¹ Ni yi oni yini ya miza do vula tipoyi oni, na tipoyi a mumu dumu na laodikia, na kula amu ni kiyan sigi ge bie mu na bongili ako du. ² Tisu adu ako ti ndendelikpa ayi tala na ndagba ako ti du ako kili, ape ba yini eyi yongo Zegi, tisu klisto. ³ Ti du ko a hein nzu na ndata na iyi yongo gbu ka zo. ⁴ Mi fuka no ni tipoyi ni kili ga ndanginga oni ka na fuka do na gbegbeleke ndata. ⁵ Ata mi ni tutulu na oni, due du kasoni zo, ni gumi ni biya oni gini tene ne nzeke tene ni ngbangba, oni loko yiyi yongo klisto. ⁶ Wa oni yi klisto Yesu wa gbenge, oni pe bata niko gini kili. ⁷ Okpa toni niko wa tala ngula kpati sende, wa duma awa kali mbinza; oni kisi toni ni yiyi toni ti ngbangba yongo wa ayuga noni, na logbo nzu oni gunda Zegi. ⁸ Oni ndenge toni nikili ga gasi nga oni bati beko ka, aga ndengi na oni kati kpolo ndata mu nzu ga kpati na ani, ti ge ga ni Zegi ku. ⁹ Ti kpoto we klisto Zegi sungu ni gbenge sako nzu. ¹⁰ oni hi zeli ngbaya yongo mu tipoyi oni du gini kili na mu du ni gbenge we mbisimo nzu we gonda na ngulu. 11 Oni ge du na ngbaya ani ku, ayele kilan oni, ti be ani ku: Klistu su leke oni wa ofuka noni yongo kpoto nzu. ¹² Na batisino oni du na li sende gini kili klisto, o sekui nako gini kili, tipoyi, o yiyi ngulu Zegi sekuisi ko na ndagba ambe kulugba. ¹³ Oni kpi tipoyi gbegbeleke yongo soni na kpo ni age yele semu du Zegi su sekuisi oni na bosi ko gini kili! Limbisi ani ti kele yongo ni nzu. ¹⁴ Ani du na se tipoyi ndika ani ka ba gina kasi osili mbiti mu go na ba ani, bakise ti kuluse. ¹⁵ Gbula mbisimo we gunda na we ngulu se okana yati dumu Ze ti bongi ani nzu, yelise na kuluse. ¹⁶ Ni tisu nikili ga yuku nga oni ka ti yongo liga na ndigi mbimbili, mu bi la inga, we nvogo diwi na we sabato. ¹⁷ Yongo mu nzu ti du wa lilingi sa ni kili mu fuka mu ya ozaga: ni mu su na Klistu. ¹⁸ NI kili ga zoloso nga ani ka oni go na gunda toni ti yongo ze, ana volonka ata ona babadu ti yongo gali aka na masuma, hikpatini kungba yongo zaba du ako tiyo kpoto. ¹⁹ Akpati klisto ya se na hu liga ti kpoto nzu; kosu na unda ndangbili na kusa, a kpoto nzu sono, Na Zegi. ²⁰ Ti na dunga oni kpi gini kili na clisto na oni go na ti dombi yongo Zegi no, tipoyi nye oni yika te ya a hu no ni ndika wa ani mu geyite yongo sende du. ²¹ Ga dinga ka, ga linga ka, ga zeli nga ka " ²² Mu nzu bi kpati hein mu be pa kpikpi mu omolo kpati kaka na sungu sa ani ti ndika yugu mbiti sa ani. ²³ Fukado mu, sangu mo na bi se, mo pe baba du ya tini fukado ndata tipoyi ba ngunda Zegi dudu na molo na bebege kpoto; kitika ti du ni kungba, ti pe kpati ba hu mongo ti kpoto.