1 Tisu dumu mi Polo, tipoyi klisto a zelie ka kanga tipoyi oni a kele ani... 2 Mi ba due ya oni nyesi ba gina ndende we a Zegi gaun ne ngalasia mu tipoyi ngbanya yongo soni. 3 Oni yini ya masuma mu ni bi ti du ni eegi yongo sako, wa mi fuka moni na ndagba mbiti. 4 Baka oni ge mbiti se, Oni na bi ya mi yini molo e egi yongo mu ti klisto. 5 Na bandi logbo Zegi ge fuka se na ani ku, wa meama elimo su ni mumu fuka na aba postolu na ababi yongo sa Zegi ka mbita zo ya. 6 Akele ani hi ada basa ngoli ali sango kpati kili, ako da ni dan dan kpoto kili, azelei ti ngbaya yongo kida kpati kili, Zegi kida ako na fufuka ngbaya yongo ti klistu Yesu. Ti ngulu sako, Zegi hune ngalasia kana gami da ni ba fuka ngbaya kpolo mu. 8 O hune suka ni, na ndagba ba santu, ngalasia mu we fufuka na akele ani yongo we gbenge sa klisto. 9 Mi fuka na ako mbili mbili ya Zegi su na ba duko ti e egi yongo me: Bandi mbamba o egi muti duko bakana a hein nzu. 10 Ti su wa meama, tisungu sa Eklezia na kana mu, bili mo nzu kali zo ti du ni gbenge na ngulu ba yina ndata sa Zegi ni suka ku. 11 Yongo mu okida mu na ani mbamba o lengbese tipoyi gbenge sani Yesu klisto. 12 Wa ani yambi klisto, ani ge pe ba gunde du, ani nyeli gini ba da dudukpa na Zegi. 13 Tisu ni volonko oni, oni du ni ngulu, wa mi du na kanga awe na dinga tipoyi oni, dinga mu se, tisu ni gonda soni. 14 Tisu dumu mi zuku ti bongili buba; 15 Ali zo na senge no azaya ni " buba" kpati tipoyi ko. 16 Kosu ni yagba ni agonda lengbe mu niko, na elimo sako o hu noni ngulu na ti molo se ya a ngalasia sako ti sono na ti du oni. 17 Klisto o sungu ti du oni Tipoyi yiyini kpolo ze. Gumi na ndagba oni ati ngbi tu nandagba du oni. 18 Tisu, na agumi nzu gini kili ayini gbangata, yagba, ali zo, na sende no ti gumi sa klisto; 19 Oni na yina ya gumi mu aklisto na yi amuka te ti nguluku yongo mudumu nzu ani pe muba yina, oni enge ba yi na yongo mu nzu we Zegi na Yesu klisto. 20 Ti ngulu mu ona kana mu katani, o pe ba kana yongo nzu ngulu ku mu ani pe ba kana to babadu. 21 Gonda sako ti eklezia na klisto gini kili ti te nzu, ti ule nzu ti su yo.