¹ Na gini kili na oni hi ngba kumba oni, amu ge na hi kote du, wa ako ka kpolo sa Zegi. oni yi tipoyi fuka do kutu du tipoyi kanaga soni. ² Wamuyo ako na bila ako ningbaya kana ga na ngbaya du. ³ Oni ita ba na toni ni ngbanya na he mudumu ona bi se pati na bongili wa bobo nagili, bobo he wa wolo, ngbaya bango. ⁴ Wa muyo oni du ngbaya du na ngbanya kanaga. Tisu ngba ga yongo we e egise, wa muyo ti ge na gasa ku, tina ngbata molo na bongili Zegi. ⁵ Nabandi logbo adewe aba sntu ako na du bakana bako pati ni ngbaya pati wa muyo ako du ba ma du sako tipoyi Zegi, no banda nga aku ba be ako. ⁶ Ako ba du ako wa na sara ya henge bahini yongo Abrahama. Anadu na yako, " ngbenge se " oni da abosi ko, Wa muyo oni kana ngbanya, oni ge gunde ata hekili ku. ⁷ Wa muyo oni abumba oni sungu ni ngbangba na duaboni. Oni ini ako ge du na ngulu sigi ku wa oni hi poyi ako, ni kungba ako hi na ga ba zala ngulu mu we Zegi fuka mu oni kana ako tipoyi he kili ku gbegbeleke gbogbo ni Zegi sa ako. ⁸ Tipoyi ani yesi se, ani du na ani kili oni gini toni, oni hini toni agumie, oni ambe ngbaya du, oni ita sona ngba na ndagba oni. ⁹ Sanga ni kili ona noni gbegbeleke, oni ge gasa gbegbeleke yongo du ni na na sengo mo ita haga Zegi okana ngbaya yongo ketako, nikungba ku ze ya ani tipoyi oni Zeli ngbaya yongo sako nzu. ¹⁰ Ake ama, nimu dumu hi bakana ngbaya yongo oyi ba bi ngbaya yongo na ngulu sako, o ita ba fuka mu gbegbeleke na ba ata bo fuka zele, ¹¹ O ita gbegbeleke yongo, okana ngbaya yongo, ogele ngbaya du na logbo nzu. ¹² Mi kungba ku bongili Zegi ti du ni ali ani mu na fuka bita, tu sako na gina kpolo sako wa muyo awa hu agbegbeleke ani gigi ko. ¹³ Dasu na oni ni gbegbeleke yongo sanga ani hu toni na gbenge yongo? ¹⁴ Aba ani oni kana ani ni gbegbeleke tipoyi oni na kana ngbaya yongo, oni du ni ngbaya du, oni gena oto ota ni ndaku, na ani ge na ma du oni ali zo ku. ¹⁵ Wa muyo oni hi mu du kili wa Yesus klisito oni gbenge, sanga ani na sion oni, oni za sunguda ngbaya yongo da? oni ini na logbo nzu ba hu tingila kpolo. ¹⁶ Wa muyo oni gesi na ako pati tingila kpolo we ngbaya du. Na gbegbelek yongo ku na ti du oni ku wa muyo ako du na ngbaya kanaga wati lengbe na ndagba ambe Yesu klisto, amumu fuka noni ani du na gbegbeleke ani ako na ye ni. ¹⁷ Wa muyo Zegi ko yi ani bi ndila ti lengbe oni bi ndila tipoyi ngbaya yongo mu ani na kana wa oni bi ndila tipoyi gbegbeleke yongo oni kana semu. ¹⁸ Ni kungba ku Yesu klisto ya bati kili tipoyi gbeleke yongo sani kosu ngbaya ni okpi tipoyi gbegbelek ani tipoyi o haka ani na be Zegi, okpi tipoyi o du ni wa ni nzu, Wa muyo o gbu na be kpigo tipoyi o du na ngulu molimo. ¹⁹ Na ngulu sa molimo o zolo na be molimo se nye ka zo na te sa ambe kpigo. ²⁰ Mbamba ani mu hi poyi Zegi, wa muyo odu na zala du ko logbo Noé o henge ba wa ngba. Oni pati isibe ali ata su limi nandagba wamu yo akoya gu na ndigi. ²¹ Ndigi mudumu yongu wa mama ndigi na li oni ti gusu oni wa me yona ni mu dumu na zola mama ndigi na aliko oge kusu gbegbeleke yongo na kpoto sako ku, ofu sengi ni Zegi tipoyi oge na gu na yongo kili ni gbegbelekena kpoto sako tipoyi Yesu klisto mumu gu mbe kpigo. ²² Ko o gbi ali zo, osungu no bati kaka dudukpa Zegi. A anzelu na ani nzu zo na tesa Zegi ako na ya " Gbenge" ga ani hi ko.