¹ Ambe gumise, oni gele mbiti ne mike me no ni bati iyo mitimi no ni, oni palakpa yongo oni gini, tipoyi oni nye na abita ani. ² mi yi ya oni balakpa na du oni zo fuka do ababi yongo sa Zegi ka mbita zo gugu se na du ti ndika aba postolu sa gbenge na ba gusu ani fuka mu na du. ³ Oni yini ni ngbangba ti suka ule ana na ga amu na do ti kutu kele du ako ana senga na ana ndanga akula abako. ⁴ Ana sinya ya "nimu fuka ya oza ga ni gunda o di?" A tita sa ani nzu za kpi, kasi nzu na ye kpati wa ti dumu bandi a enge akana Zegi no" ⁵ Ako ka ba gina ya bandi a enge ba kana zegi no ali du kpati han, kasi sende du na ti ndigi, na kpolo Zegi kusu sende na ti ndigi. ⁶ Ti kutu se tipoyi kpolo zegi sende zindi bati iyo na ti ndigi. ⁷ Wa meama Zegi na anga ali zo na sende no mbuu na ule mu ona tima kpolo ko tipoyi o gbitiki he nzu ti we ona de yongo a gbegbeleke ani na angbaya ani. ⁸ Kasi agumie oni ini ya: ti bongili gbenge ya ule kili ti wa sa kili na sa kili wa ule kili. ⁹ Gbenge na sungula ya o lengbe se mo okida mu, wa amu ba du ako, kasi tini bobo du ti yongo soni: Oge yi yi ya ni kili ga yingi ka, kasi ani nzu bili du ako. ¹⁰ Kasi ule gbenge na ga we dikilon: Ti ule mu ali zo nayinga na ti golo gunde. He nzu ali zo na gbeleka na be we Zegi no na sunga se ge moma du. ¹¹ Wa a hein nzu na nyasa kpati wa muyo; okebe ya odu ni ngbaya kanaga na ngulu ti voloka. ¹² Oni sunguda ga wi ule Zegi oni mangulu ti ulemu inya ti ule mu ali zo na gbi ti we, na hein nzu na gbi na bila tu ni ndigi na bati we. ¹³ Ka wa akida ani muka te, ani zaa sunguda nvogo ali zo na nvogo zegi no na bati bita yongo du. ¹⁴ Tisu dumu, ngbaya agumi, wa oni na sunguda ule mu oma ngulu tipoyi oni na negili ku, na gbegbeleke yongo ka ali ka, oni du na zezele du na Zegi gini kili. ¹⁵ Wa gbenge sani na bo du ko, oni yini ya o hu no ni ngalasia kpati wa muyo tipoyi oni gu. Polo gumi ani ke noni kpati wa muyo ni ndata sa Zegi humu niko. ¹⁶ Ti mbiti nzu, na bati ogno na yuga kpolo sako, ona fuka kpati wa muyo kula mu yongo oke, tina hu a kala a ba ge mbiti kpakpaka yongo; tisu ani ge a yini du, na mumudumu ako te ko, ona bila molo kpolo aza sakoli kpati wa muyo na kula mu mbiti, tisu dumu ani za lima ti yongo. ¹⁷ Agumie, wa mi fuka noni, yongo mu na ga, oni de ge, ga gini ga ambe zeleka, na a kele ani ka. ¹⁸ Kasi a galasia ti so no na du oni ni oni so no na yiyini gbenge na ba gusu ani Yesu Klisto, gunda sako wa meama, tina ule Amen.