¹ Wa a klisto dingi ti kpoto ko, oni leke du oni ni baba du yani me dingi ti kpoto ko oka kele yongo. ² Ti ule nzu ona sunga ti Zegi no, o pe ba do ti kutu kele yongo du ani ku kasi ope ba fuka yongo nzu a Zegi yimu ka te. ³ Mbita logbo soni na be kakana yongo sa akele ani na fukamu. Ako du na ta na ingi yongo ba yiti kele hala, ba sule pi, ba li liga mu kpesa, ba mbila ti ngunguluku bati sako na a zele a Zegi. ⁴ Wa meama ambe gbegbele yongo aza nyikpa ba bi ya oni yita bahu toni gini kili na ako ti yongo du ni gbegbeleke, tisu dumu ona senga oni kasi oni za kula ti bongili Zegi mu na ga ba de yongo ani nzu, a mumu du na lugu na amu kpi. ⁵ Ka si oni za kula ti bongili Zegi mu na ga ba de yongo sani nzu, a mumu dumu lugu na mu kpi. ⁶ Ti kulu na molo yongo mu klisto fuka ngbanya kpolo na ani mu kpati mi, azeli lugu sa Zegi ga ti mbisimo Zegi bato ani mu a nyesi de de ngbanga sa ako. ⁷ Ti suka yongo nzu ti da dudukpa, tisu dumu oni du na ngbanya ndata tipoyi oni pe ba voloka Zegi. ⁸ Mbita oni yini yagba gumi tipoyi kele yongo sigi za iwi tipoyi gumi. ⁹ Na logbo nzu oni zeli akula boni ni ngbangba, oni gita na fuka kati sende. ¹⁰ Oni amba na ndagba tene ni na ani okana wa galasia ozeli ti lengbe ni ko na ani mu na banda ngbanya hein sa Zegi. ¹¹ Ni na sakoliy, o yini ya oza sakoli kpolo sa Zegi, nimu na kana sungu ni aba ko oyini ya Zegi su huniko ngulu ya okana wa muyo tipoyi ba bi yongo nzu o gunda Zegi tipoyi klisto: Tipoyi o gunda na ngolu ti ule nzu tisu yo. ¹² Agumie, oni ga nyikpa nga ka tipoyi ba bi ya yagba we za ki na ndagba oni tipoyi ba inda du oni, wa yagba yongo ti kali oni. ¹³ oni du ni mongo tipoyi oni na dinga gini kili na klisto, na ti molo se ya na ule mu ona na ga na gunda sako oni hi oni du na mongo sigi. ¹⁴ Ngbaya yongo toni na ba aza senga oni ti luma klisto ti yugu ya elimo sa Zegi gi kali oni. ¹⁵ Na ndagba oni, nikili ku pe ba bi woko te mu na tikali ni na yimi ko, ni mu di hein sa ani nimu na kana kula bako ni kele yongo, to ni mu na sunguli kula bako ti yongo zele. ¹⁶ Kasi tina du ya ondinga tipoyi ani a ba klisto, ze ga kananga ani ka kasi o gunda Zegi wa o yini ko na luma sako. ¹⁷ Logbo a Zegi ade yongo sa ani tida dudukpa, wa ode yongo sako mbita ti na gaba kana we na ani wa mumu dumu kaba gina ngbaya kpolo sako? ¹⁸ Ti na du ya bita ni na gu na be zinga, a gbegbeleke ani pe ba gu? ¹⁹ Ti su dumu ani mudumu na nzinga wa a Zegi yi muka te, aka na kpati ngbaya yongo na ahu taako na bakana ko ogepe bayita ako du.