¹ Ni bita wa oni du ni abosi gumi sa Zegi, oni gele ba kana wa ako. ² Oni yiyi toni wa klisto yi no ni: O hu kpoto ko tipoyi ani: O hu tiko ni Zegi wa ( libonza) ngbaya fuo. ³ Yongo zala de ani na kumba be ani, na yongo ze kian kian, to kpesa, ge lengbe ya hu ni luma hein wa ti lenbge na a ba santu. ⁴ Tisu yo kele kpolo, molo mudumu amolo se teku, na kungba kpolo: yongo mu nzu ge lengbe du, ka oni gunda Zegi ni volonka. ⁵ Oni yini ni ngbangba ya, ni mu na zala ze ani, ni mu na kana yongo ze na mbe kpesa, age kpataka ba fuka ti gbenge sa klisto na Zegi ka, tipoyi odu wa ni mudumu na gunda yanga. ⁶ Ni kili ga ndegi nga oni ka, ni kungba kpolo: tipoyi yongo ndunga sa Zegi na ti ka ali ani mu ka ba gina ko. ⁷ Ga undu nga na ako ata dan ku. ⁸ Mba mba oni du na mbili, kasi wa meama, oni undu na gbenge, oni za kiwa imala. Tisu oni du na kana ga sa a bosi imala. ⁹ Abosi imala na kana ngbaya yongo ni bita. ¹⁰ Oni inya ba yina inda na hu mongo ni gbenge. ¹¹ oni ga undunga na ani mu na kana yongo ni gulugba na mbili, o songoli ako. ¹² Ni bita, baka ba fuka yongo mu ako za kana na ti okolo; Ti ni ze. ¹³ Kasi baka ana kusa kele yongo mu na imala na yugese hau. Tipoyi yongo nzu kulu ka Zegi ti imala. Tisu aza fuka ya: Mozingi, moni meama lami, mo lugu na ndagba ambe kulugba we sa klisto na ki tipoyi o. ¹⁵ Tisu oni gbe tu oni ni ngbangba na kanaga soni: Oni kana wa ambe ndata, wa a yauyau ka. ¹⁶ Ga kana ya alogbo ku nguluku ni kungba ka, tipoyi kele yongo du sigi Zegi no. ¹⁷ Tisu dumu oni ga yugu ga ka wa ni mu zanga ndata, kasi oni gele bayina nye a gbenge yi. ¹⁸ Oni ga sule nga pi ka, tipoyi ti za kusa kpati ngbundunga. Ka oni gele ba hi na elimo. ¹⁹ Oni kundu tipoyi baya biya, oya a biya kian kian mu elimo na yuga no ni, oni ya bia oni guda gbenge ti yongo nzu. ²⁰ Na logbo nzu, ti yongo mu nzu, oni gunda Zegi buba ti luma gbenge sani Yesu klisto. ²¹ Oni yugu tene ni yiyi ngongo tipioyi ba gunde klisto. ²² Ade yini kumba be ako wa ako na yini gbenge. ²³ Tipoyi kumba du ni li de ba klistu du ni li eklesia, kosu gusu eklesia ti kpoto sako. ²⁴ Adu yi na kumba be ako ti yongo nzu, wa eklezia za yini klisto. ²⁵ Oni na akumba oni yina na due boni wa klistu na yi eklezia o hu tiko tipoyi se. ²⁶ Na ti molose ya (o santisi se, o petoli se na ndigi batisimo), na kpoto lugu. ²⁷ Oyi ya bongili ko eklezia ti kiki ni ngbaya na imala, ti ga ndunga ni negili ka, na kula mu gbegbeleke yongo ka kasi ti du fu hi na bongili Zegi. ²⁸ Akumba oni yi dueboni kpati wa muyo wa kpoto akokili: ni mu na yida ko, oza yi tiko ni tako. ²⁹ Ni kili ku zindi kpoto ko, kasi ozi ona hu liga ni kpoto ko na ona banda se. ³⁰ Tipoyi oni sudu na dan dan koli kpoto ko. ³¹ Tisu dumu kumba na yita bako na ko, oya no ba sungu ko na dako bati kili na mula kian, ako iyo na da ani kili. ³² Tipoyi mu tini yagba e egi yongo mi fuka se tipoyi klisto na eklezia. ³³ Tisu na ndagba oni kumba kili kili o yi ni dako wa oni yi tiko kili, de hi oyini kumba beko.