¹ A gumie, oni hi poyi yesus oni gbenge oni ita basalaka bongili ani. ² Wa muyo nalogbo ana kpala ni gbenge ani iyo ya limi sako kili; bo ngbaya bango na bangi na beko kula moko na mbe ndila o bo kpatali bango. ³ Ni, malo nzu ana fuka ni ni mu bo bango ni ngbaya se: Ayagba ni moga sungu ti ngbaya bati Wa muyo ana poyi: na ambe ndila nolu ka zo mu ga sungu awo dumu na ti ndee! ⁴ Oni na kana wa muyo: oni hi ba salaka bongili ani mudumu ba kpala ni Zegi, oni da wa ba de ngbanga mu ona dese ni bibiki? ⁵ A gumie amu dumu wa ni bita: oni gini ngbangba: Zegi na saalaka oda? o salaka pati ani mudumu a mbe ndila.Ako na hi ika te ako na tisu Zegi na tini ngbaya yongo: Ako da ni ambe te sa ko o yugu na ko hi mu ni ko? ⁶ Oni na zinda ani mu dumu na ambe ndila, ako su zinda ani mu, na songola ani ka ngbangba nzu wa mudumu oni songoli ambe dede ngbanga? ⁷ Ani mumu dumu na faka luma gbenge tisu? ⁸ Ndendelikpa mbita na ngunguluku mbita nzu mo yini kula bo wa mo na yina niko oni ka na wa muyo ti lengbe oni kana ngbaya yongo. ⁹ Na du ya oni na salaka kpokpu ani ani na kana kele yongo wa muyo ndendelikpa abite fuka yo oni gini aga kpolo Zegi du. ¹⁰ Ni bita, ata no wa biti yongo nzu, no ni iwi mu kili yongo gbegbeleke. ¹¹ Na kungba Zegi poyi ya: No na donga molo ka, no hininga nika, ti ya nona donga molo du nona himi ni ani ha yongo nzu gbeleke. ¹² Oni ba du oni ni ngbangba: ndendelikpa mbiti sa Zegi ka no ni kele gonaga. Ti su oni kana ndendelikpa mbiti mu fuka, yongo mu nzu oni na fuka na kana se mu, ni kungba ku gonaga ba sioni na yongo mu oni kana mu wa bi pati ndika. ¹³ Ni mu kamu ka bi ndila sa aba ako, Zegi oge na bi ndila du ko mudumu na bi ako ni ndila oga gunde nga ka. Na logbo mu Zegi na ga mu te sambisi ani. ¹⁴ Agumie, mi na kana sungu tipoyi bibili du tipoyi ye ona ga ba bapaya yo oni bili du ko? Bibili du wa mu yo o gunga na bese du? ¹⁵ Wa muyo kulabo bili zanga bango na liga. ¹⁶ Ni kili na ndagba ko na po yini ko. mo bo bango zeela bango ba liliga, oni na fuka wa muyooni hu nga liga wa muyo o du na hala se du kpo oni na du na go ni kungba. ¹⁷ Ani kili tipoyi bibili du sako na kana sungu mu ya bibili du bibili du sako ni kungba. ¹⁸ Ni kili lengbe paya ama: A hula mu oni sigi na hitiko tipoyi hi hi Zegi ama na sungu. Ni mu poya wa muyo: mi na Gasa ni ko: Mo yugu ndege ni lengbe ba hini Zegi, ko na kana sungu we Zegi ku wa no yo mi za woga no ndenge ni na kana sungu se Zegi. ¹⁹ No na hi Zeke kate we Zegi o pati kili o fuka ni ngbangba kele ambasina na hiko te ako na gunde yongo nzu. ²⁰ Mo tanda na lio ku moyi ni yugo no gumu mu sanga sungu ti ni kungba? ²¹ Wa titani Abraham na du mbe ndata na bongili Zegi? Tipoyi sungu sako ku tini kungba aka na gbalago ti poyi ozoko bosi ko ni Zegi. Luma ko Isaac? ²² Mo bi? sungu sako na go na yuga bibili du sako. Zo iyo na go na no gini kili. ²³ Tisu akese wa muyo: Abraham ga hi molo ti Zegi, tisu Zegi zeli ko,wa bita sako tipoyi bibili du ko ni bita wa muyo a henge ba ya ko hula ba Zegi. ²⁴ Oni la, oni ya da ni ngbaya na bongili Zegi tipoyi sungu sako ongo tipoyi bibili duku. ²⁵ Gini kili ta poyi de mu Rahab, de do do molo na Jéricho! Ti na ge du tipoyi sungu sako mu tisu oda mbe bita yongo na bongili Zegi? Ni kungba ku, o aya ako na tipoyi ota bita na gesi mo no gini nike ya. ²⁶ Tini bita ni mu du sungu mu honga du o kpi, tisu wa muyo ni mu bila du ka bati kili na sungu.