¹ Oni kpi tipoyi gbegbele yongo sona ina kele yongo soni. ² Oni go na fuka bandi mbamba, na logbo oni go na gela yongo sende me: Oni go na do ti kutu gbenge sa a kele molimo, mu ga mu na gbisa kele sungu sako we bebege ani ba ka ba gina. ³ Ani nzu dukpa ti wa ako: ani go na do ti kutu halan kpoto: ani du na dombi halan kpoto na gbegbeleke babadu, a vungu ani wa bosi Zegi, ozingi na ani wa akula amu ani kiya. ⁴ Ka Zegi ni ngulu sako, ona yi ani ti yagba gulu. ⁵ Bato ni kpi tipoyi kele yongo sani, Zegi gasi ani ti lugu gini kili na klisto, ni bita oni lengbe tipoyi galasia sako. 6 Zegi mo gusu ali ani gini kili na klisto na on sungu su ani na klisto gini kili ali zo. ⁷ Ti gbaya yongo okana mu na ani ti klisto Yesu, oyi ba yuga nani na logbo mu na gamu yagba galasia sako. ⁸ Ni bita wa oni yambi, oni gu kpati tipoyi ngalasia ko gugu oni ti ge ga tipoyi oni du, kasi Zegi su hu se no ni. ⁹ Gugu ge ga hi ti sungu soni ku: Ni kili ku pe ba gunda tiko. ¹⁰ Ni bita Zegi kana ani ti klisto Yesu na ti molo se ya ani kusu ngbaya sungu mu ko kili o sengi mu na ni. ¹¹ Oni ba du oni ya mbita oni du na akele ni, amu age yele kpoto ako du; amu a yele kpoto ako mu gona ya ani ti luma mu. ¹² Oni ba du oni ya na logbo mu oni kpala tene ni klisto( Mesiya), oni du na ani we te mu Isirael ku, oni ge yini gumi ku Zegi su de gumi mu okida oni ti logbo sako: Awe na sende no oni ge du ni babadu ku, na Zegi hi ku. ¹³ Kitika gini kili na klisto, oni na ani mu du ni tutulu ni Zegi, oni da dudukpa tipoyi ule sa Klisto. ¹⁴ Kosu ni nimu hu na ni zezele du, kosu kana ya ani da na mbe te kili, kiti lopangon mu na kpala na ndagba tani, ti kulugba sako, oyi yini akeleni. ¹⁵ Nandika mitindo nzu we ndika. Ga zezele du na ni; oma ani iyo, akele ni,na Yuda vongo ani na ko gini kili. ¹⁶ Na kuluse oyimi akele ani, gasi gumi Zegi gasi hundu ani ti kpoto so kili. ¹⁷ Ogaba fuka ngbaya kpolo na zezele du sinya katoni na ani mudumu ni tutulu na amu dumu dudukpa. ¹⁸ Tini bita tipoyi ko, ani iyo nyeli elimo kpati kili ti gini ani da dudukpa na ko buba. ¹⁹ Tisu dumu oni bati iyo agino to ani mu ga na mula kiya du, on su du na bosi te sa aba klisto gini kili ambe gumi sa Zegi. ²⁰ Oni duma mu awa se mu na li mbiza, mbiza mu su na aba postolo na ababi yongo Zegi kambita zo; Yesu klisto kili ni mbiza, tingili mbiza mu na aka duma nzu. ²¹ Kosu na kana ya dumu na kana ya a duma du ni nyenyeki tipoyi oma se tampele esantu we Gbenge. ²² Oni hi oni wa na klisto gini kili, na timolo se ya oni da ni duma sa Zegi ti elimo santu.