¹ Mi Simon Pierre, mbe sungu we Yesu klisto mitini no ni mbiti me. Misakatoni abosi Zegi, oni gini kili wa ani, Tisu da gbata yongo oni zeli se tipoyi gbaya yongo we Zegi na Yesu klisto, oni mbe sungu oni. ² Awo oni yini Zegi na Yesu klisto oni zeli ngbanya yongo na ngbanya du. ³ Na ngulu sako Zegi, Zegi ya hu no ni yongo nzu tipoyi ani ku na malo ni ki na ule nzu kosu ba ani na kana oni yini ko, oyugu no ni ka ka sako na ngbaya du sako. ⁴ Tisu ana hu noni nvogo yongo ni ngbangba o hu no ni gini tipoyi oni pala toni na ndagba gulu sako we Zegi, tipoyi oni gu na ndagba kpigo tipoyi oni zo na kana gbegbeleke yongo. ⁵ A wo oni yi poyi Zegi oni du na ngbaya kana ga oni da ambe ndata. ⁶ Oni yini ba banda oni wa muyo oni lengbe ba bo du oni. ⁷ Oni hambatoni na oni yi toni. ⁸ Wa muyo o henge ba lengbasa a he mu dumu nzu, oni na hina wani gbenge Yesu klisto ni ngbangba oni na ba ge ba kusa ngbaya sungu we bita. ⁹ Wa muyo ni mudumu ya zanga hemu o wa ni mu zanga bongili oge hi du Zegi o hegi gbegbeleke yongo sako. ¹⁰ Wa muyo agumie, oni ma ngulu tipoyi ba hi Zegi kosu ya ani na loko ani. Wa nai na kana wa muyo oni ge na da ata na yongo kili ku. ¹¹ Zegi na ga bama oni ambe te sako wa molo zo, Yesu klisto ko du gbenge na gugusu ani. ¹² Ti dumu ni gena mbili ka du tipoyi yongo mu oni hini se mbamba, wa mu dumu oni ne gela ngbanya yongo nzu oni na zala. ¹³ Wa muyo oni bi ni ngbangba ni Zegi si oni na kabebisi oni mbu mi kpi. ¹⁴ Tini kungba ti Yeda ni kpi wa Yesu klisto fuka mu ne. ¹⁵ Wa muyo mi na kana nzu tipoyi na kutu kpigo se oni lengbe ba banda yongo mu. ¹⁶ Na logbo mu mi na fuka no ni ni ngbanya wa ani Yesu klisto oza go na ngulu nzu na ko, ani ge gini yongo ni kungba ku ti ga na ndata we ani; wa muyo ani bili kina sako na bongili ani. ¹⁷ na ligbo mu dumu Zegi baba ya hu kaka nzu o fuka ona: " kosu bosie mi hiko sigi ni na ngbanya du tipoyi ko. ¹⁸ Ani kili gini ti molo sako na logbo mu oni du na eko na gangala wa ambe Zegi. ¹⁹ Wa mu yo ani ya ma du ani na fuka do mudumu ambe ti beko ya fuka, ti lengbe oni Zeli se wa we mudumu na kina ndagba bitima, mbu la gili na du ani. ²⁰ Na yongo su dumu, ni kili ku na lengba ba fuka yongo mu ambe bibi yongo sa Zegi na me suma ya ke. ²¹ ni kungba ku ata a mbe bibi yongo na masuma kili ku, o fuka kpolo Zegi me lisako kili, wa muyo ani na fuka na luma Zegi odu nzeke pati na molimo Santu.