¹ Yagaa ita yongo biliki nzu hohoko yongo agbegbeleke kanaga a hala nzu, fufuko luma ani nzu. ² Eyini a he,wa afoloto agude, yi mu kpati ni momi na we yingo ni ziazia se,kate yo ekini kati gini gugu. ³ Ka ene ka ini mbila gbenge ka. ⁴ Ega dudukpa naa nako, mbisa unga aani ba fugu mu, kaya dumu nisalaka se ni biti ngbangba na bongili Nzegi. ⁵ Ka ene ti te ene, Wa ambisa unga, esonisi teene bawa duma na we yingo ni ziazia se, tipai ba hu ni liga akomu kpi mu na yingo ni ngbangba ni Zegi ti gini Yesu kilisito. ⁶ Tipayi mbiti fuka ya: Ebi, mi sa gaba ma Siona zo mbisa ngbutu kili, asalaka se tiya du ni bita ngbaya se sigi, ka ni mu na yi payi se gita nga ba ngbundunga du. ⁷ Tambwa yongo tipai ene mu dumu yimu kate. kati payi akomu yinga kati yongo du, mbisa mu a abawaduma bafu se, tigaa ni mbisa yagba gulo ngbundu, tidu ni mbisa kokondogo, mbisa pai ze. ⁸ Akona kotogo te ti pai zanga bayi payi kpolo aleke ako ti payi se yo. ⁹ Ene tuene ene ni ka mu asalaka we te gbenge sa Zegi, ziazia dumo, animu agulu ako gula tipai ba no babai-pai ngbaya ayongo samu ko mukusu ene na mbilikaa uma we. ¹⁰ Ene mu kele du mbita ni ambe te du, deme ana ni ambe te sa Zegi. Ene mu anguna kele du tipai ene mbita du dame ana ka guna tipai ene. ¹¹ Agumie, mi na za ene wa adukpa ani, anguluku gini na ali sende me, aka payi hala nzagba kpoto na tambaka na manya. ¹² Na ndagba ako mu ininga Zegi du, Edu ni ngbangba, tipai ako nadu na biwa ene ni akele ani, a ako bingbanya yongo seene, yagunda Zegi na ule mu ako na nabiako te. ¹³ Ema tene kati a gbenge mu ama ako, na dayiba ani tipai gbege, tidu wa yagba gbenge wala. ¹⁴ Akomu akoma ako ba nahu sungu kanga ni ako mu na kana gbegbeleke yongo ya na gunda akana ngbaya yongo tipai tini bati du Zegi su. ¹⁵ Bakana ngbangba yongo waka ene kisi ngba ako mu ilinga yongo du na ako zanga lia. ¹⁶ Ya ega dumu na vulu bene, gita nga ya dudu ka vulu bene wa bango na kisa gini gbegbeleke du, ka ati du wakana ga ani sa Zegi ¹⁷ Hebi ani pe ni kikini, eyinaa agumi, egunde Zegi. Ya kinisi payi gbenge. ¹⁸ Akana sungu eba teene naa gunde kaati ambeene, dunga kpati ako mu du ni ngbangba ya du yee, ka baatu akomu du mu ni kpakpa payi ako. ¹⁹ Ti du ni galasia, badinga ndila tipa yongo yigi payi Zegi na logbo mu ana kano ni kungba. ²⁰ Ni biti, ngbngba yongo da ana dinga ti kutu kakana ni tipa gbegbeleke yo? Kati du time akana ni gbegbeleke tipayi mokana ngbangba yongo tini galasia na balangba Zegi. ²¹ Kati pai se su aya ene te, wa mumu akilisito dingi ndila tipayi ene ya ita ka awoka ene kana kate ba pega kutukpa. ²² Komu na kele kana wili gbegbeleke yongo wa kili du, ka baato yongo ndangilo kilo kati kaa ngbako du komu asenge ko gasi nga sengela du. ²³ Kana ko nikele se wa nye kele, ko vunga kate du, ko ita du kpati niko mu na de mbilimbili ngbanga. ²⁴ Komu tenge ni tu, na kpoto ko kali ngula, gbegbeleke yongo saani, Tipayi ani kpi mu kaa gbegbeleke akanaga ani ni unga tipayi lulu yongo; komu a aolo gangako ya ani gu.v 25 Ka ene na du wa angasa ngbaya mu na ta bau. Ka wa meama time egita wa bandi ba banda ene babanda amanya ene.