¹ Oni ambe ngbaya yongo, oni gbo ndila oni ka mbita nzo na ga ba dinga oni. ² Ngbaya yongo soni ti gbeleke na oya we libango soni. ³ Nginza soni ti da ni gbegbeleke ni bita, ti yugu ya kpotoni ni toni na ga ba gbeleka wa zoko se ni we, molo Zegi ta da dudukpa, wa muyo ani na ba ndumba nginza. ⁴ Ani ka ba pila ani na kana sungu na dege soni oni gini wa ako na kpala, gbnenge na ngulu nzu mo gini ka ha ako na gbo mu kate. ⁵ Sende mu ani lengbe na he nzu wa muyo ngbangba yongo na dika na boni. Oni na li sigi, oni da ni kpani ni bita, wa ga na sungula logbo mu ana ga hima ko mu. ⁶ Oni na de ngbanga ka ali ani mu dumu ngbaya du ako ba yina ako, aho ge na kana ndendelikpa li nzeke no ni ku. ⁷ Wa muyo agumi, oni bo du oni mbu na logbo a gbenge na ga mu te oni ba ga du oni ndege oni bango du oni kate, nilu dege ona bo du kabakita se mbu na molo se nzu. ⁸ Oni bo du oni oni du na ndendelikpa du ni kungba ku Zegi wala baga. ⁹ Agumie ni na ani o yita ba gboni yongo mu a bosina na ako na kana mu niko, tipoyi Zegi hunga kele yongo nzeke no ni ku, ni kungba ku bade ngbanga dudukpa na ani, ti wala dudukpa oga. ¹⁰ Agumie: oni do kutu yongo mudumu aba yugu mbiti na yongo na go mu na fuka mu mbita: Wa ako go mu na bo du ako ni ndila ako na go na bi mu. ¹¹ Ani ya ako ya oko ambe ngbaya yongo, tipoyi ndendelikpa bobo du ako,oni za gini na logbo Job ana bo duko mu na ndagba ndila, wa a zegi leke yongo mu sako ni kungba ku Zegi na hina ani sako na bi ndila sako. ¹² Agumie ani, yongo mudumu ngulu ku na ndika oni ga yanga silika ti luma Zegi alegana sende no ha, ota yongo du wa ye kele oni ga duga silika tipoyi seko, oni poyi pati ya tipatiyo ti so ku, tipoyi Zegi denga etumbu noni du ¹³ Tiga du ya ni kili na ndagba oni na woka ni wokote? okpoli ni Zegi. Tiga du ya nikili ngbaya yongo oyambi ani Zegi. ¹⁴ Nikili du na woko te na ndagba oni ya a gbenge Zegi oga sambeli ka toni kulu ako ni kpani we luma gbenge Yesus. ¹⁵ Ti ga du gbogbo ni Zegi ti na du ni bita, ti gusu mbe woko te, Zegi ya gusu ko kpoto ko ya ngba, oni yita ko tipoyi ona kana ni kele yongo. ¹⁶ Wa muyo, na ndagba ani, ani kusu kili yongo oni kanamu ka ani gbo ni Zegi tipoyi aba mi hae oko gu, tini kugba ku ni mu na gbo mu ni Zegi ni bita tini ngulu na bongili Zegi. ¹⁷ Wa muyo: Eliya na du pati ni wani, ona kpoli ni Zegi na ngulu nzu tipoyi mami na nanga ka, tisu amami nanga mu na te mu nzu, gala ata ni yanga se. ¹⁸ Ti kutu se ona gita gbo ni Zegi, wa meyama na ali zo na ulo mami yana sigi kpoto sende ya fungu lindi. ¹⁹ Abo sima: Ni kili nandagba oni na inga gini ni bita, no ni kiya no gesi ko kati li gini ni ngbaya. ²⁰ Oni yini ya ni he mi na ambe kele yongo ti gbegbeleke gili ligini, o gusu ko, Zegi ya ita kele yongo sako, tina du ngenge wa yen kele.