¹ misakatoni ambe tesa Zegi dumu na kpat mu na te nzu. Mi Jacques, mbe sungu sa Zegi na Yésus mi timi mbita noni . ² Agumie wameama ka woko te na ga batika toni oni ga tunga ka. ³ Ni kungba ku na logbo ndila oni bo du ani tisu ani na lengba ba bo du oni. ⁴ Wa ona ina ba bo du oni ona lengbe ni yongo nzu, oni ge na zangi he kili ku. ⁵ Singa nikili na ndagba oni zanga ndata, o bgo ni Zegi, Zegi na hu niko, mi kungba ko na gawa ngbaya yongo sako na ani nzu ni tuko ni ngbaya na ani zezele. ⁶ O hu na bako ti baba du ni ngbangba ha ti sona ngba ku, ni mu na sona ngba zeke ko du wa ndigi mu dumu yagba ndigi a yugu na ya zeke te na ke Zegi nzo. ⁷ Tungo timu ya koyo oge lengbe ba dinga he kili na be Zegi du. ⁸ Ko su mbe du iyo ova bila du ko na ulu nzu. ⁹ Ni mu dunga ni na he Zegi ku ota du ko tipoyi oda ni mbe yagba yongo. ¹⁰ Agumi mudumu na ngbangba yongo ota du ko tipoi ngbaya yongo sako dani kungba yongo ni kungba ku ni ngbaya yongo ona kpikpi ya gume sa Zegi. ¹¹ Ule ya kulu ya du ni ndendelikpa zegi; na mu yo ule ya wugu, bati lindi semu ya tingba ngbaya se mu ya yesi, wa mu yo su ambe nganga li na kpi zeke na be he sako. ¹² Ngbanya yongo sani ni mu bo du ko na logbo ndila, ko du wa ni mudumu nyeli na na base nyali, Zegi na hi he na ani ko ona hida oni mu ko te, na hi mu niko. ¹³ Logbo mu, oni na ga ba bi ndila ta aga poyinga ya ze su hu ndila ni koku. Ni kungba ku: Zegi hinga ku le yongo ata bati kili ku, ko na hinga nga ani du. ¹⁵ Mi na go ba do kutu gbenge ke yongo mu, tisu na kusa kele yongo, kele yongo na de sigi na kusa kulugba. ¹⁶ b A bosi gumi oni ga ndegi nga ka. ¹⁷ Ngbaya yongo mu nzu na mu lengbe va gamu ali zo sa Zegi zo, Ni mu hu mu ka ule diwi na bakele okpati ho su kula ani na boli ko ku, sako zo timeama wani ti sako zo ku. ¹⁸ ko hu ngulu na ni na vogo se awe dume oyi ya kpolo sako we bita. Pati ko kili hi ba hu bati na ni bita, na ndagba sa he mo ko kana mu nzu. ¹⁹ A bosi gumie, oni ba du oni ka ni yongo mu, ni nzu mu dega tuku mu, ona ba du wo zeke ngba bita ba fuka, du ko yoko nga zeke inya du. ²⁰ Ni kungba ku ni mudumu na zinga sigi oge na kana ngbaya yongo na bongili Zegi ku. ²¹ Tisu oni itA kele yongo mu na ngbeleka du mu yongo nzu, na wiya ita hihi toni na bongili oni, oni hi kpolo ko ni du ani hita, ti su lengbe bagu soni. ²² oni ga ndengi nga ka, oni kana wa kpolo Zegi na tima, oni ga gini nga se yawu yawu ka. ²³ Tini kungba ku mumu naa gina kpolo Zegi mu ti ya wa ya, okana nzeke wa kpolo Zegi na fukaa nga olengbe na ni mu bitiko mu na ngulu ona bi bongili hilo. ²⁴ Ayo odingi su ona i wi ndenge mu o biti mu na ngulu. ²⁵ Kpati ndendelikpa mbiti we Zegi na ka na ako ita ba ta ka ali, mi na bise mu ni ngbangba na ba du ku kate, osi wi nge se nzeke du ona gina se ma ma du ko kate, ni mu na ngbaya yongo tipoyi yongo ana kana mu. ²⁶ Ni mu du mu poyi ya a gbo na Zegi o ge hini ba banda gbo ko du, ana ndanga tiko ni nitiko, oni gbo ni kungba ti ge na kana he kili ku. ²⁷ Gbo gbo ni Zegi ni bita yongo ti ha, ba hu he na bosi yahule na nduge logbo mu te ako na dinga ndila nite Zegi mo na banda to ti kele yongo na mokili medeme.