¹ Na bongili Zegi na klisto Yesu mu na ke ngbanga sa ani mu dumu na lugu na amu kpi mu ni voloko oti luma mu na ga na ona zala gbenge. ² Mo fuka yugu kpolo, moyugu se ni ndende ga kotonga ka, monyesi zele mozingi na mokembe ni ngbinbgi, ga mbiliki nga ka, ti Baba due we yuyugu ako. ³ Tipoyi na logbo mu na ga mu age a yini bita kpolo bati iyo ku. Kasi ako na doti Baba du sa ako kili na ana noka aba yugu sigi amu na yuga yongo mu na mongo sa ako. ⁴ oni ka ba yina bita kpolo na oni ma tu oni ti fuka do gi dibe ni kungba. ⁵ Kasi mo, modu ni keba, ti yongo me, moyiba dinga mo fuka ngbaya kpolo, mo hu to zu ti sungu a hu mu no. ⁶ Kulin se zaga ba wika ha hein ti keze Zegi, logbo kulugba se lengbe. ⁷ mi do vula ni ngbangba mbu na molozo, mi nyesi sungu ati mie mute, mi ge gbeleke yiyi yongo se du. ⁸ Wa meama a leke ne bangon mbaka ni bita, gbenge na bofogue se ti ule ana ga, ko ba de ngbanga ni bita na bofoge na si ani nzu za sungu da ko ni gumi ti ule mu ona yuga tu. ⁹ Mokana ngulu, mo ga ka se no. ¹⁰ Tipoyi Démas ni te no ti kutu yongo sende me, no ka Thessalonike, Crescens no na Galatie, na Titono na Damatie. ¹¹ Kpati Luka su nye na mi awe mo zeli moko, moga moga niko gini kili, tipoyi obe ba samba e ni ngbangba ti sungu. ¹² Mi nyesi mi ba ti ma Tychike na ti Ephese. ¹³ Na logbo mo na ga, mozeli bongo mbaka se mi yita na duma sa Carpus o Troas moga hi ni buku na mbiti akana se kpoto nya. ¹⁴ Alexandre, bala a mala kana gbegbe yo ge sigi. A gbenge gasi niko kele yongo sako akana mu ne. ¹⁵ Mo hi mo gbe tuo kati ko, ni kungba ku oda yuga yongo Zegi ni duko kili. ¹⁶ Ti ule mu a de ngbanga mu se mbita nikili ge samba e du, ani nzu otoe! o zegi iwi yo no sako. ¹⁷ Kasi a gbenge ko kili kana yane na kembe tipoyi na ngbe zo angbaya yongo kpataka na te sa kele ani nzu ako gini se mi gu na ngba ngbe ngulu. ¹⁸ gbe na aga e ti kele yongo mu nzu, ona gu se na ona limi se ti gbenge sako kali zo a hu malo ti ule nzu tisu yo! ¹⁹ Mosinya kati Prisca, na Aquilas,na ani. na kanga sa Onésiphore. ²⁰ Érasto ne na Corinthe na logbo mu minye na Trophime o Milet du na woka. ²¹ Mokana ngulu tipoyi moda awe mbita logbe ziala. Eubulus, Pudens, Linus, Claudia, ns akula ni nzu siankato. ²² Gbenge du na mo! ngalasia ati du noni nzu.