¹ Ayagba ani, oni gele yongo adombi soni ni ngbangba. Oni yini ya oni hi na mbe oni ali zo. ² Oni ma ngulu ti volonka oni banda na gonda Zegi. ³ Oni volonka hi ka tani: Zegi hu na ni gini fufuka ngbaya yongo abosi ko klistu egi mu ka tani, tipoyi ko azeli ka kanga wa meama. ⁴ Tisu mi hini kpolo da mi pe bayuga. ⁵ Oni du na ndata na tesa keleni: ya kana ga a logbo nguluku ni kungba ka. ⁶ T i fukado na kula aboni oni yugusu zezele du ga manga eme ka tisi oni gasi na na ni na ni mu lengbe. ⁷ Wongo nzu biye, tisi ko a fuka no ni. Koni kula bani ni gumi, oni bita mbe sungu na kula be mbe sungu gbenge. ⁸ Mi timi ko o fuka no ni sambo sani o lendisi du oni. ⁹ Na ko gini kili ni tini olenzi mo bita gumi ko ni ni soni. Ana fuka no ni yongo nzu na nguluka mu awe. ¹⁰ Aristarque, Kula be na kanga awe, sinya katoni, na gumi Marko, na gumi Barnabas. ani yesi ba fuka no ni o yambi ko na logbo mu ona ga ka soni zo. ¹¹ Yesu hein, mu aya ku mu ya klisto we aba yuda, a mumu dumu ni aba klisto kpati ako ata na fuka na mi gini kili, tipoyi gbenge sa Zegi; a volonkoe sigi. ¹² Epaphrases, su ni mbe ke kili na oni, sinya katoni. Mbe sungo Klisto Yesu o ge mbiliki ba volonka Zegi tipoyi oni na logbo nzu, ti molo se ya oni gbi toni ti gini Zegi na oni yi ba kamu a Zegi yika te. ¹³ Ni bita miza biya. ona dinga tipoyi oni, na tipoyi ambe Laodicéa na ambe Hiérapolis. ¹⁴ Luka mbe i ba bi wokote ni gumi na Damas sianya katoni. ¹⁵ Oni sianya kati ambe Laodicée na Nymphas na amu na yuga kpolo Zegi kasa ko. ¹⁶ Sanga oni na nyasa gege mbiti me kasoni oni kana ya age se na duma Zegi Laodicéa zo. Oni hin oni gese. ¹⁷ Oni fuka na Archippe: Oma duko ti sungu a gbenge humu niko, mo enge ba yuga se ni ngbangba. ⁸ Gelesinya kato ani Paul Kese mu. Oni ga iwinga ha ya mi na kanga awe! Galasia Zegi du no ni!