁰ Ani zuku li oni katiko kozongo ani. ¹¹ Agumie, ani ga fuka luma niko nimu fuka luma bako mu ofuka yongo ndindilikpa mbiti se Zegi nimu fuka ya bosi na ko ni kele ni ona fuka ya ndila se Zegi ni kele. Na bati mu te o gini ona mbe dede ngbanga. ¹² Wa muyo zana hu ndila. pati ko su bate ngbanga, pati ko su lengbe ba kusu pati yo su be de ngbanga kulugba wa muyo no su na da? Tipoyi ni fuka kula boni kele ni? ¹³ Akula mu ani na ndagba oni ako na fuka: Ana gbo ani na mo ka kula te kili kana, ba sunga nzu gala kili bakana sungu nginza, wa muyo ani na yola nginza sigi. ¹⁴ Wa muyo ani ge hini du ngba ani na du wo. Ni bita, wa muyo ani pati wa ndumba mo bise mu kati da logbo ti hini la. ¹⁵ Ti lingbe ani fuka wa muyo: Zegi na hika te, ani du ni ngulu wa muyo ani na kana yongo nzu ana na ama. ¹⁶ Oni na ta du oni ni ha ha toni, ha ha mu soni nzu ti mu ngbe ga leke yongo. ¹⁷ Ni mu dumu hini mu ba kana ona ha ba kana, ana kpala yongo.