¹ A gude, oni yi ngba aba vungu ti luma gbenge Yesu ni kungba ku ti su ni ngbangba. ² Diko we mbita o zeli ya ma fuka do, tise deme: oni hi yongo sa aboni na a noni. ³ Tipoyi odu na sesepeli na oyiba awa na sende. ⁴ Oni a buba, oni ita ba hu ndunga na abosi oni, wa muyo oni banda na du we hi hi poyini gbenge. ⁵ Oni o ndombi (ngba) oni gini ako mu du a gbenge soni awe sende, oni gunde ako na oni gi ako nzu na du kili, wa ana kana sungu na klisto. ⁶ Ti ga dunga ko na logbo mu ana bi oni, oni na gelenga ka ba sesepeli ani. Wa muyo oni gele ba kana yongo nzu Zegi himu wa ndunga(ngba) we klisto. ⁷ Oni kana sungu soni we a ndunga (ngba) na ngbaya du, wo oni na kana na Yesu klisto anga ani ku. ⁸ Oni ini ni ngbangba ani nzu ako du ambe ndunga (ngba) na mbasa ni mu gu. On nyola ngbaya yongo na be sa gbenge kati du wa sungu sako duni ngbangba. ⁹ Oni, a gbenge oni kana wa muyo tipoyi ambe ndunga soni oni yita ba ma du oni tipoyi ako, tipoyi oni ini ni ngbangba oni na ako nai nzu na du na ngbangba we ali zo ko ge na salaka bongili ani du. ¹⁰ Tipoyi ba nyasa se, oni gele ngulu soni na bati gbenge. Oni kana yongo Nzu na yagba ngulu sako. ¹¹ Wa tulubu o haka bundu sako. Oni hi oni di a bundu nzo Zegi hu se tipoyi zabolo ga ti no ni kuna ndata sako we gbegbeleke. ¹² Ni kungba ku oni gena na ta baso na ani ku, kati du na molimo ana ya se, "ngbenge we ali na sende" tisu du gbenge we sende mu bibili ani na ta baso na ambasina mu na ta bati nzu wa yugu. ¹³ Wa muyo oni zeli bundu nzu a Zegi hu a no ni. Wa muyo na logbo yongo mu nzu na ga ba ga ambe zizinda ani ako ge na lengba baba ani ku. Wa muyo oni na ta baso mbu na molo nzu. no oni na kana ni ngulu. ¹⁴ Wa muyo oni leke toni wa a tulubgu! Tulugbu ana bo gili na duma ko gili na duma oni su na kpolo we bita. Tulugbu na nzeke bongo wa imala tipoyi on hegi kpoto sako, bango mu na langba babanda oni tisu du bita yongo. ¹⁵ Tulugbu na kpoto ndo tipoyi o ta ni ngbaya : Wo ni du kpakpa tipoyi oni kpata ko fuka do we ngbaya du. na zola kulungbu vulon tipoyi o banda tiko na gbinga kulungbu soni su na yiy kpolo sa Yesu. Na logbo nzu ti gaba zo ngbinga tipoyi ti ki we, mumu na gbegbeleke oni na ba base. ¹⁷ Tulungbu na ma du ko nzeke na bango ngbaka we malo. Oni ma du oni tipoyi Zegi, kosu na ba gusa oni, tulugbu na ta baso pati mi mala, mala mudumu molimo santu hu no ni tisu kpolo sa Zegi. ¹⁸ Na ndagba yogo zu oni gbo pati ni Zegi, oni hamba ngbaya yongo kasa ko, wa molimo ya yugu no ni, oni ulu bongili oni na oni ge na mbilika ku. oni gbo ni Zegi tipoyi oni nzu ni Zegi. ¹⁹ Oni gbo ni ko tipoyi ni o yugu me ngbaya fuka do tipoyi ni lengbe bakana yongo nzu we ngbaya kpolo. ²⁰ Mi du mbe se anga ni du na ndagba kanga wa meama tisu yo oni gbo ni Zegi, tipoyi o hune ngulu ni fuka yongo wani yi ba kana. ²¹ A bosi gumie Tychike, mudumu na kana sungu gbenge na ngbaya du ona fuka no ni yongo se nzu tipoyi oni ini ni da wa inda. ²² Mi timi ko tipoyi oni, tipoyi o fuka no ni wa ani du, tipoyi o zololoso du soni. ²³ Zegi buba na gbenge ani Yesu klisto o hu gumi nzu ngbya du hi hi na ani na hili kpolo gbenge. ²⁴ Ngbaya yongo sa Zegi ti du na ali ani nzu na hi gbenge Yesu klisto na du ako kali ti na molo zo.