¹ Mo yini ngbangba ya ti sako ule kele yongo na tikali ani. ² Na logbo mu ani zali gela kpati ngbangba yongo sa ako kili, ana du ni kpesa nginza, ani du ni agbegbeleke yongo na gbegbeleke kanaga, ana fuka luma sa aba ko, ana zinga na aba vungu ako age pe ba hu malo na akula a bako du tipoyi ngbaya yongo ako zeli, ana gbelesa ngbaya hein ti duma zegi. ³ Gumita ako ku, ndila kata ko tipoyi amu ni kiya ku, ana kita zele kali aba ko,ana zinga, na zinda ngbaya yongo. ⁴ Ana songoli akula aba ko, zele na ani ako ku, ana hi na kele yongo(lolendo) , ana tati yongo ze na zaka Zegi. ⁵ Aza gela ba yuga na ako ya wa abosi Zegi, kasi azaka ngulu sako we bita semu ako nzu, mo oto ako. ⁶ Ti gini ako mo ge na amu na li na ti duma sa ani tipoyi bamga de mu dumu a ndata du nga neli ako te ku, aza tenga kungba kele yongo sa ako na hala kakana gbegbeleke yongo kian kian. ⁷ Bato aza ge mbiti na ule nzu, age yi bita kpolo na ule kili ku. ⁸ Wa Jannes na Jambres zili na du ti Moise, ako hi na ka bita kpolo, du ako gbeleke boyambi na du ako zo ku. ⁹ Kitika ague ano ni tutulu ku,kele yongo sa ako yugu ti bongili ani nzu, wa ani me iyo. ¹⁰ Kasi mo do ti kutu yuga yongo se, kanaga se, mokano se, boyambi na gumi se, mona bo duo, mo kekembe ti yongo wa mi. ¹¹ na lobgo dinga na woko te, wa titikali ti Antioche, Icone, na Lystre zo nyokolie sigi? Kasi gbenge su gusue ti dinga mu nzu. ¹² Ni bita, ani nzu yiba do ti kutu Yesu klisto ti du ako kili aza ndinga. ¹³ Kasi akele ani na ambe zele na gbisa kpati gbegbeleke yongo sa ako ka mbita zo, awo ako na kita zele kali kula amu ani, na ana kita zele kali ako kili. ¹⁴ Kasi mo, mo egi kpolo mu mi yugu mu no, mo yini yongo mu nzu tini bita kpolo, mo yini ya ada su yugu se no. ¹⁵ Bandi gude moyini mbiti misantu pe ba hu ndata na ti molo se ya mo muya tipoyi boyambi klisto yezu. ¹⁶ Mbiti mu nzu ake se ti ngulu sa Zegi ti pe ba yuga, ba zinga ba leka na ba sonosa ni na ndagba bita yongo. ¹⁷ Ti su mbe zegi na lengba ni ngbangba tipoyi ope ba kana ni ngbaya yongo.