¹ Tina du ni bita yan oni sekui na klisto gini kili, oni gele yongo ali zo, na bati klisto sungu nako be sa Zegi. ² Oni ba du ani ti yongo mu du kali zo, we sende no ka. ³ Tipoyi oza kpi tegi su egi lugu ni wa meama na klisto gini kili. ⁴ Ko klisto o du na lugu soni; ti ule mu ona bi oni, oni na bi gunda sako gini kili. ⁵ Tisu oni yimi ti kpoto soni kele yongo dumu ka sende ne: yiyi kumba be ani na dueba ani, yongo ze, na pa gela hein sa ani wa wo, hala kele yongo na kpesa lengbe mu ba zuka kali bi beko. ⁷ Yongo mu nzu na do zinga sa Zegi. ⁸ Kasi wa meama oni ba yongo mu nzu: singa gbegbeleke kanaga, sesenge la, kele kpolo, yongo mu nzu ge pe ba kula na ngba ni zo ku. ⁹ Oni kiti zele na ndagba oni zo ku. oni yi bandi ni na sungu sako nzu. ¹⁰ Oni bo " vongoni", mu na gela ngbaya ndata ni bita, ona leka tiko na logbo nzu tipoyi oda ni elingi we ba kana k. ¹¹ Tiso, wa meama ani ge ndege bati iyo du: Mo muda na mo pagano ni mu yele kila ko, na mu ge mumudu, nigo ge mbiti du na nimu ge mbiti, andombi na ambe nginza, ako nzu dukpati ni mu kili, kpati klisto dumu nzu ndagba ani nzu. ¹² Tisu oni, loko a Zegi, oni na ngbaya ani abosi ni gumi, odu na zezele du, na ngbaya du, ba yina bobo du. ¹³ Tina du yani kili Zeli yongo sa kutu bako oni yita: Gbenge limbisi oni, oni hi oni ka kpati we muyo. ¹⁴ Kasi mbita oyi na ndagba toni, oni undu ti duma kili. ¹⁵ Nganya yo klisto ati hi ti du oni; Zegi, ya oni tipoyi odu ni gumi undu oni ti kpoto kili oni gunda ko! ¹⁶ Kpolo klistu ati hi ti du oni: oni yugu toni na oni zingi toni na oni zingi ngbaya ndata. Oni ya biya ni Zegi we gonda, na kula biya ambisimo Zegi na yuga noni; oya biya ti du oni mobimba. ¹⁷ Ata oni na fuka nye, ata oni na kana nye, oni kana yongo nzu kpati luma ko gbenge Yesu nako oni gonda Zegi buba! ¹⁸ Adu o tosi akumba boni,we ti lengbe na bongili gbenge. ¹⁹ Akumba, oni yi adueboni, ga singi na ako ka. ²⁰ Agude otosi a ba boti soni niti yongo sungu, tisu na sepelisi gbenge. ²¹ A ba boti oga kana abosi oni kana molose ya ago mbiliki ngaka. ²² A ndombi on tosi a gbenge soni awe ka sende, ti yongo nzu ga tosi nga a ha ti bongili ako ka wati na kana ani mu na gela gonda ka sa ani, kasi on tosi ako ni zeze du. Tipoyi ba gude yagba gbenge. ²³ Ata oni na ka sungu da on sungu ni du oni kili, wa oni na kana sungu ni gbenge ani ku. ²⁴ Oni yini ya gbenge na hu no ni ngbaya yongo: Oni na fuka ngbaya yongo mu buba egi na abosi ko okana na gbenge klisto. ²⁵ Ni mu na kana gbegbeleke yongo ana gasa hiko gbegbeleke yongo Zegi ne gele nzu nzeke gumi ani ku.