1 Ti du ya na ndagba ambe te, a gbegbeleke Propheta, na ndagba oni ti du a gbegbeleke ba bi wokote s`ani ako za limisa a gbegbeleke yongo na za tima ba kani mu gusu ako na ndagba gbegbeleke yongo. 2 Ambe sigi no ga ti kutu ako. Oni pe ba bi gini bita yongo ku tipoyi ako. 3 Wa ako du bili ni kpesa nginza, ako za enga ba ndengio tipoyi ako zeli a he so. Kasi Zegi ge na la nzeke du oka sese kulugba na ko. 4 Tipoyi, Zegi ge egi a anzelu kana gbegbeleke yongo ku. O tini ako na bibili la. 5 Singa oge egi bandi Zegi no ku, kasi singa o gusu Noé kona isibe ali iyi mbe yuga bita yongo. 6 Singa o gbelesa te we Sodomo na Gomorrhe tipoyi ba hu na kula mbe zele. 7 O gusu lote na ndagba gbegbeleke yongo sa agumi ko. 8 Li we bita ni mu na sunga na ndagba a kula ani na bila tipoyi a gbegbeleke yongo mu ko za gina. 9 A gbenge ini ba gusa a bita ni; ba ega a keleni tipoyi de de ngbanga. 10 Ani mu za ta ti kutu kpoto, ako su za senga a gunda. Akombi li ni wiya ako za senga "molimo" sa ani tipoyi dede ngbanga 11 Tipoyi a Anzelu ge na de yongo sako ku na bongili gbenge. 12 Kasi ani mumu za senge a Anzelu ako wa nya mu akana ko tipoyi ni zeli ko. Aka za kpi ti kutu a gbegbeleke yongo sako. 13 Ako na woka tipoyi a gbegbeleke yongo mu ako na kana. ako du na se sepeli tipoyi ba lengbesa ala sako na bongili s`ani ako du ambe gbegbeleke yongo ako gbeleke mbamba. Logbo mu ako du no ni tipoyi Mbili, ako kana nzu tipoyi a zele yongo sako. 14 Bongili ako na gela kpati a gbegbeleke yongo ako za denga ani ti payi nginza. 15 Wa ayita lulu gini, ako ingi gini tipoyi ba do ti kutu balama bosi Besor, ako iyi nginza wa gbegbeleke yongo. 16 Kasi a zingi niko tipoyi kele yongo mu ko kana, dongi kungba yan okomisi ba fuka wani ti poyi ababi yongo ka mbita zo o yita kele yongo. 17 Ani mu ako wa ndula mu ndigi na zo ku agundo mu digi za do se a egi bitima tipoyi ako. 18 Na a zeli kpoto sako ako za ndenga ani mu kulu ti gbegbeleke yongo. 19 O kida ako aza gusa ako, tipoyi ako kili su adombi we kele yongo sako. 20 Ni mbita, wa ako ini Yesu klisto ba gusu ako, ako kulu ti gbegbeleke yongo; wa meama ako gita ti yongo mu ba ti iyo. 21 Ako ini ba ina gini bita yongo ku. Kasi ti kutu se ako ba gito 22 Ti da na ko yongo mu fuka kpolo kili: Bana gita na liga sako o suka se mu mbe nge gita na fuka.