¹ Wa akisie ka hanga tipoyi gbenge, ni volonko oni: Oni du na kanaga mulengbe wa ani mu dumu a Zegi ya ako. ² Oni du na ngbaya du na ngbaya yongo, oni bo du oni ingesi tene ti gini gu Zegi. ³ Oni gele ba du kpati ti du oni kili,oni banda bati oni kili ti ngbaya yongo sa elimo. ⁴ Kpoti kpati kili, elimo kpati kili, wa eklezia kpati kili tipoyi Zegi su ya oni. ⁵ Gbenge kpati kili boyambi kpati kili; batisimo kili. ⁶ Zegi du kpati kili: ko buba sa ani nzu, odu gini kili na ani nzu na ti du ani nzu. ⁷ Kitika ni na ni na ndagba tani zeli ngalasia wa Yesu klisto umu niko. ⁸ Tisu dumu ake na mbiti ya: Ogbi ali zo,aka ani mu zeli ta ko hu makabo. ⁹ Ogbi kali zo wa Nye? Ti yugu ya mbita o zonlo mbuu na ti sende zo. ¹⁰ Mu zolo mu, kpati ko su gbi kali tipoyi oda ni gbenge we Zegi no nzu. ¹¹ Kosu hu na ani (makabo) loko amu adu apostol, akulamu ababi yongo Zegi ka mbita zo, amu aba kpataka amu aba yugu yongo sa Zegi. ¹² O leke a ba klisto, awi kana sungu aba yuyu yongo na ti molo se ya a wa kpoto klisto, ¹³ Mbuu ani nzu gini kili ani da kpa mi ni ni kili ti yiyi yongo na yiyini bosi Zegi, tisu ani sono mbu na logbo ani na ga na ayagba ani ti kutu se ani na da mbili mbili aba klisto. ¹⁴ Ti su ani ge adu ni dan gude bati iyo du, ani ge ayuka tani ti yugu ndigi du, oni ge pe ba yi du ya tunga yugu ti aka ani, yugu kpolo ani ge na kele ndata za gela ba ndaga ani, na ayiba no na ni ti gini zele. ¹⁵ Ani du na ambita ni, na ani yita ni, na mu, ani pe ba sona ti yongo nzu pe ani na da wa mudumu wa ni kosu na klisto. ¹⁶ Kosu nini mu na fuka na ani tipoyi abili du ako na kpolo ako nzu, mu na gbi tu lisungi na gini kulin nzu na ti molo se ya ati bo tu ti kpolo kili. Ti su bato dan kpoto kikili kikili na kana kpati wa muyo, kpoto nzu na gbi tu na tina sona ni yiyi ni yongo ni gumi. ¹⁷ Tisu dumu mi fuka no ni na ani volonko oni ti luma gbenge: oni yita kanaga agbegbeleke ani; ako na du kpati kele ndata sa ako kili ti kungba yongo. ¹⁸ Baba du sako dukpati na mbili zanga lugu Zegi tipoyi age yini kili ku na du ako da wa mbiza. ¹⁹ Ako ge agunde kele yongo b ati iyo ku aza hu t`ako ti kele sungu na aza gela na logbo nzu bakana gbegbeleke halan ti yongo (ndenge na ndenge). ²⁰ Kasi oni ge zeli ndata mudumu ku, na logbo ayugu no ni mbiti klisto. ²¹ Mi za ga due ya, ayugu noni kpolo klistu ni ngbangba, kpolo mu na yuga bita yongo sa Zegi. ²² Tisu oni yita bandi kana ga, oni egi bandi ni, mulengbe mu ba kpi tipoyi ona gela se sepeli gulugba. ²³ Oni bili baba du oni ati du kpatini baba du we Zegi. ²⁴ Oni du na kana ga nvogo ni, mu a Zegi kana kowa ko kili, ni bita yongo, ni(bosantu) ni bita. ²⁵ Tisu dumu oni yita ba kita zele. Ni na ni o fuka na kula bako bita yongo tipoyi. ²⁶ Bato oni na zinga ga tinga ti kele yongo ka, baka oni du ni ndunga, yulu ga da nga ka ali ndunga soni ka. ²⁷ Ga hu zabulu gini ku. ²⁸ Nimu dumu ni dikilon mbita, on yita dikilon, kasi oyi ba bi pasi ti bita sungu, tipoyi on hu hein ni ni mu we nzinga. ²⁹ Kele kpolo ga kulunga ka ngboni ka, oni fuka kpati ngbanya kpolo me pe hu ngulu na a kula boni na ba sungi amu na gina oni, wati lengbe. ³⁰ Oni ga kananga a elimo sa Zegi du ni ndila du: kosu du ni mbiti sa Zegi akese na du oni tipoyi a yini oni ti ule we gusu. ³¹ Na ndagba oni yo du oni egi yongo mu ni yiyi, ndunga, kele du, ungo, sesenge la na kele ndata kian kian. ³² Oni yugu toni ti bita ngumi, oni amba toni, a bidigi kele yongo na ndagba toni tipoyi klisto